المنقولات الادبيه لكل ما هو منقول من اعمال ادبيه واشعار وخواطر

لمسه مصرية (الاسرة السعيدة)


مذكرات يائس

لكل ما هو منقول من اعمال ادبيه واشعار وخواطر


موضوع مغلق
 
LinkBack أدوات الموضوع انواع عرض الموضوع
قديم 11-07-2011, 03:09 PM   #1
[FONT=Traditional Arabic][SIZE=4][COLOR=Navy][B]توأم القمـــر[/B][/COLOR][/SIZE][/FONT]


الصورة الرمزية بحر الزكريات
بحر الزكريات غير متواجد حالياً

بيانات اضافيه [ + ]
 رقم العضوية : 119
 تاريخ التسجيل :  May 2011
 المشاركات : 2,394 [ + ]
 التقييم :  728
 الدولهـ
Egypt
 الجنس ~
Female
 MMS ~
MMS ~
لوني المفضل : Deeppink
افتراضي مذكرات يائس



مذكرات, يائس

أنا لقمه بايته جنب حيطه في حته ضلمه أكلها كلب
أنا نكته بايخه أو عبيطه سمعها واحد مات وطب
أنا بيض ممشش ريحته وحشه ونحس دايم مستمر
أنا طير معشش في الترب فكر في مره يستقر
انا صوت بعيد دبحة وريد وشوكه في زور واحد جعان
انا طبعا غير فنان فريد وبيطلق لمشاعره العنان
أكيد هقول في مره لأ وأقوم وأقف على رجلي
لقيت طلعلي في رجلي شق وضعت وراح خلاص حلمي
فكرت في مره اكون شجاع وازعق بصوتي الناس تخاف
و طلعت في الآخر بتاع أو بير غويط جاله جفاف
هييجي اليوم أكيد هييجي وأزحزح الطوبه التقيله
وهبقى محمود المليجي وعمري ما اتنيل بنيله
وعمري ما أضعف أو أإن وهفتري عالخلق كله
ولا عمر يوم يركبني جن وهنسى ماضيه وذله
ولا هبقى طيب أو كريم بالعكس لازم ابقى عنتر
والناس هتبقى عب حليم والباقي يبقى عبله واكتر


حالتي متأخره



حالتي متأخرة ... وحياتي راجعه لورا
أنزل وأديها زقه ... واقفه ومحجرة
طاب بس يا ناس قولو لي ... حلا للمسخرة

مستني معجزة .... مخلوق للنرفزة
كدة أهو من أي حاجة .... وبحب المشورة
حالتي متأخرة

الناس أعصابها باردة .... عايشين تحت المخدة
حتى دقات قلوبهم .... نايمة ومشخرة
حالتي متأخرة

بسأل في ده وده .... جاوبوني مش كدة
ساعدوني مش هينفع .... دة أنا أصلي كوز درة
حالتي متأخرة

دي حياتي يا ناس قرف .... وعايشها للأسف
وأما أحكي لحد عنها .... بيدور كركرة
حالتي متأخرة


نظره مستقبليه



إطلع بقه م المية العكرة وخد غطسين على بره
نضف مخك بص لبكرة وإنسى الماضي لمرة

لف ودور في الأرض الواسعة خد من غيرك عبره
علشان توصل لازم تسعى وتسيبك م الذكرى

كوم القش ده يبقى الدنيا وانت يدوب الإبره
كون الأول نط في ثانية وإطلع سلم بكره

خد بالك دايماً م الفرصه دي ما بتجيش غير مره
يتكون كده موكوس ميت وكسه يا هتكتشف الذره

إوعى تقول بكره هتتعدل ومتمشيش بالقدره
إسعى وربك يوم هيسهل واخرج بقه م القِدره

وأما هتوصل عارف دورك فاكر كنت البذره
ينزل دمعك يسقي جذورك يصبح اسمك شجرة



اديني مطلع أغنية



إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
واحد أخينا من طيبته قاعد يصالح في خطيبته
جايب لها وردة يا خيبته قالت له أروح يا عنيه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وجارنا كان حتة فشار فهمني إن أبوه طيار
ده عربجي وأبوه حمًار وأمه اللي شادًه العربيه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وأخينا ده جاي مـ المنيا ويقولي جاااي من ألمانيا
ما بان عليه الكدب في ثانيه لابسلي كاب عـالجلابيه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وفي مرة باكل طبق الفول في شيء حصل كان مش معقول
أمي قالتلي كفايه بقول شاحتين شوية ملوخية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وسعيد صبارص كان صاحبي في الشدة كنت ألاقيه جنبي
ديتها سهره تراللًي ودماغي ترجع تاني عالية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
أنا كنت يوم فاكر اللحمة فاكر كمان إنها طعمه
نحمدو ونشكرو عالنعمة ويارب خلي الطعمية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
ومرة أخدوني تَحَرِي وقفايا كدة وَرَمْ دوغري
مهمنيش حاجة لأني جوز خالتي صول في الداخلية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
وأول ما تدخل حتتنا تقابلك الريحه النتنه
مكتوب هنا على بابا بيتنا ممنوع دخول الحراميه

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية

***
ورحت مرة أنا للجزار قلت أشتري فشة وممبار
بفلوسي جاب لي رجل حمار وقاللي تنفع تسقية

***
إدينـي مطْلَــــــع أُغنية أغَني فيها للصُبْحِيـــــة
وتِسْمَعوا كُلُكُو جَنبي أحلى الأغاني الشبابية


صديقي الغلبان


مسكين وحاله حال *** بكاني على حاااااله
غلبان وعنده عيال *** والصبر راس ماااااله
وليل نهار شغال *** زي الحمار حاله
ما الارض مش أرضه *** والمال مهوش ماله

شغال وبيحارب *** في الفقر من بيت بااااب
من الحزن ليه نايب *** وإن قال فرح كدااااب
ولربه جه تايب *** وربك التواااااب
رجع اللي كان غايب *** لأهله وعياااااله

مسكين وحاله حال *** بكاني على حاااااله
غلبان وعنده عيال *** والصبر راس ماااااله
وليل نهار شغال *** زي الحمار حاله
ما الارض مش أرضه *** والمال مهوش ماله

والله ماهو عايز *** غير ناس تفكر فييييه
أو حد يوم جايز *** يمسح دموع في عنيييه
غيره مفيش حاسس *** باللي يبات يداريه
غير ربك الحارس *** والجنه باقياااااله

مسكين وحاله حال *** بكاني على حاااااله
غلبان وعنده عيال *** والصبر راس ماااااله
وليل نهار شغال *** زي الحمار حاله
ما الارض مش أرضه *** والمال مهوش ماله


وطـــــــــــــ ـــــــــــاويــــــــــــــــــ ــــــــــــــط



عايشين وطاويط
ساكتين علطول
وإن قلنا كلام فكلامنا عبيط

في نهار نايمين
بالليل صاحيين
ماسكين نبابيت علشان وطاويط

بنقول في كلام
ومهوش مسموع
وإن مره سمعته تقول ظغاريط

جناحتنا خفاف
بالرغم ده كله تشوفنا تخاف
وتخاف من إيه محناش عفاريت

قاعدين بنقول ونعيد ونزيد
بنقول شعارات
وكلام وحديت

وهنعمل إيه ماهو صووت مكتوم
طالع من جوه بحر غويط

وعددنا كبير
ملايين ملايين
والخمسين منا يِمْلُو غَبيط

يضربو لبنان
بغداد وجولان
محناش سامعين أصلنا وطاويط

بننام مقلوب
وعيشيتنا كلها بالشقلوب
وإن مره سمعنا رصاصه نطير
ونهيص ونظييط

بنقوم بالليل نفضل صاحيين
علشان بنخاف كده مـ الديناميت

نسمع في صراخ وعويل نايمين
بتزعقو ليه محناش فاهمين
والله وطاويط

يضربو لبنان يضربو حلوان
لو ضربو الكهف بتاعنا كمان
علطول هنطير
ونروح لبعيد
ونعيش وطاويط



l`;vhj dhzs



 


قديم 20-07-2011, 02:01 AM   #2


الصورة الرمزية المنسية
المنسية غير متواجد حالياً

بيانات اضافيه [ + ]
 رقم العضوية : 30
 تاريخ التسجيل :  Mar 2011
 المشاركات : 4,490 [ + ]
 التقييم :  1164
 الدولهـ
Egypt
 الجنس ~
Female
لوني المفضل : Aqua
افتراضي رد: مذكرات يائس



موضوع غنى جدا يا قمررررررررررر

تسلم الايادى ... لك كل تحية وتقدييييييييييير


 


قديم 20-07-2011, 08:08 PM   #3
[FONT=Traditional Arabic][SIZE=4][COLOR=Navy][B]توأم القمـــر[/B][/COLOR][/SIZE][/FONT]


الصورة الرمزية بحر الزكريات
بحر الزكريات غير متواجد حالياً

بيانات اضافيه [ + ]
 رقم العضوية : 119
 تاريخ التسجيل :  May 2011
 المشاركات : 2,394 [ + ]
 التقييم :  728
 الدولهـ
Egypt
 الجنس ~
Female
 MMS ~
MMS ~
لوني المفضل : Deeppink
افتراضي رد: مذكرات يائس



شكرا يا حبيبتى لمرورك
وشكرا ايضا لزوقك


 


موضوع مغلق

مواقع النشر

الكلمات الدليلية
مذكرات, يائس


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
مذكرات ....حب في الانعاش الرجل الغريب القصة والرواية 11 25-01-2017 06:41 AM
مذكرات زوجة غافلة..راق لي بتول المواضيع العامة 10 15-02-2015 09:13 AM
قلب يائس بقلمى / سهام ماجد سهام ماجد ابداعات الاعضاء الحصرية_الخواطر والنثر_الشعر العامي_(بقلم الاعضاء) 12 13-11-2013 12:48 AM
كلمتين وبس (مذكرات قلم) قلم المواضيع العامة 3 26-05-2012 02:41 AM
صفحات من دفتر مذكرات بستان الفل المواضيع العامة 1 20-05-2011 03:44 PM



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.