لمسه مصرية (الاسرة السعيدة)


الخطوات اللى لازم العريس يتبعها وهو رايح يخطب ..


شجرة الإعجاب6إعجاب
  • 2 Post By دولة الرئيس
  • 2 Post By نور الهدايه
  • 2 Post By الفارس الاصيل

إضافة رد
 
LinkBack أدوات الموضوع انواع عرض الموضوع
قديم 23-06-2020, 01:27 AM   #1


الصورة الرمزية دولة الرئيس
دولة الرئيس غير متواجد حالياً

بيانات اضافيه [ + ]
 رقم العضوية : 6319
 تاريخ التسجيل :  Sep 2018
 المشاركات : 4,171 [ + ]
 التقييم :  1122
تلقيت إعجاب : 1349
 الدولهـ
Jordan
 الجنس ~
Male
 اوسمتي
العضو المميز التميز البرونزي 
لوني المفضل : Navy

اوسمتي

افتراضي الخطوات اللى لازم العريس يتبعها وهو رايح يخطب ..




بصوا بقى ..


النهاردة هقولكم على الخطوات اللى لازم العريس يتبعها وهو رايح يخطب ..


بعد الشر عنكم يعنى طبعا زى ما كلنا عارفين الشاب منكم اد ايه ما بيحبش يقدم


على الخطوة دى اللى بتجيبله قشعريرة فى جسمه ..

وسكر وضغط وفقر دم وفقر جيوب ..


لكن فى ناس بتبقى مضطرة تعمل الخطوة دى واللى يحصل يحصل وده بيبقى


نتيجة لسبب واحد ..


وهو انه يلاقى والدته طول النهار قاعدة نايمة رايحة جاية عمالة تعيط وتنهنه وترزعه

كلمتين فى العضم من اللى يجيبوا هشاشة عظام ..


وتقوله :



" نفسى افرح بيك قبل ما اموت يا ابنى "

" نفسى اشوف عيالك بيجروا حواليا واشيلهم على كتفى "
او


انها تكون محتاجة واحدة تشيل وتحط وتنضف وتطبخ ببلاش ..


وتقوله :


"نفسى تجيبلى عروسة بنت حلال وتشيل عنى بقى وتريحنى من قرفك "

فى الحالة دى بس بيضطر الابن يتنازل عن حريته ..


ويضحى علشان الام تعيش وبينتحر وامره الى الله ..



ويقول :


لامه من غير نفس شوفلنا واحدة تعيش وابقى اعملى فيها اللى انتى عايزاه ..


وربنا يقدرنا على فعل الخير ..


النهاردة بقى اليوم اللى هتروح فيه مع ماما علشان تتخطب ..


اقصد تخطب ..

حاول تعتمد على نفسك وتطلع هدومك بنفسك وتوفق الالوان مع بعض من غير كل


شوية ما تنادى على ماما وتعلها اكتر ما هى معلولة منك ..


وحاول انك تبعد عن لبس البدل والقمصان والكرفتات

والبس الهدوم النيو لوك اللى بنات اليومين دول بتتهوس بيها ..



يعنى مثلا شورت وفانلة مقطعةاو فانلة عليها رسومات ميكى ماوس وقطط وكلاب

..


يعنى ده دليل على انك شخصية ليفة ..


" اقصد أليفة "




وابعد خالص مالص عن الشرابات والجزم الحاجات دى ..



بقت موضة بريحة بتطلع روايح مش مستحبة ..

حاول تلبس صندل بتاع الناس اللى بيبيعوا عرقسوس ..


او سليبر وده اسم الدلع ..


واياك وان ..

تحذير هام انتبه ..


" السليبر يرجع الى الخلف" يا سلام لو كان بينور تبقى ايه ..


منتهى الشياكة ..


وكده هتبقى راجل شيك بس من غير رصيد ..


كمان ما ننساش الشعر يضرب فى الخلاط ..



شوية جلة على حبة صابون غسيل على كيسين كلور الوان وشوف النتيجة ..


هتلاقيه زلبطة ناصعة البياض ايون الزلبطة اليومين دول موضة ..


الشعر موضة قديمة واللى عنده شعر يا ياخده موس زيرو ..

يا يحط شوية جاز على حبة اوكسجين ويولع ..


خلصنا من الشعر وبقينا تمام نلبس حظاظة ..


ولو معندناش نجيب حتة قماش من بتوع المطبخ ناخد منها حتة ونربطها على ايدينا


تبقى حظاظة ..

نحط بقى كولونيا خمس خمسات وكده نبقى بقينا عال العال ..


وتخرج تاخد ست الحبايب انججيه ..


( يعنى ايد فى ايد )



وعلى بيت العروسة عدل .. اول ما تلاقى ابو العروسة تسلم ..


وكلك ثقة واستعمل الفاظ اليومين دول ..

اللى بتخلى البنات تقول ان الشاب ده ،، استايل وابن ناس ..


يعنى" هالو اونكل" ،، "هالو تنت "


"هاو ،، ار ،، يوووووه عليكم وعلى ريحتكم "

كده يعنى وبلاش سلام المعلم طربقها وشغل الجزراين ده ..


ساء الخير يا مودام .. ساء الخير يا عمى ..


" دستور يا اهل الدار "

لحسن يتصدموا ويفتكروا انك عليك عفريت ولا حاجة ..


ادخل برجلك الشمال ..


لان اليمين بطلت وبقت" اولد فاشون "


الشمال بتاعة السليبر ،، اما اليمين بتاعة البولغ والبنص ..

اول ما تقعد تحاول تقعد قعدة جديدة بلاش ام رجل على رجل دى ..


أحسن العروسة تقول عليك من ايام عبد الوهاب والابيض واسود ..


غير ،،


احنا بقينا فى عصر ال" l c d" ابو سبعة وتلاتين بوصة ..

تجنب الوشوشة كل شوية مع الست مامتك علشان ما يقولوش ابن امه ..


وبلاش فى كل حاجة يقولها ابو العروسة تبص لمامتك وتغمزلها ..


اتكلم انت وخليك جرىء ..


حتى لو مامتك معجبهاش الكلام ..

براحتك ،،، وابقى اترزع فى البيت عادى دى ماما ..


المهم يبان ان عندك شخصية ،، معملية مستفزة اقصد "فزة "


واول ما تلاقى العروسة خارجة بصينية المشروبات ..

بلاش تبحلقلها وبص فى الارض ..


عارفين انك بجح وعينك يدب فيها 60000 رصاصة ..


بس معلش تعالى على نفسك


ولم عينك وبحلق فى السقف ..



واعمل خجول بدل ما العروسة ،، تتلخم وتوقع الصينية عليك ..

وتبوظلك الطقم او يقوم ابوها يلكملك ..


كمان مش عايزين طفاسة ..

ولا عايزين طقم الاسنان يبان خالص ..


يعنى هما شفطتين عصير وبس ..


ولو كان فيه جاتوه او اى حاجة حلوة ..


سيب الطبق مكانه واكبح مشاعرك الطفسية والمطبخية دلوقتى


وبلاش تمسح الاطباق مسح ..


علشان ميقولوش عليك مفجوع ومشفتش الحاجات دى فى بيتكم ..


لازم تبين ان عينك مليانة ..


اول ما ابو العروسة يبتدى كلامه بجملة ..


( نيجى للمهم )


تعرف علطول انه هيبتدى الامتحان ..


ولازم تركز وتجاوب بتقدير جيد مع مرتبة وملل الشرف ..


ومش اى مرتبة مرتبة اسفنج مش تنجيد ..


( الشبكة )

اول ما تسمع الكلمة دى ..


ما تفتكرش شبكة الصيد ..


لا هو يقصد شبكة للقرش اللى هيجوزهالك ..


يعنى الدبل والمحبس والحنفية اللى هتفضل تنقط وتخر على نفوخك ومش هتلاقى


جلدة تسد بقها بيها ..


ابعد عن الاجابة بتاعت :


(( انا تحت امركم ))

لحسن ساعتها هتسمع انواع من المعادن غريبة ..


وعمرها ما مرت على ودنك ..


زى الالماظ ،، والسولتير ..


ساعتها ما توافقش وافتكر زمان ايام الشبكة اللى كانت طقم حلل نحاس ..


وقلهم مفيش داعى للمصاريف ..


الشبكة دى هدية من العريس للعروسة بقيمتها ..


وطبعا انت عارف قيمتها عندك اد ايه ..


وكل واحد وتقديره ..


نيجى ( للشقة )

تسمع ابراج ،، فيلل ،، شقة بجنينه ..


اعمل فيها عبيط وطنش ..


وقلهم عندى شقة بمنافعها ..


اوضتين ،، وصالة ،، وعفشة ميه ..


يعنى هما هينهبوا


اهو على الاقل انت هتبقى طورت" نظرية" عش العصفورة ..


( العربية )

اول ما يسالوك على العربية ..


قلهم ناوى ادخل جمعية بنفرين واقبض الاخر ..


واشترى واحدة بالقسط 27 او سيات ..


ولو مش عاجبهم ..


يبقوا يركبوها تاكسى على حسابهم ..


واتحجج ان البلد بقت زحمة ومفيش اكتر من المواصلات والعربيات الكارو ..


( الفرح )

هنعمله فين ؟؟


قلهم السطوح عندنا كبير ويساع بدل من الواحد الف ..


حاسسهم انهم هيعملوا فرح بنتهم فى "الاستاد "


ولو ام العروسة اتحشرت وقالتلك :


بنتى لازم يتعملها فرح فى دار ،، او فندق ،، او نادى ..


ولا كانها الاميرة ديانا ..


قلها بس بس طلبك عندى ..


" مركز الشباب اللى جنب بيتكم "

وكام لمبة على كام كرسى بقى فرح ..


ولو اتكلمت قلها ان المنظرة ملهاش داعى ..


واول ما تلاقى ابو العروسة بيرفع ايده وبيقول سمعونا زغروطة ..


تعرف انك عريس لقطة وقعتلهم من السماء ..


وساعتها بص للعروسة واعمل فيها توم كروز ..


hgo',hj hggn gh.l hguvds djfuih ,i, vhdp do'f >>



 


رد مع اقتباس
قديم 29-06-2020, 11:37 PM   #2
( كاتبة)


الصورة الرمزية نور الهدايه
نور الهدايه غير متواجد حالياً

بيانات اضافيه [ + ]
 رقم العضوية : 1245
 تاريخ التسجيل :  Apr 2012
 العمر : 35
 المشاركات : 4,644 [ + ]
 التقييم :  6018
تلقيت إعجاب : 1578
 الدولهـ
Egypt
 الجنس ~
Female
 MMS ~
MMS ~
لوني المفضل : Blueviolet

اوسمتي

افتراضي رد: الخطوات اللى لازم العريس يتبعها وهو رايح يخطب ..



ياااااااه ياخبر مالوش لووووون
انا سرحت مع الكلام وشفت اللقطه
اللى فاتت دى زى شريط السينما
واتخيلت شكل العريس الغلبان وهو ممدد تحت
بلكونه العروسه وبوكيه الورد منثور على جثته
الله يرحمه كان راجل .....طيب

مشكور دولة الرئيس على البسمه الجميله
تحياتى


 
مواضيع : نور الهدايه



رد مع اقتباس
قديم 30-06-2020, 09:13 AM   #3


الصورة الرمزية الفارس الاصيل
الفارس الاصيل غير متواجد حالياً

بيانات اضافيه [ + ]
 رقم العضوية : 2980
 تاريخ التسجيل :  Apr 2013
 المشاركات : 3,572 [ + ]
 التقييم :  7563
تلقيت إعجاب : 2780
 الدولهـ
Egypt
 الجنس ~
Male
لوني المفضل : Cadetblue

اوسمتي

افتراضي رد: الخطوات اللى لازم العريس يتبعها وهو رايح يخطب ..





المقال من باب الدعابة جميل مقبول بيسموه الكوميديا السوداء لكن في الحقيقه غير ذلك على الاطلاق هي تراجيديا حزينه .

لقد اصبحت تلك الجلسة جلسة سياسية دبلوماسية الشاطر فيها يخرج بأقل خسائر مادية .

في الوقت الحالي مفيش حاجه اسمها العريس غلبان اللي غلبان صحيح ابو العروسة اللي بيبقى محتار و عاوز يجيب لبنته الحلو كله .

بس ياترى الواد ده هيعرف يحافظ عليها و ما يهنهاش و لو مد ايده اعمل فيه ايه .

ابو العروسه الجناح المكسور .

جعلت الخطوبة للرؤيا فتحولت لجلسة مفاوضات تنتهي بزغروطه لقلب شال الهم بيضحك و بيفكر هيقبض الجمعيه امتى .

عارف انا ضربت الرقم القياسي في عدد الجلسات دي و كان فضلي مره و لا اتنين و ادخل موسوعة جينس .

كل ما امي تدور الاسطوانه اللي انت حكيت عنها اجري اجيب تورتايه و دبله و فركش.

خرج الاختيار و الزواج عن ما اقره الله و رسوله فضاع السكن و المودة و الرحمة .

تقدر تقول لي سلو بلدكم في الجواز ايه .

تسمع عن النص بالنص و لا نظريه الخشب و الباقي رفايع

خليها على الله


تحياتي .





 


رد مع اقتباس
قديم 30-06-2020, 03:24 PM   #4


الصورة الرمزية الاسكندراني
الاسكندراني غير متواجد حالياً

بيانات اضافيه [ + ]
 رقم العضوية : 2143
 تاريخ التسجيل :  Dec 2012
 العمر : 64
 المشاركات : 20,144 [ + ]
 التقييم :  6995
تلقيت إعجاب : 2763
 الدولهـ
Egypt
 الجنس ~
Male
 MMS ~
MMS ~
لوني المفضل : Blueviolet

اوسمتي

افتراضي رد: الخطوات اللى لازم العريس يتبعها وهو رايح يخطب ..



والله فعلا مصيبة
اللي عاوز يتزوج اليومين دول
وكمان على رأي الفارس الأصيل
ابو العروسة الخسران في الجيزات هذه
واتخرب بيت أمه لو عنده
أكثر من بنت
الله يعطيك العافيه ياغالي


 
 توقيع : الاسكندراني



رد مع اقتباس
إضافة رد

مواقع النشر


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
ناشط سياسى بس رايح لسمير جعجع سحرالقلوب الاخبار المحلية والعالمية 8 27-03-2013 09:03 AM
كنت رايح الامتحان بـ مناسبه الامتحانات Mostafa Mafysh tkder الفكاهه والمرح 4 28-12-2011 09:34 PM
ننوس مامي رايح الجيش أعذرني فأنا أنثى الفكاهه والمرح 8 28-08-2011 12:53 AM
واحد رخم قوى راح يخطب جاامد جدا احساس جوليات الفكاهه والمرح 1 20-07-2011 01:08 PM


الساعة الآن 12:45 PM.



هذا الموقع يتسخدم منتجات Weblanca.com
new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسة مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه


SEO by vBSEO ©2011, Crawlability, Inc.