الرجاء تسجيل الدخول
الانتقال للخلف   منتديات لمسه مصرية > قسم الادبي والاشعار والخواطر > المنقولات الادبيه

المنقولات الادبيه لكل ما هو منقول من اعمال ادبيه واشعار وخواطر

لمسه مصرية (الاسرة السعيدة)


يامنه للأبنودي

لكل ما هو منقول من اعمال ادبيه واشعار وخواطر


شجرة الإعجاب13إعجاب

إضافة رد
 
LinkBack أدوات الموضوع انواع عرض الموضوع
قديم 05-02-2019, 11:17 PM   #1
( كاتب )


الصورة الرمزية نادر
نادر غير متواجد حالياً

بيانات اضافيه [ + ]
 رقم العضوية : 6405
 تاريخ التسجيل :  Jan 2019
 العمر : 44
 المشاركات : 898 [ + ]
 التقييم :  2408
 اوسمتي
الشعر التميز البرونزي 
لوني المفضل : Cadetblue

اوسمتي

افتراضي يامنه للأبنودي




السلام عليكم ورحمة الله وبركاته

قصيدة ( يامنه )أشهر قصائد عبد الرحمن الأبنودي الشاعر العامي الشهير الذي اشتهر في المناخ الثقافي المصري باسم الخال يتحدث فيها على لسان عمته آمنه التي تخاطبنا
و تتناول الحياه وجدواها في نظرالمسنين
تشعرنا بمرارة كلامها أن للحياة طعم آخر ووجه آخر في عيون
من يعيش خريف العمر
أرجو أن تحوز القصيدة إعجابكم



والله وشبت يا عبد الرُّحمن ..
عجّزت يا واد .؟
مُسْرَعْ؟
ميتى وكيف؟
عاد اللي يعجّز في بلاده
غير اللي يعجز ضيف.!!
شفتك مرة في التلفزيون
ومرة .. وروني صورتك في الجورنان
قلت : كبر عبد الرحمن.!!
أمال انا على كده مت بقى لي ميت حول.!!
والله خايفة يا وليدي القعدة لتطول.
مات الشيخ محمود
وماتت فاطنة ابْ قنديل
واتباع كرم ابْ غبّان
وانا لسة حية..
وباين حاحيا كمان وكمان.
عشت كتير.
عشت لحد ماشفتك عجّزت يا عبد الرحمن.
وقالولي قال خَلَّفت
وانت عجوز خلَّفت يا اخوي؟؟
وبنات..!!؟
أمال كنت بتعمل إيه
طيلة العمر اللي فات؟
دلوقت مافقت؟
وجايبهم دِلْوكْ تعمل بيهم إيه؟
على كلٍّ..
أهي ريحة من ريحتك ع الأرض
يونسُّوا بعض.
ماشي يا عبد الرحمان.
أهو عشنا وطلنا منك بصة وشمة.
دلوك بس ما فكرت ف يامنة وقلت: يا عمة؟؟
حبيبي انت يا عبد الرحمن
والله حبيبي .. وتتحب.
على قد ماسارقاك الغربة
لكن ليك قلب.
اللي نسيونا زمان

حلوة مرتك وعويْلاتك
والاّ شبهنا..؟
سميتهم إيه؟
قالولي : آية ونور.
ماعارفشي تجيب لك حتة واد؟
والاّ أقولك :**
يعني اللي جبناهم..
نفعونا في الدنيا بإيه؟
غيرشي الانسان مغرور.!!

ولسه يامنة حاتعيش وحاتلبس
لمّا جايب لي قطيفة وكستور؟
كنت اديتهمني فلوس
اشتري للركبه دهان.
آ..با..ي ما مجلّع قوي يا عبد الرحمن.

طب ده انا ليّا ستّ سنين
مزروعة في ظهر الباب
لم طلّوا علينا أحبة ولا أغراب.
خليهم..
ينفعوا
أعملهم أكفان.!!

كرمش وشي
فاكر يامنة وفاكر الوش؟
إوعى تصدقها الدنيا..
غش ف غش.!!
إذا جاك الموت يا وليدي
موت على طول.
اللي اتخطفوا فضلوا أحباب
صاحيين في القلب
كإن ماحدش غاب.
واللي ماتوا حتة حتة
ونشفوا وهم حيين..
حتى سلامو عليكم مش بتعدي
من بره الأعتاب

أول مايجيك الموت .. افتح.
أو ماينادي عليك .. إجلح.
إنت الكسبان.
إوعى تحسبها حساب.!!
بلا واد .. بلا بت..
سيبها لهم بالحال والمال وانفد
إوعى تبص وراك.

الورث تراب
وحيطان الأيام طين
وعيالك بيك مش بيك عايشين..!!

يو.....ه يا زمان..
مشوار طولان
واللي اتمنى يطوِّله يوم عن يومه يا حبيبي .. حمار
الدوا عاوزاه لوجيعة الركبة
مش لطوالة العمر.
إوعى تصدق ألوانها صفر وحمر.

مش كنت جميلة يا واد؟
مش كنت وكنت
وجَدَعَة تخاف مني الرجال ..؟
لكن فين شفتوني ..؟
كنتوا عيال.!!

بناتي رضية ونجية ماتوا وراحوا
وأنا اللي قعدت.
إ
إوعى تعيش يوم واحد بعد عيالك
إوعى يا عبد الرحمن.

في الدنيا أوجاع وهموم أشكال والوان.
الناس مابتعرفهاش.
أوعرهم لو حتعيش
بعد عيالك ماتموت.

ساعتها بس ..
حاتعرف إيه هوّه الموت.!!

أول مايجي لك .. نط

لسه بتحكي لهم بحرى حكاية
فاطنة وحراجي القط..؟

آ.. باي ماكنت شقي وعفريت
من دون كل الولدات.
كنت مخالف..
برّاوي..
وكنت مخبي في عينيك السحراوي
تمللي حاجات.

زي الحداية ..
تخوي ع الحاجة .. وتطير .
من صغرك بضوافر واعرة .. ومناقير.
بس ماكنتش كداب.
وآديني استنيت في الدنيا
لما شعرك شاب..!!

قِدِم البيت.
اتهدت قبله بيوت وبيوت.
وأصيل هوه..
مستنيني لما أموت..!!

حاتيجي العيد الجاي؟
واذا جيت
حاتجيني لجاي؟
وحتشرب مع يامنة الشاي .؟؟

حاجي ياعمة وجيت..
لالقيت يامنة ولا البيت ..!!

عبد الرحمن الأبنودي



dhlki ggHfk,]d



 
شروق, سحرالقلوب, جود و 3 آخرين معجبين بهذا.
 توقيع : نادر





رد مع اقتباس
قديم 05-02-2019, 11:57 PM   #2


الصورة الرمزية عمـــر
عمـــر غير متواجد حالياً

بيانات اضافيه [ + ]
 رقم العضوية : 5165
 تاريخ التسجيل :  Sep 2016
 المشاركات : 4,595 [ + ]
 التقييم :  12888
لوني المفضل : Royalblue

اوسمتي

افتراضي رد: يامنه للأبنودي






الشاعر الكبير عبدالرحمن الأبنودي الله يرحمه

شكلت قصائده وجدان الشعب المصري والأمة العربية

شكراً لروعة الاِنتقاء
تحيتي وتقديري والورد




 
 توقيع : عمـــر








رد مع اقتباس
قديم 06-02-2019, 01:27 AM   #3
( كاتب )


الصورة الرمزية نادر
نادر غير متواجد حالياً

بيانات اضافيه [ + ]
 رقم العضوية : 6405
 تاريخ التسجيل :  Jan 2019
 العمر : 44
 المشاركات : 898 [ + ]
 التقييم :  2408
لوني المفضل : Cadetblue

اوسمتي

افتراضي رد: يامنه للأبنودي



شكرا لطيب مرورك عمر
وتواصلك الكريم
تحيتي وامتناني


 


رد مع اقتباس
قديم 06-02-2019, 01:47 AM   #4
( كاتبة )


الصورة الرمزية فرقان
فرقان غير متواجد حالياً

بيانات اضافيه [ + ]
 رقم العضوية : 6016
 تاريخ التسجيل :  Nov 2017
 المشاركات : 5,832 [ + ]
 التقييم :  2621
لوني المفضل : Steelblue

اوسمتي

افتراضي رد: يامنه للأبنودي



جزيلا الشكر والتقدير لجهودكم وتميزكم
ارق التحايا مع الورد


 
نادر معجبين بهذا.
 توقيع : فرقان



رد مع اقتباس
قديم 06-02-2019, 02:49 AM   #5
( كاتبة)


الصورة الرمزية شروق
شروق غير متواجد حالياً

بيانات اضافيه [ + ]
 رقم العضوية : 167
 تاريخ التسجيل :  Mar 2011
 المشاركات : 26,373 [ + ]
 التقييم :  20653
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Deeppink

اوسمتي

افتراضي رد: يامنه للأبنودي



يا ألله
كلماتها مؤثرّة توجع
كلها حكم وعبر
وهذا هو الحال
ربي يرحم حالنا
أ / نادر
الروعة والجمال والذائقة العذبة باختياراتك
ودي والتقدير


 
خالد المنيع و نادر معجبين بهذا.
 توقيع : شروق



رد مع اقتباس
قديم 06-02-2019, 11:53 AM   #6
( كاتب )


الصورة الرمزية نادر
نادر غير متواجد حالياً

بيانات اضافيه [ + ]
 رقم العضوية : 6405
 تاريخ التسجيل :  Jan 2019
 العمر : 44
 المشاركات : 898 [ + ]
 التقييم :  2408
لوني المفضل : Cadetblue

اوسمتي

افتراضي رد: يامنه للأبنودي



شكرا أختي شروق
على الاطلاع
والتواصل الطيب
تحيتي وعرفاني




 


رد مع اقتباس
قديم 08-02-2019, 06:19 AM   #7


الصورة الرمزية خالد المنيع
خالد المنيع غير متواجد حالياً

بيانات اضافيه [ + ]
 رقم العضوية : 5284
 تاريخ التسجيل :  Nov 2016
 المشاركات : 2,030 [ + ]
 التقييم :  1015
 الدولهـ
Saudi Arabia
 الجنس ~
Male
لوني المفضل : Darkgreen

اوسمتي

افتراضي رد: يامنه للأبنودي



رائعة من روائع الأبنودي
أبدعت في اختيارها أخي نادر
التحايا أعطرها


 
 توقيع : خالد المنيع



رد مع اقتباس
قديم 08-02-2019, 07:32 PM   #8
( كاتب )


الصورة الرمزية نادر
نادر غير متواجد حالياً

بيانات اضافيه [ + ]
 رقم العضوية : 6405
 تاريخ التسجيل :  Jan 2019
 العمر : 44
 المشاركات : 898 [ + ]
 التقييم :  2408
لوني المفضل : Cadetblue

اوسمتي

افتراضي رد: يامنه للأبنودي



أخي خالد منور متصفحي
جزيل الشكر
على اطلاعك وجميل تواصلك
تحيتي وتقديري


 


رد مع اقتباس
قديم 08-02-2019, 08:09 PM   #9
(كاتبة)


الصورة الرمزية سحرالقلوب
سحرالقلوب غير متواجد حالياً

بيانات اضافيه [ + ]
 رقم العضوية : 2153
 تاريخ التسجيل :  Jan 2013
 العمر : 50
 المشاركات : 12,952 [ + ]
 التقييم :  11999
 الدولهـ
Egypt
 الجنس ~
Female
لوني المفضل : Cadetblue

اوسمتي

افتراضي رد: يامنه للأبنودي



انتقاء متميز لشاعر له اسلوب بالحكي مميز
الابنودي يعتبر علامة في عالم الشعر
اللهم احسن خاتمتنا


 
 توقيع : سحرالقلوب





رد مع اقتباس
قديم 09-02-2019, 03:00 AM   #10
(كاتبة)


الصورة الرمزية جود
جود غير متواجد حالياً

بيانات اضافيه [ + ]
 رقم العضوية : 3323
 تاريخ التسجيل :  Oct 2013
 المشاركات : 15,904 [ + ]
 التقييم :  16925
 الدولهـ
Syria
 الجنس ~
Female
لوني المفضل : Cadetblue

اوسمتي

افتراضي رد: يامنه للأبنودي



انتقاء اثرى جعبتنا الأدبية

شكراً استاذي لجمال ورقي ما أهديتنا

اسعدك الله

محبتي والياسمين يسبقهما التقدير


 


رد مع اقتباس
إضافة رد

مواقع النشر


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



الساعة الآن 10:54 AM.



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

جميع حقوق برمجة vBulletin محفوظة ©2000 - 2009,لدى مؤسسة Jelsoft المحدودة. جميع المواضيع و المشاركات المطروحة لا تعبر عن رأي ادراة المنتدى :: تصميم : بكسل مول الاتصال بنا

SEO by vBSEO ©2011, Crawlability, Inc.