الانتقال للخلف   منتديات لمسه مصريه > قسم الادبي والاشعار والخواطر > المنقولات الادبيه
 

المنقولات الادبيه لكل ما هو منقول من اعمال ادبيه واشعار وخواطر

لمسه مصرية (الاسرة السعيدة)


الشوارع

لكل ما هو منقول من اعمال ادبيه واشعار وخواطر


شجرة الإعجاب6إعجاب
  • 2 Post By الاسكندراني
  • 2 Post By alhs
  • 1 Post By جود
  • 1 Post By الاسكندراني

إضافة رد
 
LinkBack أدوات الموضوع انواع عرض الموضوع
قديم 01-04-2020, 01:36 PM   #1


الصورة الرمزية الاسكندراني
الاسكندراني غير متواجد حالياً

بيانات اضافيه [ + ]
 رقم العضوية : 2143
 تاريخ التسجيل :  Dec 2012
 العمر : 64
 المشاركات : 19,815 [ + ]
 التقييم :  6624
 الدولهـ
Egypt
 الجنس ~
Male
 MMS ~
MMS ~
 اوسمتي
العطاء وسام الوفاء 
لوني المفضل : Blueviolet

اوسمتي

افتراضي الشوارع




الشوارع
............
_الشوارع فاضيه جدًّا_
والسما واخده اتجاه القبله وبتضحك بشدّه
صوت خلايا النحل طالع
.................. زيّ ما تكون حرب ردّه
أمّي حاطّه مخدّه جنب الباب ونايمه
واللي فاز بالأمس فايز بيها صايمه
والشوارع قايمه بتحايل عنيها
كلّ شيء بادئ ببطء شديد يغنّي
والجعان بيبصّ للقسوه اللي فيها
نفسه يغسل وشّه بيها الصبح لكن،
.... جوعه سايب روحه تتحايل عليها
السما في الفجر بتنفّض إيديها على الغلابه
والوجع شاعر وداير بالربابه
كل حاجه بريئه بتبصّ بكآبه
"التعالب زيّهم زيّ الديابه"
والأسود عاملين تعالب
والأبالسه مزوّقين الزحمه لقلوب القوالب
والشوارع
..غارزه من غير رحمه في جلودنا المخالب
واقف الطالب بيحسب شيء في راسه
طفل تايه.. واحد ابن حرام سرق بالليل ميراثه
عيّله بتخبّي من عيّل مداسه وتستغمّى
ستّ بتوشوش ودع وتقول له رافض يستحمّى
واحده حامل...
.. نفسها غمّت عشان ريحة الشوارع صابحه خَمّه
الفريق إيّاه غلب آخر المتمّه
والبيوت زَمّه البيبان كام ألف زَمّه
كله ماشي بذمّه بيعدّ الخطاوي
الحياه حرب العرق والصبر وقعاد القهاوي
..... والعرق في الحرب مش محتاج مخاوي
العرق محتاج لحيله تمكّن العرقان يعدّي
تنقذ الغرقان من الليل المنَدّي
توهب العاشق وطن والعاشقه صوره
ترسم التنّوره في القلب المصدّي
الشوارع لونها وردي وضحكها أخضر لموني
تشبه البنت اللي بتصلّي الضحى ف محراب عيوني
والربيع ابو ريحه فايحه
حزننا براميل وبرضه الفرحه طايحه
والعيون السودا جوّه اطباقها سايحه
العيال رايحه المحلات والقلوب حشو المرايل
القمر بيشبّ للبيّاع وطايل
هات بنصّ جنيه محبّه وربع أوطه
يا اللا يابن الإيه يا خايب جاتكوا شوطه
احدف الفوطه اللي عندك للمنادي
عايزه باتنين ورد وشويّة زبادي
والنهار ع الناصيه عادي وماشي هادي
نص وادي النيل _بيضحك في المعادي_
حادي بادي الورد شايل شنطه فضّه
بياعين الفول بيملوا القِدره رَدّه
طشّة الزيت عامله خضّه لكلّ واحد مدّ إيده
الولي بيختار من المجاذيب مريده
الشيطان صابح بينفخ سم ف قلوب الأفاعي
وابن خالته المحترم عامل رفاعي
والشوارع صاحيه من غير أيّ داعي تبيع مناهده
اللي فرحان بالبطاطس.. واللي مخنوق م المعاهده
واللي تشبه شاهد القبر ف حارتنا وقاعده شاهده
واللي لابس عمّه وبيصرخ: حرام. والخلق زاهده
واللي شال الدنيا عهده وخطّى بيها
والشوارع فاضيه جدًّا..
والسما واخده اتجاه القبله وبتضحك عليها
الكلاب عاملين مؤامره..
الأيادي السمره بتشيل الضحايا
ميكروباصات المدارس
......... فرحانين بالحنّه في إيدين الصبايا
قلبي سرحان في الضفاير والعماير والبنايه
والبنات الورد فايتين بالملايه
.................. بازغده يركّز معايا
يا ضحايا بلادي يا ولاد الضحايا
وشّكم معكوس على وشّ المرايه
حزن ماسك فايه وبيجلد حزين
صوت بتاع القَرع ظاهر حبّتين
كمسري الأتوبيس بينده ع اللي رايحين الحسين
عيلين طالعين وراهم وردتين
واحده فيهم راسمه قلب كبير على الجنب اليمين
واللي ماشيه وراها فارقه بخطوتين
شايله جوه عيونها ضحكه تكفّي شارع جمعتين
لسّه نور عمدان حواري الروح منوّر
والرغيف السخن في خدودهم مدوّر
والرموش الحاميه في وشوشهم تعوّر
والمعاني الحلوه تيجي ف حضرة الحلوين منين
الشوارع فاضيه جدًّا من محلّات السّمين
بياعين الحبّ كارهين الحبايب
والندى ع الأرض فارش بالزكايب
الشيطان محتار وعامل فيها خايب
والصبيّه بتبتسم من قلب شايب
والسما بتعدّ للناس المصايب
و اللي عاب في الخلق عايب من عماه
الشوارع فاضيه جدًّا
والغريب في حماها وبيوتها ف حماه
الطريق فاتح جيوبه
........... والقلوب بتهلّ من كل اتجاه
اللي ماشي لوحده ساحب جيش وراه
والشوارع خايفه من غير طوق نجاه
بياعين الحبّ كارهين الرزاله
والبياعه عاديّه لبتوع النداله
واللي كاتب شعر مش محتاج قواله
واللي شايل قلب بيحطّه ف حواله
والشوارع قاعه فاتحه ف قلب صاله
فيها كل الناس بتحجل بالتكاله على الحياه
................ الشوارع فاضيه والعالم إله
آااااه عشان القلب يهدا ويبتسم ويقولها تاني
وامّا يمشي ف سكّه يرجع للطريق الأولاني
في الشوارع معجباني الحاره مجرم
للشوارع حكمه تخلق معجباني
رنّة الأسماء بتنفد من وداني الصبح بتخلّيني أغنّي
........................ وابتسم لبيوت حارتنا
وابلع الشتمه اللي نطّت من جارتنا
واكسر الطوبه اللي صابت نضارتنا
والعيون الخاينه لما اتصوّرتنا
والبنيّه اللي اشتهتنا وصوّرتنا بيوت موالي
كاره الخلق الكئيبه التايهه في صفوف المعالي
كيكه عاليه وكيكه واطيه ورزّ وقت الأزمه غالي
قدرة الفوّال بطاطا
..................... وقِدرتي أيام خوالي
خالي قال لي كتير وانا كدّبت خالي
وابتديت اخدعني بالعشق المثالي
والشوارع فاضيه جدًّا
................. بس انا دايمًا في حالي
باجمع القطط الحزينه بشكل آلي
واكتب الشعر اللي اعذّب بيه عيالي
.....................


#سعيد_شحاتة


hga,hvu



 
alhs و جود معجبين بهذا.
 توقيع : الاسكندراني



رد مع اقتباس
قديم 01-04-2020, 02:48 PM   #2


الصورة الرمزية alhs
alhs غير متواجد حالياً

بيانات اضافيه [ + ]
 رقم العضوية : 5162
 تاريخ التسجيل :  Sep 2016
 المشاركات : 1,989 [ + ]
 التقييم :  1855
لوني المفضل : Cadetblue
افتراضي رد: الشوارع



باجمع القطط الحزينه بشكل آلي
واكتب الشعر اللي اعذّب بيه عيالي


ويعطيك الف عافية


 
الاسكندراني و جود معجبين بهذا.


رد مع اقتباس
قديم 01-04-2020, 04:29 PM   #3
كاتبـــة


الصورة الرمزية جود
جود غير متواجد حالياً

بيانات اضافيه [ + ]
 رقم العضوية : 6593
 تاريخ التسجيل :  Oct 2013
 المشاركات : 17,651 [ + ]
 التقييم :  21819
 الدولهـ
Syria
 الجنس ~
Female
لوني المفضل : Skyblue

اوسمتي

افتراضي رد: الشوارع



شكرا لانتقاءك بابا أشرف
يارب يسعد قلبك ومايحرمنا منك
محبتي والياسمين


 
alhs معجبين بهذا.
 توقيع : جود



رد مع اقتباس
قديم 05-04-2020, 06:28 PM   #4


الصورة الرمزية الاسكندراني
الاسكندراني غير متواجد حالياً

بيانات اضافيه [ + ]
 رقم العضوية : 2143
 تاريخ التسجيل :  Dec 2012
 العمر : 64
 المشاركات : 19,815 [ + ]
 التقييم :  6624
 الدولهـ
Egypt
 الجنس ~
Male
 MMS ~
MMS ~
لوني المفضل : Blueviolet

اوسمتي

افتراضي رد: الشوارع



اقتباس:
المشاركة الأصلية كتبت بواسطة alhs مشاهدة المشاركة
باجمع القطط الحزينه بشكل آلي
واكتب الشعر اللي اعذّب بيه عيالي


ويعطيك الف عافية



شكرآ تواجدك الكريم ياغالي


 


رد مع اقتباس
قديم 05-04-2020, 06:29 PM   #5


الصورة الرمزية الاسكندراني
الاسكندراني غير متواجد حالياً

بيانات اضافيه [ + ]
 رقم العضوية : 2143
 تاريخ التسجيل :  Dec 2012
 العمر : 64
 المشاركات : 19,815 [ + ]
 التقييم :  6624
 الدولهـ
Egypt
 الجنس ~
Male
 MMS ~
MMS ~
لوني المفضل : Blueviolet

اوسمتي

افتراضي رد: الشوارع



اقتباس:
المشاركة الأصلية كتبت بواسطة جود مشاهدة المشاركة
شكرا لانتقاءك بابا أشرف
يارب يسعد قلبك ومايحرمنا منك
محبتي والياسمين


شكرآ تواجدك الكريم بنتي الغاليه


 
جود معجبين بهذا.


رد مع اقتباس
إضافة رد

مواقع النشر


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
أدب الشوارع شروق دلال غرائب وطرائف الصور 5 09-04-2019 10:37 PM
فن الشوارع شروق دلال غرائب وطرائف الصور 6 11-12-2016 10:23 AM
فن الرسم على الشوارع سامية المواضيع المكرره والارشيف 7 25-09-2012 10:29 AM
اغرب الشوارع في العالم ocean heart غرائب وطرائف الصور 15 04-11-2011 02:09 AM
أطفال الشوارع ندى الروح النقاش الجاد 10 03-10-2011 09:19 PM


الساعة الآن 09:38 AM.



هذا الموقع يتسخدم منتجات Weblanca.com
new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسة مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه


SEO by vBSEO ©2011, Crawlability, Inc.