المنقولات الادبيه لكل ما هو منقول من اعمال ادبيه واشعار وخواطر

لمسه مصرية (الاسرة السعيدة)


قصيدة غيطان الحلم

لكل ما هو منقول من اعمال ادبيه واشعار وخواطر


موضوع مغلق
 
LinkBack أدوات الموضوع انواع عرض الموضوع
قديم 31-07-2011, 05:25 PM   #1


الصورة الرمزية زيزي المهندس
زيزي المهندس غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Mar 2011
 المشاركات : 16,730 [ + ]
 التقييم :  2255
تلقيت إعجاب : 85
 الدولهـ
Egypt
 الجنس ~
Female
 اوسمتي
العطاء 
لوني المفضل : Blue

اوسمتي

افتراضي قصيدة غيطان الحلم



الحلم, غيطان, قصيدة

للشاعر الكبير :عبد الرحمن الأبنودي
قصيدة غيطان الحلم
(١) المفاتيح..

مانتش غلبانة يا بنت الناس
سرقوا ميراثك
وجابولك ناس غير نفس الناس
قالوا دي.. ناسك
فتشوا علي مفاتيح الإحساس
يطفوا حماسك
انا رأيي الشيطان الخناس
لساه.. ماسك!
<<<
واحنا الأمرا ولاد الأمرا
أمرا.. خايبين
أغرب أمرا لإننا فقرا
نابتين في الطين
بننام في الليل بين الأجرا
ووسط الجعانين
وبقينا في الامر ده خبرا
وولاد ملاعين!!
<<<
تتجلًّي عروسة في ليلة عيد
وتحني الكف
وانتي الفاكهة من غير مواعيد
يا شجر علي جرف
والطرح تقيل بيوزّ الإيد
تجْسر ع القطف
طابْت العناقيد وانا مرمي بعيد
في آخر الصف
<<<

(٢)الحكاية..

أسلوب معروف
قرّب.. جرّب
أسلوب ماركة
ضحكة عقرب.
أسلوب معروف
لا تشرّق مني ولا تغرّب
بالوصفة دي تعرف تحكمهم
وتلملمهم من أي طروف.
إعمل قديس
واحفظ احوالهم واشرب
وباركهم.. بس املاهم خوف!!
حاور.. داور.. ناور..
املاها حلقاتومحاور
حط الأعصاب في التلاجة
بالراحة لحد ما تهلكهم..
واعمل إنك عامل معروف
هدّد بالضرب بلاش تضرب
أسلوب ماركة
ضحكة عقرب.
يتعبوا.. ويكلوا.. ويملوا
يتسرسبوا واحد.. والتاني
ماشي في ضلهُّ
وانت افضل شوف.
افضل لنهاية الشوط كله
واللي يشكلَّك شكلِّه
مرة بحزم.. ومرة بتحسيس
اسلوب معروف..
البشر الخاطي..
والقديس!!
<<<

(٣)

يا حامي الزرع الأخضر في
غيطان الثورة
الشرْد قتل كل الخُضرة
واحنا اللي صحينا من السّكره
ولقينا بكره.. مش بكره
ولقيتك واقف
بتشد حبال الماضي
ولقيتني واقف مش راضي..
وكمان مش معجب بالفكرة.
بهدوء تلاعبني كإني طفل...
بهدوء تلاعبني من بعد همود الفوْرة
ولقيت في وشك نفس الوش
وشك محفوظ معروف
شفته قبلك علي ألفين وش.
الوش المنقوع في طبق غش.
انت أوهُمّ نفس الشخص
وقريتوا سوا..
وحفظتوا نفس النَّص.
الايد نفس الإيد..
الصوت نفس الصوت
العين اللي مابتشبعشي
مراقبة وتبصّ
زي زمان.. زي الوقت.
مش إنت اللي يغيّرك الحال..
والوقت!!
إنت أبدي..
زي الشتا والصيف.
ساعة تعمل صاحب بيت
ساعة تعمل ضيف!!
وتقول ع اللي قتلته »ولدي«
الكدب في دمك.. أصلي..
مش عادة.
لأ.. وأكاده
غيطان الحلم..
طويتها طوْية سجادة
وما عادش الوطن الغالي خلاص..
حُبُّه عباده
بقي مصدر رزق التجار والسادة
زي ما كان في الأصل
كل المسألة إنتهي فصل
وابتدا فصل.
وسمعت أنين الخلق التعبانة
الحانقة
ولقيتني عنك بانأي وبانأي.
وورايا هدير الناس الواقفة
علي عتبات الروح
من كتر ما داقوا وداقوا
حلموا واشتاقوا
ضاقت ع الاحلام الأيام
وبيرجعوا..
كل ما طلعوا لقدام..!!
عارفين مأساتهم.. والأنكي
أذكيا.. عارفين إنك أذكي
اللي حبوا الارض عباده
واللي بحُب الأوطان مهاويس
صبحوا هم الشيطان
وانت صبحت القديس!!
<<<
خربوه العايقين قعدوا علي تلُّه
ولا عرفوا يوم..
معني للوطن اللي تِخنوا في ضله
لسه المستعمر في الدم.
عُمْر ما شاركونا في الهم.
نزعق من آخر قصبة
في فدان الهم..
تم طبع الخونة.. تجار الحلم
اللي فاكريننا زدنا كام مشهد
بعد ختام الفيلم.!!
يا...ه .. ع الجو امّا اتحول.!!
كرهونا أكتر م الاول.!!
وفي نُص الرقصة
اتحايلوا لاجل يقُصوها.
جينا نروي القصة لولادنا
.. حلفوا بيمين ماتقصوها.
كل الشياطين واحد يابا
وبنفس الوش يطلوا عليك
بمجرد فتح البوابة.
فجأة الأحباب صبحم أغراب.
فجأة الضحكة اتقلبت أنياب
وخيامنا أصروا نلموها
كرهونا يا عم وكرهوها.
الوهج الإنساني إحنا
وبلادنا تبكي إذا بكينا
وتزغرط فرحه إذا فرحنا
إحنا النور اللي علي السكة
وهم الٍحنكة.
ونسيوا ان رجمَا الغدر
ما زالت في صدورنا باركة.
والمعركة لسه وميت لسه
سكن الشيطان..
صوت القديس!!
<<<
ووشوشهم حمرا تكبّ الدم.
واحنا وشوشنا عكّرها الهم
ودوارق تترجرج بلا هز
ومحبة.. عمر ما يوم تتعز
والصوت نوّر في الدنيا وعم
والراجل واقف يستحمر
صدقني يا عم
ما زلنا الشعب المُسْتَعْمرَ
واللي راكبنا مش شبعان غَزّ
يُنكر يشتمنا بملو الفم
يا خسارة والله شعب مليح
فجأة بقينا ملايين مجاريح
كما تبن ومتبعتر في الريح.
لا ناخد الحكمة من الاقدم
ولا نُصحّا.. ولا نحب التنصيح
انفلتت اعمار في الميْدان
وفلان.. في لحظة ما عادش فلان
والمستخرّس.. لقي نفسه فصيح.
واللي كان عمره يخاف الدم
غرّق توبه بدما الأحباب
أحباب شافهم ولا يعرفهمش
واللي متأخر.. إتقدّم..
صبح اسمه فلان.
وصبح عنوان.
طلعت صورته
في صدر الجورنان.
محكمة واتنصبت في الميدان
فيه حد برئ
والتاني مدان.
ده ميدان ده والا يوم الحشر؟
كل اللي اتقال صالح للنشر.
والكون خد له ييجي شهر صريح
قبل ما غيرنا يطّفي المصابيح.
من قبل القول ما يبقي قولين
والصوت صوتين
وقلوبنا لونين
وده شايف إيه؟
وده باصص فين؟
وده قاعد ليه؟
وده قبضُه منين؟
وده ورَّي مواهبه
في التخوين.
وده قال: العلم.. ده قال »الدين«.
محكمة بره وجوه الميدان.
البحر واحد والسمك الوان.
»والثورة ركبت في المراجيح«.
يحيا المجاريح يا أهل الذوق
السما نزلت.. والأرض لفوق
الغلّة صبحت نُخالة
كنا في حالة بقينا في حالة
نخْورّنا كتير بطّلناش كحت
وبايننه حننزل تاني لتحت.
والثورة دي تستحملنا ازاي؟
ؤحنا؟ والاّهيه العالة؟
وانت يا بطل.. ازاي روحت؟
ازاي سبت ميدانك للنشل
من قبل ما تقبض تمن القتل؟
او حتي تطبطب علي كام أم؟!
إحنا لسه بتوع الافكار
وهمّ القتلة بتوع ضرب النار.
أشرار بيضللوا علي اشرار!!
لسه القتلة طايحين فينا
بيعدوا علينا خطاوينا.
لسه حارسينهم حرّاسنا
الموت متفصل بمقاسنا
سكنوا أحلامنا وأنفاسنا
وطيورنا بترقص فوق روسنا.
فتحوا الابواب.. طلقوا الأوباش
إللي مبرشم جرّ الحشاش.
إتفلت البحر علي الأسباب
اتقتلوا قدامنا الأحباب
عشرات.. ميات
الشيطان عاش..
والقديس مات!!
<<<
إتسلحوا من مال الأمة.
المال سلّحهم بالهمة
إتعكموا بالبرشام والمال.
شي اللاّه.. يا رجال الاعمال
ياللي رميتونا لسوء الحال:
لا نربي عيال
ولا فيه أشغال
ولا لقمة حلال.
صدّرتوا البلطجة للعمال.
سديتوا السكة علي الصالحين
وعقدتوا الحلف مع الفاسدين
وحكمتوا مصير المصريين
وصالحتوا الأعداء علي بابنا
ضخّيتوا غازنا علي حسابنا.
إنتم لابدين خلف الكاميرات
ومليتوا الشاشة بالحثالات.
إخص علي الوطن اللي أواكم
إخص علي اللص اللي حماكم
جيتوا من تركيا والا الشام
او من قلب بلاد الاعجام
للبلد اللي تدخلها الناس
أقزام.. كام سنة تصبح أعلام؟!
يبقي لها مقام وكلام مسموع
وتخلي الشعب يموت م الجوع
رق يا قراقوش يا ابن الملاعين.
إحنا عارفينكم مش منّا
ولا مصريين!
شوف عدي كام
ما تغيرتوش صفْرف ميّه
السوق الحرة عبودية
وميدان لسباق الحرامية.
وأتاري السوق ليه حبل يكُر
والهوا بيضرّ
من يومها ما عشنا لحظة تُسر.
والشعب اتقلي وداق المر
وإن أنّ يقولوا عليه »بيقرُ«
وإسأل ايامي اللي يعدّ
من هم اللي بيحموا ده كله
قمنا بالثورة الجبارة
غيرنا وزارة في وزارة
واللي سارقيننا ما زالوا بخير
حاللو.. يا حاللو
قدامنا في الجامع صلوا
وإيديهم تسرق رزق الطير.
يغطسوا تارة
ويظهروا تارة
في عروق الشارع والحارة
يتبرأوا من غير ما يحاولوا
سامحني يا ميدان التحرير
الحكام لسه بدون تغيير
م السجن بيدُّوا خط السير
همّ صحاب مصر وإحنا الغير
لو مش عايز تصبح نادم
إلحق لك مطرّح في القادم
يا اهبل يا اللي طبيخك عادم.
مين اللي اخدنا في مناورة
فهَّمنا انهُّ فِرح بالثورة
وحفر حواليها ميت حفرة..؟
مين اللي خطف منا الكورة
وصبح أوضحنا في الصورة
ده كمان بيشوفنا احنا العوْرة
وبكل الحنكة.. والخبرة
مد ايده في خزنة مكسورة
وسرق الثورة..
وطار بيها زي العصفورة.
مين فيكو يحل الفزورة!!؟؟

الأبنودي 26 يوليو 2011



rwd]m yd'hk hgpgl yd'hk



 
 توقيع : زيزي المهندس



قديم 31-07-2011, 05:35 PM   #2


الصورة الرمزية ديدى
ديدى غير متواجد حالياً

بيانات اضافيه [ + ]
 رقم العضوية : 202
 تاريخ التسجيل :  Jun 2011
 العمر : 26
 المشاركات : 4,599 [ + ]
 التقييم :  1351
 الدولهـ
Egypt
 الجنس ~
Female
 MMS ~
MMS ~
لوني المفضل : Crimson
افتراضي رد: قصيدة غيطان الحلم



تسلم ايدك ماما زيزى
على النقل الرائع
وما اجمل انتقائك الجميل
شكرا يا قمر


 


قديم 31-07-2011, 05:37 PM   #3


الصورة الرمزية محمدرجب مهدية
محمدرجب مهدية غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Mar 2011
 المشاركات : 17,270 [ + ]
 التقييم :  12258
تلقيت إعجاب : 371
 الدولهـ
Egypt
 الجنس ~
Male
لوني المفضل : Cadetblue

اوسمتي

افتراضي رد: قصيدة غيطان الحلم



سلمتي وسلمت يداك زيزي

روعة الانتقاء ليست جديدة عليك

تقديري لبديع تقديمك

مودتي


 
 توقيع : محمدرجب مهدية


الصديق الحقيقي هو من يؤمن بك وقتما تشك بنفسك
وليس من يشك فيك حينما يصدقكك الاخرون
اعذروني فأنا أحب هذا الرجل




قديم 31-07-2011, 07:01 PM   #4


الصورة الرمزية نهرالاحزان
نهرالاحزان غير متواجد حالياً

بيانات اضافيه [ + ]
 رقم العضوية : 31
 تاريخ التسجيل :  Mar 2011
 المشاركات : 4,127 [ + ]
 التقييم :  727
 الدولهـ
Egypt
 الجنس ~
Female
لوني المفضل : Black
افتراضي رد: قصيدة غيطان الحلم



طرح رئع
طرحت فابدعت
دوم التالق والميز
نترقب القادم
تحياتي وتقديري لكِ




 


قديم 31-07-2011, 08:52 PM   #5


الصورة الرمزية ام لمسه
ام لمسه غير متواجد حالياً

بيانات اضافيه [ + ]
 رقم العضوية : 179
 تاريخ التسجيل :  Mar 2011
 المشاركات : 30,500 [ + ]
 التقييم :  3305
تلقيت إعجاب : 1
 الدولهـ
Egypt
 الجنس ~
Female
لوني المفضل : Blue
افتراضي رد: قصيدة غيطان الحلم



هو دا الابنودى بيفسر الوضع بطريقه جميله

وهو دا حالنا للاسف

اما بقى انتى يا ست الكل

فعادتك الزوق العالى والانتقاء المميز

تسلم ايدك وتسلميلنا


 


قديم 01-08-2011, 02:48 PM   #6


الصورة الرمزية محمدرجب مهدية
محمدرجب مهدية غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Mar 2011
 المشاركات : 17,270 [ + ]
 التقييم :  12258
تلقيت إعجاب : 371
 الدولهـ
Egypt
 الجنس ~
Male
لوني المفضل : Cadetblue

اوسمتي

افتراضي رد: قصيدة غيطان الحلم



غيطان مين بس

هو انا اهرب من الغيط

الاقي غيطان

هههههههههههههه

منورة ست الكل

عام سعيد عليك وعلينا يارب


 


قديم 01-08-2011, 05:01 PM   #7


الصورة الرمزية رفقى المصرى
رفقى المصرى غير متواجد حالياً

بيانات اضافيه [ + ]
 رقم العضوية : 72
 تاريخ التسجيل :  Apr 2011
 العمر : 36
 المشاركات : 2,162 [ + ]
 التقييم :  602
 الدولهـ
Egypt
 الجنس ~
Male
لوني المفضل : Cadetblue
افتراضي رد: قصيدة غيطان الحلم





تسلم ايدك ماما زيزى

قصيدة لشاعر جميل كلنا بنحبه

وما اجمل انتقائك الجميل والمميز


تحيااااااااااتى






 
 توقيع : رفقى المصرى

أبـــــو مــــــــــــــــــــيـــــــــــــــــــــار


قديم 03-08-2011, 10:34 AM   #8


الصورة الرمزية حبيبه
حبيبه غير متواجد حالياً

بيانات اضافيه [ + ]
 رقم العضوية : 10
 تاريخ التسجيل :  Mar 2011
 المشاركات : 33,026 [ + ]
 التقييم :  4498
تلقيت إعجاب : 1
 الدولهـ
Egypt
 الجنس ~
Female
لوني المفضل : Darkorchid
افتراضي رد: قصيدة غيطان الحلم



هو فيه زي الابنوادي في وصفه
انتقاء مميز من سيده الذوق والرقه
جميل ما اختاري لنا
سلمت يداكي ودمتي بكل تميز
ارق تحياتي ومحبتي


 


قديم 06-08-2011, 09:07 PM   #9


الصورة الرمزية المنسية
المنسية غير متواجد حالياً

بيانات اضافيه [ + ]
 رقم العضوية : 30
 تاريخ التسجيل :  Mar 2011
 المشاركات : 4,490 [ + ]
 التقييم :  1164
 الدولهـ
Egypt
 الجنس ~
Female
لوني المفضل : Aqua
افتراضي رد: قصيدة غيطان الحلم



الله عليك يا ابنودى الله

والله ما عندى غير نقطة دم

بيها بحس وبيها بقول انا شايل هم

بس دى نقطة ! وغيرى كتير من غير كيف ولا كم ؟

رايحين جايين ننقص واحد ونرجع تانى وننقص مية

ملناش عند الولى لا تمن ولا دية

فرحنا وقلنا الهم خلاص اتلم

جينا نغمض لقينا كابوس مليان بالدم

قول يا شاعر واحكى وقصقص ريش البوم

قول وخلى نقطة دمى تغلى تنادى عالمكتوم

انا مش شايف انا مش عارف انا فى صحوة ولا فى نوم ؟؟









مشكورة غاليتى ....لك كل الود والتقدير


 


قديم 10-08-2011, 02:17 PM   #10


الصورة الرمزية صفوت المصري
صفوت المصري غير متواجد حالياً

بيانات اضافيه [ + ]
 رقم العضوية : 42
 تاريخ التسجيل :  Apr 2011
 المشاركات : 401 [ + ]
 التقييم :  83
 الدولهـ
Egypt
 الجنس ~
Male
لوني المفضل : Blue
افتراضي رد: قصيدة غيطان الحلم



كل الشكر والامتنان لك زوزو
دائما نسعد بما تقدمين
تسلم ايدك
تحياتى لك



 
 توقيع : صفوت المصري

مواضيع : صفوت المصري



موضوع مغلق

مواقع النشر

الكلمات الدليلية
الحلم, غيطان, قصيدة


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
هاك الحلم 2012 محمدرجب مهدية قسم تطوير المنتديات 2 10-10-2012 04:45 PM
الحلم المنشود... طيف القمر المواضيع المكرره والارشيف 1 17-03-2012 02:31 PM
الحلم ام لمسه قسم الاسلامي العام 12 28-01-2012 01:02 AM
الحلم جراح المشاعر الخواطر والشعر المسبق الخواطر والنثر_الشعر العامي 7 16-12-2011 10:56 PM



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.