القصة والرواية لكل ماهو منقول من قصص وروايات طويلة وقصيرة وعالمية

لمسه مصرية (الاسرة السعيدة)


(ابقير يتصل بك)

لكل ماهو منقول من قصص وروايات طويلة وقصيرة وعالمية


شجرة الإعجاب10إعجاب
  • 4 Post By بتول
  • 2 Post By عمـــر
  • 2 Post By الرجل الغريب
  • 1 Post By جود
  • 1 Post By همس الروح

إضافة رد
 
LinkBack أدوات الموضوع انواع عرض الموضوع
قديم 11-12-2017, 11:40 AM   #1


الصورة الرمزية بتول
بتول غير متواجد حالياً

بيانات اضافيه [ + ]
 رقم العضوية : 1754
 تاريخ التسجيل :  May 2012
 المشاركات : 11,003 [ + ]
 التقييم :  5016
تلقيت إعجاب : 541
 الدولهـ
Palestine
 الجنس ~
Female
 MMS ~
MMS ~
 اوسمتي
الحضور المتميز العطاء 
لوني المفضل : Blueviolet

اوسمتي

افتراضي (ابقير يتصل بك)




كنت بالجامعة ولسة بدي أفوت عالمحاضرة ولا أختي (عبير) بترنّ عليّ ، والله اشتقتلها صراحة، صارلي أكثر من 4 أيام ما حكيت معها ..
بعدت شوي عن الشباب ورديت :
- اه يا أختي ..
- كيفك يا (سامر) ؟!
- تمام الحمد لله ، إنتوا كيفكم ؟!
كانت مستعجلة وهي بتحكي :
- الحمد لله ، اسمع يخوي ، شو عندك اليوم المسا ؟!
فكرت شوي :
- ممممم ولا اشي ، بس دراسة عشان عندي امتحان بكرة ..
- طيب ، صار مع (عباس) جوزي شغلة ولازم يطلع ع (إربد) الليلة ، ومن مرة حابة أطلع معاه ، حينام هناك ، وما بيزبط نوخذ معنا (تيسير) الصغير عشان عنده مدرسة بكرة الصبح ، بتعرف صف رابع وبزبطش يغيب ، حابة إنك تقعد معاه بالبيت لبكرة ، إحنا بكرة راجعين ..
يا حبيبي !
من وين طلعتلي (عبير) بهالفكرة العبقرية ؟!
قلتلها :
- بس المشكلة الـ ..
قاطعتني وهي بتضحك :
- لا بس ولا مشكلة ! تتخوتش ! رح أعطيك 50 دينار ، طالب جرافيك وبدك فلوس وبدك تتمصرف ، بستناك بعد الجامعة ، بعدين (تيسير) بغلبش ..
- يا اختي مش موضوع فلوس ، شو بتحكي انتي ؟! الفكرة إنـ ..
قاطعتين مرة ثانية :
- اختصر ، تعال بعد الجامعة وبس ، سلام ..
سكرت الخط ودخلت عالمحاضرة واعتذرت من الدكتور وأنا بدوّر بالموضوع براسي.. حلوين الخمسين دينار بالنسبة لشب في الغربة ، أهلي في السعودية كلهم وأنا عايش ببيت لحالي قريب من المدينة الرياضية وأختي سكان (دابوق) ، الفيلا تبعتهم بتجنن ، ماشالله جوزها بيشتغل بالعقارات والإسكان ووضعهم فوق الريح ، وأنا كثير مستغرب إنه لهلأ ما عندهم شغالة ..
أختي بتضل تقول إنه (عباس) ضد الشغالات كلياً بالذات بعد الأكم سنة اللي عاشهم في اليابان ، كثير تأثر منهم ، وهو أصلاً بيساعدها بشغل البيت ، غير إنه (تيسير) ابنهم هادي كتير ، الولد كثير مركز بدراسته مع إنه لسة صف رابع وكثير بحب يقرأ كمان .. (تيسير) وحيد ، سبحان الله لهلأ ما إجاهم اولاد غيره ، أسباب طبيعية مش طبية أو إنه هم ما بدهم اولاد .. خلص هيك من الله ..
لما خلصت ضليت بوجهي رايح عالفيلا ، الساعة كانت 5 ، يعني تقريباً المغرب ، لسة بدي أرن عالباب ولا بيفتح الباب ، (تيسير) .. ابتسامته باردة وفي بوجهه اشي مش مريح، زي اللي تعبان أو كثير مدايق ..
سلمت عليه وبسته :
- وين ماما وبابا ؟!
- طلعوا ..
شو ؟!
يخرب بيتك ما اهبل مخك يا (عبير) !
طالعة من البيت إنتي وجوزك ومخليين الولد لحاله في الفيلا ؟!
رنيت عليها ، مرة ومرتين وثلاثة وما ردت ، إجاني مسج منها فجأة :
"مشغولة ، برجع برن عليك" ..
طيب ، ماشي ..
دخلت جوة ، وقعدت شوي عند التلفزيون ، رهيب نتفليكس شو إنه في خيارات حلوة ومسلسلات بتجنن ، أخذني الوقت ، قمت عملت نسكافيه ورجعت عالكنباي، طلعت كتابي وبلشت أدرس ..
عندي امتحان بكرة ولازم أنتهي من دراسته خلال ساعتين ثلاثة عشان بعديها أقعد شوي عتليفوني وأشوف السناب والفيسبوك وهيك ..
الكويس فيي إنه بعطي حالي مجال منيح، يعني خلص وقت الدراسة للدراسة ووقت الترفيه للترفيه ومستحيل أخلي جانب يطغى عجانب ..
هذا مهم ، بس مستقبلي مهم كتير كمان ..
مر الوقت ما بعرف كيف ، وبنفس اللحظة اللي حسيت إنه مرت ساعات وما شفت فيهم (تيسير) وحبيت أتطمن عليه ، سمعت صوته ..
كان بيصرخ !
صوته كان جاي من فوق ، من الطابق الثاني ، من غرفته ..
كان بيصرخ !
زي المجنون رميت اللي بإيدي وطلعت فوق عالدرج بسرعة مليون ، ركضت باتجاه غرفته ، الباب مسكر ، وضواو الممر مطفية ، فتحت الباب بسرعة ..
و ..
وتجمدت من اللي شفته !
الغرفة مطفية ، و (تيسير) واقف قدام المراي ، بينه وبين المراي يا دوب عشرة سنتمترات ، ماسك بإيده اليمين شمعة لونها أبيض ، وبإيده الشمال ماسك الآيباد تبعه ..
أول ما دخلت الغرفة بلش يقرأ المكتوب قدامه بصوت عالي :
* أجب يا ابقير بأعظم ما قال الله القدير .. الزلزلة .. الزلزلة .. ناووش ناووش .. هيشار هيشار .. معيوت معيوت .. مطلوت مطلوت .. قصنوت قصنوت .. احضروا بحق الله يا مشبوح ويا أخنوح ويا أشبؤوت .. احضروا بحق الذي تجلى للجبل فجعله دكاً وخر موسى صعقا .. العجل العجل الساعة الساعة الوحا الوحا "!
وأنا واقف ..
حاسس حالي مشلول ومش عارف شو أعمل وأحكي ..
حاسس حالي ميت من الرعب !
ولد صف رابع بيحكي هالحكي قدام المراي ، والساعة بدها تصير 11 بالليل ، وبيقرأ المكتوب بالآيباد بلغة عربية سليمة جداً ، وبنبرة عالية فيها قوة غريبة ، بدون تردد ، بدون قلق ، بدون خوف ..
ولد صف رابع ، هو ابن اختي ، قاعد بيقرأ تعزيمة سحرية لجلب الجن !
ابن اختي ، قاعد بحضّر جن بالغرفة وأنا معاه فيها !
بصعوبة حركت لساني :
- (تيسير) ! شو بتعمل ؟!
اللي صار بعدها ما بنساه بحياتي كلها ..
انعكاس (تيسير) في المراي لف وجهه عليّ ، بينما (تيسير) ضل يقرأ المكتوب ويعيد التعزيمة بدون توقف ، ببطء ..
انعكاس (تيسير) اللي في المراي لف وجهه علي ، وصرخ !
الصرخة كانت من غير صوت ، لأنها جوة المراي ، لأنها انعكاس .. لكن مع صراخه وقعت الشمعة من إيده ، وولعت النار بالغرفة فجأة ..
الغرفة اللي جوة المراي ولعت ..
الغرفة اللي بالانعكاس هي اللي ولعت ، وأنا واقف مكاني ودقات قلبي مليون وبدي أوقع عالأرض ويغمى غلي .. الغرفة اللي أنا و(تيسير) فيها مثل ما هي ما صار فيها إشي ، بس الانعكاس في المراي كانت حفلة شوي ، انعكاس (تيسير) وقع عالأرض وهو مولع نار ، ووجهه بلش يذوب ، وجسمه ، وكله ، بينما نظراته عليّ مصوبة بحدة ، من غير أي ملامح ألم ..
فجأة لف علي (تيسير) ، اللي معي بالغرفة ، مش الانعكاس ، وقال :
- هذا (ابقير) !
قالها من هون وحسيت إني بطلت مربط ، كنت حاسس حالي مربط ، زي اللي حدا ماسكني من كتافي ومانعني أتحرك .. زي اللي حدا مربطني بحبال أو جنازير ، لما قال هاي الكلمة وهو بأشر بأصبعه على انعكاسه المولع في المراي ، حسيت معي شوية حرية أصرخ بهستيريا :
- أعوذ بالله أعوذ بالله أعوذ بالله أعوذ بالله أعوذ بالله أعـ ..
اللي قاطعني إني أكمل إنه كل اشي اختفى مرة وحدة !
الانعكاس المولع اللي بالمراي ، (تيسير) ، أثاث الغرفة ..
فجأة كل اشي اختفى ..
أنا بالغرفة ، فاضية تماماً وما فيها غيري !
وقفت شوي ، ما في أي صوت ، ما في أي حدا .. وين (تيسير) ؟! بسم الله الرحمن الرحيم !
استندت عالحيط بإيدي ، أخذت نفس عميق أكثر من مرة ، غمضت عيوني أستوعب الموضوع ، ما حسيت حالي فاهم إشي ..
بس لحظة ، (تيسير) وين ؟!
- (تيسير) ..(تيسير) ..
طلعت من الغرفة وأنا بنادي عليه :
- (تيسير) ..
بسم الله الرحمن الرحيم ! وين الولد ؟!
بتطخني (عبير) لو صار إشي اقسم بالله ! مهو يا أنا بتخيل ووقتها لا أصلح لمجالسة الأطفال نهائياً يا إما في إشي طبيعي !
والله كنت حاسس إنه آخرة انغماسات الولد بالقراءة اونلاين طول الوقت إلا ما تعمل مشكلة ! إلا ما يكون في من وراها مصيبة ..
الله يستر ما تكون المصيبة عحظ وجودي أنا بالبيت !
- (تيسير) ..
ناديت كمان مرة وأنا فوق بالطابق الثاني ، وإجاني صوته من تحت فجأة :
- اه خالو ..
- وينك ؟!
- بالصالون تحت ..
نزلت ركاض عالصالون ، كان قاعد ماسك الايباد وفاتح عاليوتيوب ، في صوت موسيقى .. اجيت جنبه وقعدت وأنا بتطلع عليه مباشرة :
- وين كنت طول هالوقت ؟!
بكل براءة وحيرة :
- هون في الصالون ..
فتحت عيوني بدهشة هائلة :
- ما كنت فوق ؟!
- لا كنت هون طول الوقت ، إنت اللي طلعت فوق فجأة بدون سبب !
صفنت فيه ..
اوف ! شو ؟!
معقول كنت اتخيل ؟!
هزيت راسي بقوة وأخذت نفس عميق ، تليفوني بيرنّ ..
أكيد (عبير) ، وأكيد حتسألني عن (تيسير) وما حجيبلها سيرة عن أي اشي تخيلته، مسكت التليفون ، وتجمد الدم في عروقي ..
"ابقير يتصل بك" !
نعم ؟!
ابقير ؟!
ضحكة (تيسير) جنبي خلتني ألف وجهي عليه بسرعة .. ملامحه كانت قالبة بشكل مخيف ومرعب ، اضطريت أرفع راسي عشان أشوف ملامحه لأنه كان أعلى من بصري! بس كيف أعلى من بصري ؟! طالع عالكنباي يعني ؟!
لأ .. كان محلق على ارتفاع متر فوق الأرض !
كان طاير ، معلق ، وبيضحك ووجهه قلب لأبشع وجهه في العالم كله ..
ما بعرف شو صار ، ما بعرف كيف غمضت عيوني ومسكت تليفوني وضليت طالع برة البيت ركاض ..
الولد ملموس !
البيت مسكون و(عبير) ما بتعرف شو كان مخطط (تيسير) أو اللي جوة (تيسير) يعمله في غيابها ، مش حموت عشان اختي ولا عشان ابنها أنا !
ركضت عالشارع بدون وعي ، الدنيا ليل وأنا مش قادر أفكر بإشي ، جسمي كله بيرجف من الخوف ، مش متخيل شو مصير (تيسير) أو أي إشي ..
لقيت حالي برنّ على (عبير) فجأة .. مرتين وثلاثة وخمسة ، ما ردت عليّ ! رنيت على (عباس) ، مرتين وثلاثة وخمسة ، وأنا بمشي بالشارع وبدور حوالين حالي ، والعرق بزرب مني بجنون رغم البرد .. وسيجارة ورا سيجارة من غير ما أحس أو أفكر أو أعد ، والعتمة مغطية كل اشي ..
ما بعرف كيف اشرت لتاكسي وقلتله أول ما ركبت معاه :
- عأقرب مركز شرطة ، بسرعة .. بسرعة ..
خلال دقايق كنت عند المركز ، أول ما دخلت فقدت تماسكي وانهرت على الأرض قدام الشرطة وقلتلهم كل اللي صار .. كانوا يتطلعوا علي زي المجنون بس عصبيتي وصراخي واتصالاتي مع (عبير) و (عباس) بدون ما يردوا حسستهم إنه الموضوع مش هلوسات أو واحد تحت تأثير خمرة أو مخدرات .. كانوا وقتها متأكدين إنه في إشي مش طبيعي! في إشي غلط! في اشي مش منطقي!
طلعت معي دورية مباشرة باتجاه الفيلا ..
وصلنا الفيلا بسرعة وقالولي أستنى بالسيارة ، غابوا شوي ، طولوا ، وفجأة طلعوا بأسوأ خبر في حياتي ..
بالبيت ، وبغرفة النوم الرئيسية ، لاقوا جثث (عبير) و (عباس) و (تيسير) !
الثلاثة مذبوحين ..
روسهم مقطوعة ..
الدم في كل مكان ..
الأشلاء عالحيطان وعالأرض ..
طيب بسم الله الرحمن الرحيم ! مين اللي حكى معي ؟!
مين اللي استقبلني عالباب ؟!
كيف حكت معي (عبير) وهي ميتة من 3 ايام زي ما قال الطبيب الشرعي بس إجا بعدها بساعة ؟!
مين كان يحكي معي ؟!
مين قتلهم وليش قتلهم ؟!
والسؤال اللي فكر فيه الشرطة لأكثر من أسبوع بعد اللي صار ، وبعد ما إجوا أهلي من برة وعملوا جنازة هائلة وبيت عزا كبير تخلله انهيارات عصبية مش طبيعية من الجميع : ليش كان ايباد (تيسير) في إيده وكان مفتوح على موقع لتعليم السحر والتقاسيم والعزائم السفلية ؟!
السؤال اللي كل يوم بسأله لحالي ، لما أكون لحالي نايم بالبيت ، والضو مضوي لأني بطلت أطفي الضواو نهائياً :
ليش تليفوني كل يوم الساعة 11 بالليل بيرنّ وبيعطيني عالشاشة نفس الكلمة المرعبة المخيفة اللي مش قادر أتخلص منها بالمرة ، رغم إني غيرت رقم تليفوني أكثر من مرة ؟!!!
ليش كل يوم بيجيني اتصال الساعة 11 بالليل وفقط بيطلعلي عالشاشة :
(ابقير يتصل بك) ؟!!!
منقول
للكاتب حسن الحلبي


(hfrdv djwg f;)



 
 توقيع : بتول

مواضيع : بتول



رد مع اقتباس
قديم 19-12-2017, 10:24 PM   #2


الصورة الرمزية عمـــر
عمـــر غير متواجد حالياً

بيانات اضافيه [ + ]
 رقم العضوية : 5165
 تاريخ التسجيل :  Sep 2016
 المشاركات : 4,595 [ + ]
 التقييم :  12888
لوني المفضل : Royalblue

اوسمتي

افتراضي رد: (ابقير يتصل بك)



قصة غريبة وغامضة

يا خوفي ليتطلعلي ( ابقير يتصل بك ) بعد ما قرأتها او يخلص عليا هههههههه


ساعتها مش هسامحك يا بتول ههههههه



 
بتول و الرجل الغريب معجبين بهذا.
 توقيع : عمـــر








رد مع اقتباس
قديم 19-12-2017, 11:28 PM   #3
(كاتب)


الصورة الرمزية الرجل الغريب
الرجل الغريب غير متواجد حالياً

بيانات اضافيه [ + ]
 رقم العضوية : 4567
 تاريخ التسجيل :  Aug 2015
 المشاركات : 8,184 [ + ]
 التقييم :  6042
تلقيت إعجاب : 6448
 الدولهـ
Morocco
 الجنس ~
Male
لوني المفضل : Black

اوسمتي

افتراضي رد: (ابقير يتصل بك)



شكرا أيتها الراقية على القصة ...وأحذاثها المثيرة ....

جلب ممتع .....يأخذك منك وتعيش داخل القصة

أبداع

سلامي لك


 
بتول و عمـــر معجبين بهذا.


رد مع اقتباس
قديم 22-12-2017, 06:34 PM   #4


الصورة الرمزية بتول
بتول غير متواجد حالياً

بيانات اضافيه [ + ]
 رقم العضوية : 1754
 تاريخ التسجيل :  May 2012
 المشاركات : 11,003 [ + ]
 التقييم :  5016
تلقيت إعجاب : 541
 الدولهـ
Palestine
 الجنس ~
Female
 MMS ~
MMS ~
لوني المفضل : Blueviolet

اوسمتي

افتراضي رد: (ابقير يتصل بك)



اقتباس:
المشاركة الأصلية كتبت بواسطة عمـــر مشاهدة المشاركة
قصة غريبة وغامضة

يا خوفي ليتطلعلي ( ابقير يتصل بك ) بعد ما قرأتها او يخلص عليا هههههههه


ساعتها مش هسامحك يا بتول ههههههه

عمر
(ابقير بيسلم عليك)

كل الشكر
على المرور
والرد
تحياتي


 
مواضيع : بتول



رد مع اقتباس
قديم 22-12-2017, 06:39 PM   #5


الصورة الرمزية بتول
بتول غير متواجد حالياً

بيانات اضافيه [ + ]
 رقم العضوية : 1754
 تاريخ التسجيل :  May 2012
 المشاركات : 11,003 [ + ]
 التقييم :  5016
تلقيت إعجاب : 541
 الدولهـ
Palestine
 الجنس ~
Female
 MMS ~
MMS ~
لوني المفضل : Blueviolet

اوسمتي

افتراضي رد: (ابقير يتصل بك)



اقتباس:
المشاركة الأصلية كتبت بواسطة الرجل الغريب مشاهدة المشاركة
شكرا أيتها الراقية على القصة ...وأحذاثها المثيرة ....

جلب ممتع .....يأخذك منك وتعيش داخل القصة

أبداع

سلامتي لك
الابداع في مرورك وردك
شكر
الرجل الغريب
تحياتي لك


 
مواضيع : بتول



رد مع اقتباس
قديم 28-12-2017, 08:43 PM   #6
(كاتبة)


الصورة الرمزية جود
جود غير متواجد حالياً

بيانات اضافيه [ + ]
 رقم العضوية : 3323
 تاريخ التسجيل :  Oct 2013
 المشاركات : 16,007 [ + ]
 التقييم :  17336
تلقيت إعجاب : 3824
 الدولهـ
Syria
 الجنس ~
Female
لوني المفضل : Cadetblue

اوسمتي

افتراضي رد: (ابقير يتصل بك)



شلشتينا بتولة ههههه
ناقصنا خوف ياحلوة
ربي يسعدك بتولة
محبتي ياجميلة


 
بتول معجبين بهذا.


رد مع اقتباس
قديم 02-01-2018, 12:20 PM   #7


الصورة الرمزية بتول
بتول غير متواجد حالياً

بيانات اضافيه [ + ]
 رقم العضوية : 1754
 تاريخ التسجيل :  May 2012
 المشاركات : 11,003 [ + ]
 التقييم :  5016
تلقيت إعجاب : 541
 الدولهـ
Palestine
 الجنس ~
Female
 MMS ~
MMS ~
لوني المفضل : Blueviolet

اوسمتي

افتراضي رد: (ابقير يتصل بك)



اقتباس:
المشاركة الأصلية كتبت بواسطة جود مشاهدة المشاركة
شلشتينا بتولة ههههه
ناقصنا خوف ياحلوة
ربي يسعدك بتولة
محبتي ياجميلة
وربي يسعدك جوود
ويحميكي من شر عباده
اسعدني مرورك


 
مواضيع : بتول



رد مع اقتباس
قديم 05-01-2018, 08:53 PM   #8


الصورة الرمزية همس الروح
همس الروح غير متواجد حالياً

بيانات اضافيه [ + ]
 رقم العضوية : 3453
 تاريخ التسجيل :  Dec 2013
 المشاركات : 13,788 [ + ]
 التقييم :  8506
 الجنس ~
Female
لوني المفضل : Aliceblue

اوسمتي

افتراضي رد: (ابقير يتصل بك)



توبه ان طفيت الضو مرة تانية
متت خوف هههههه
الف شكر لك بتول


 
بتول معجبين بهذا.


رد مع اقتباس
قديم 15-01-2018, 12:46 AM   #9


الصورة الرمزية بتول
بتول غير متواجد حالياً

بيانات اضافيه [ + ]
 رقم العضوية : 1754
 تاريخ التسجيل :  May 2012
 المشاركات : 11,003 [ + ]
 التقييم :  5016
تلقيت إعجاب : 541
 الدولهـ
Palestine
 الجنس ~
Female
 MMS ~
MMS ~
لوني المفضل : Blueviolet

اوسمتي

افتراضي رد: (ابقير يتصل بك)



اقتباس:
المشاركة الأصلية كتبت بواسطة همس الروح مشاهدة المشاركة
توبه ان طفيت الضو مرة تانية
متت خوف هههههه
الف شكر لك بتول
حبيبتي
همس الروح
سلامه قلبك
تعملي شو لو حضرتي الكبريت الاحمر 12 بالليل والضوء مطفيي
اسعدني مرورك


 
مواضيع : بتول



رد مع اقتباس
إضافة رد

مواقع النشر


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
مرسى يتصل بوالد رائد الشرطة الشهيد ويقدم له التعازى اميرة باخلاقى الاخبار المحلية والعالمية 2 22-09-2012 11:49 AM
القلب يتصل بك نغم حياتي المنقولات الادبيه 4 05-05-2012 08:29 PM
هناك قلب يتصل بك حسام الدين الخواطر والشعر المسبق الخواطر والنثر_الشعر العامي 10 31-12-2011 06:25 PM
ممثلة ويلزية رونالدو اعتاد على أن يتصل بي 20 مرة في اليوم بلال النجار كرة القدم بعيون لمسه مصرية 5 23-07-2011 10:24 PM



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.