المنقولات الادبيه لكل ما هو منقول من اعمال ادبيه واشعار وخواطر

لمسه مصرية (الاسرة السعيدة)


اشعار فى حب مصر

لكل ما هو منقول من اعمال ادبيه واشعار وخواطر


موضوع مغلق
 
LinkBack أدوات الموضوع انواع عرض الموضوع
قديم 26-08-2013, 10:07 PM   #1


الصورة الرمزية جيلان
جيلان غير متواجد حالياً

بيانات اضافيه [ + ]
 رقم العضوية : 1825
 تاريخ التسجيل :  Jun 2012
 المشاركات : 10,578 [ + ]
 التقييم :  2270
تلقيت إعجاب : 10
 الدولهـ
Egypt
 الجنس ~
Female
لوني المفضل : Indigo
افتراضي اشعار فى حب مصر




اشعار
مصر
اشعاراشعار
هو ايه غالب وجودى جوه فيكى غير حنانك
هو ايه سارق حدودى جوه منى غير جنانك
هو ايه مخلينى ديما منتظر لحظه امانك
هو ايه خلانى متشعلق ف ارضك وف حيطانك
مصر
هو مين يقدر عليكى ولايبعد تانى عنك
مش بانى نبض فيكى لا؟؟ لانى جوه منك
او لانى نبض سكنك او حلاوه صغر سنك
اعزرينى انى بحبك؟؟والجمال ساكن ف فنك


مصر
مستحيل ابعد واغرب بعدى عنك فيها موتى
مستحيل ابعد واشرق بعدى عنك فيه سكوتى
مستحيل انا حسى يطلع ليكى او اطلع ف صوتى
انتى لحنى وصوت موسيقتى لحن يعزف بيه فلوتى
مصر
ياللى صابره ع البلاوى وقلبى غاوى يقول حكايتك
انتى طبعك ايو صابره بس سكته ومين مرايتك
نفسى اقولك انى منك عاوز اعرف يوم نهايتك
نفسى ابوس واحضن ترابك واللى جابك وف حبايبك
مصر
قولى يامه يلى ناسك ليه سبوكى وحرقو دمك
يلى اصحابك خنوكى يلى سحبوكى لهمك
يلى شيلتى دمع عينى وهما سكنو جوا غمك
اشكى ليا وقت ضيقك فضفضى لقلبى اللى ضمك
مصر
اه بحسك وانتى جوايا ف عروقى
اه بشوفك وانتى ليا حنانى طوقى
اطلبينى هتلاقينى نبض سكنك وف عروقى
اسمعينى واندهينى واعرفينى هتلاقينى؟ يوم شروقى



مصر
الرساله ديه ليكى
مستحيل ابعد عليكى
نفسى ايوه ابوس ايديكى
نفسى اقعد جوه فيكى
بالايدين امسح دموع جوه ف عنيكى
قلبى نبضو بيناديكى
يحس بيكى
يقول
يا
م
ص




hauhv tn pf lwv



 
 توقيع : جيلان





قديم 26-08-2013, 10:17 PM   #2


الصورة الرمزية جيلان
جيلان غير متواجد حالياً

بيانات اضافيه [ + ]
 رقم العضوية : 1825
 تاريخ التسجيل :  Jun 2012
 المشاركات : 10,578 [ + ]
 التقييم :  2270
تلقيت إعجاب : 10
 الدولهـ
Egypt
 الجنس ~
Female
لوني المفضل : Indigo
افتراضي رد: اشعار فى حب مصر







جعلتك يا مصر في مهجتي

وأهواك يا مصر عمق الهوى

إذا غبت عنك ولو فترة

أذوب حنينا أقاسي النوى

إذا عطشت إلى الحب يوما

بحبك يا مصر قلبي ارتوى

نوى الكل رفعك فوق الرؤوس

وحقا لكل أمريء كل ما نوى


 


قديم 26-08-2013, 10:20 PM   #3


الصورة الرمزية جيلان
جيلان غير متواجد حالياً

بيانات اضافيه [ + ]
 رقم العضوية : 1825
 تاريخ التسجيل :  Jun 2012
 المشاركات : 10,578 [ + ]
 التقييم :  2270
تلقيت إعجاب : 10
 الدولهـ
Egypt
 الجنس ~
Female
لوني المفضل : Indigo
افتراضي رد: اشعار فى حب مصر







كـتـب الـدمع بخـدي عـهــــــده........... لـلــهــوى و الـشـوق يمـلي ماكـتـــــب.

أحـبك حُـبـين حـب الـهــــــــــــــــوى........... وحــبــاً لأنــك أهـل لـذاكـــــا

رأيـت بهـا بدراً على الأرض ماشـيـاً........... ولــم أر بـدراً قـط يـمشـي عـلـى الأرض.

قـالوا الفراق غـداً لا شك قـلت لهـم........... بـل مـوت نـفـسـي مـن قـبـل الـفـراق غـداً.

قفي و دعيـنا قبل وشك التفـــرق ........... فمـا أنـا مـن يـحـيـا إلـى حـيـن نـلـتـقـي.

قبلتها و رشـفـت خمرة ريـقـهــا........... فـوجـدت نــارَ صــبــابةٍ فـي كـوثــــــر.

ضممـتـك حتى قلت نـاري قد انطـفت........... فـلـم تـطـفَ نـيـرانـي وزيـد وقـودهـا.

لأخرجن من الدنيا وحبكـــــــم........... بـيـن الـجـوانـح لـم يـشـعر بـه أحـــــد.

تتبع الهوى روحـي في مسالكه حـتـى........... جـرى الحب مجرى الروح في الجسـد.

أحبك حباً لو يفض يسيره علـى........... الـخـلـق مـات الـخـلـق من شـدة الـحب.

فقلت : كما شاءت و شاء لها الهوى........... قـتـيلـك قـالـت : أيــهــم فـهـم كـثـر.

نـت مـاض و في يديك فــؤادي........... رد قـلـبـي و حـيـث مـا شــئــت فـامـضِ.

ولي فؤاد إذا طال العذاب بـــــه........... هـام اشــتـيـاقـاً إلـى لـقـيـا مـعـذبـــــــه.

ما عالج الناس مثل الحب من سقم ........... و لا بـرى مـثـلـه عـظـما ًو لا جــسـداً.

قامت تـظـلـلـنـي و من عجــــــب........... شـمـس تــظــلـلـنـي متن الـشـمـــس

هجرتك حتى قيل لا يعرف الهــوى........... و زرتـك حـتى قـيـل لـيـس لـه صـبــــرا.

قـالت جنـنت بمن تهوى فقلت لهــــا ........... الـعـشـق أعـظــم مـمـا بالـمـجـانـيـــن.

ولو خلط الـسـم المذاب بريقهـــــــــــــا ........... وأسـقـيـت مـنـه نـهـلـة لـبـريـــــــــــــــــــت.

و قلت شهودي في هواك كـثيـــــــــرة ........... و أَصـدَقـهَـا قـلـبـي و دمـعـي مـسـفــــوح.

رد إليه نظرتي و هو غافـــــــــــــــــل ........... لـتسـرق مـنـه عـيـنـي مـالـيـس داريــــــــــــا.

لها القمر الساري شـقيـق و إنهـــــــــــا........... لـتـطـلـع أحـيـانـاً لـه فـيـغــيـــــــب.

و إن حكمت جـارت علي بحكمهــا ........... و لـكـن ذلـك الـجور أشـهى من العــــدل.

ملكت قـلبي و أنـت فـيـــــــــــــــــــــه........... كـيـف حـويـت الـذي حـواكـــــــــــــا.

قـل لـلأحبة كيف أنـعم بعدكــــــــــم ........... و أنـا الـمـســافر و الـقـلـب مــقـيــــــــم.

عـذبـيـنـي بـكـل شـيء ســـــــــــــوى........... الـصـدّ فمـا ذقـت كالـصـدود عـذابــــــــا.

و قد قـادت فؤادي في هـواهــــــــا ........... و طـاع لـهـا الفؤاد و مـاعـصـاهـــــــا.

خـضـعت لـهـا في الحب من بعد عزتي ........... و كـل محب لـلأحـبـة خـاضـــــــــــع.

و لقد عـهدت الـنار شـيـمـتها الـهــدى ........... و بـنار خـديـك كـل قـلـب حائـــــــــر.

عـذبـي ما شئـت قـلـبـي عـذبـــــــــــي ........... فـعـذاب الحب أسـمـى مـطـلـبـــــــــي.

بعـضي بـنـار الـهـجر مـات حـريـقــا ........... و الـبعض أضـحـى بالـدموع غـريقـــــــا.

قـتل الـورد نـفسه حـسداً مـنـــــــــك ........... و ألـقى دمـاه في وجـنــتــيــــــــــــــــــــك.

عـتـيـادي على غـيـابـك صـعــــــــــب ........... و اعـتـيـادي على حـضـورك أصعــب.

قد تـسربـت في مـسامـات جـلــــدي ........... مـثـلـمـا قـطرة الـنـدى تـتـســـــــــــــرب.

لـك عندي و إن تـنـاسـيـت عـهــــــــد ........... في صمـيـم القـلـب غـيـر نـكـيـــــــــــــث.


 


قديم 26-08-2013, 11:11 PM   #4


الصورة الرمزية جيلان
جيلان غير متواجد حالياً

بيانات اضافيه [ + ]
 رقم العضوية : 1825
 تاريخ التسجيل :  Jun 2012
 المشاركات : 10,578 [ + ]
 التقييم :  2270
تلقيت إعجاب : 10
 الدولهـ
Egypt
 الجنس ~
Female
لوني المفضل : Indigo
افتراضي رد: اشعار فى حب مصر



يا شعب مصر اللى سابقة ضحكته غضبه
ما يطلع الصبح إلا وصحبتك سببه
يا مونس الأرض من وحشتها فى الأكوان
يا حجة الشمس تفضل طالعة ساعة كمان
مستأذنة وهى مش عادتها الاستئذان
متونسة بالميدان وبعشرته ونسبه
إفرح وكمل وما تقولشى كده كفاية
الثورة دى بداية زى الهجرة والميلاد
الثورة دى بسملة كمل بقى الآية


مع كل مرة قراية حسنها يزداد
والآية تجرى تسلم أختها الراية
من غير نهاية وحتى الوقف مش معتاد
وبكرة أيامنا تبقى حكاية ورواية

●●●

عن ناس يباتوا حفايا يصبحوا أسياد
خمسة وعشرين يناير يا شباب حصل ايه
لو قلنا يعنى على الساعة تلاتة الفجر
فى حد فينا طِوِل أو جد حاجة عليه
أو جاب سلاح أو ملايكة بشروه بالنصر
كان اختلف فينا إيه عن أى يوم قبليه
نمنا غلابة، صحينا احنا ولاة الأمر
كان عرش مصر ف أُوَضْنا واحنا ناسيينه
راميين هدومنا على شماله وعلى يمينه
طردنا عنه الحرامى غصب عن عينه
ونزلنا ع الميادين فى إدينا شايلينه
بقوا الملوك فى الشوارع والعبيد فى القصر
وف يوم وليلة اكتشفنا ان احنا والنبى مصر
ومصر مش حد تانى غيرنا يعنى يا بيه
وكل واحد سأل طب كنا ساكتين ليه
وشعب مين اللى كانوا الزُّطِّ حاكمينه
بدولة شومة ومختومة بختم النسر
وكل واحد قرا اللى كان على جبينه
رفع بدمه يمينه هْدية وهداية
لو كانت الأنبيا ع المية مَشَّاية
لاجلك يا مصر مشينا باسمين ع الجمر
يا مصر وافتكرى أصل الدنيا نسايه
الملك ده حقنا ومفيش فراعنة جداد
إفرح وكمل وما تقولشى كده كفاية
الثورة ده بداية زى الهجرة والميلاد
مش بس مصر اتغيرت من وقفة الميدان
فيه مساحة ضلمة نورت فى طبيعة الإنسان
فيه حاجة ف طبيعة البشر زى السمع زى البصر
زى اكتشاف القدرة ع الطيران
فيه حاجة كت ضايعة وبانت
خلت الأمة استعانت
عالشقا بالله وهانت
هذه الدنيا على الفتيان
ارقينا وارقيهم يا عم الشيخ
فى حاجة خلت يشمك التاريخ
ينزل عن الوجه الجميل فيبان
فى حاجة أصلا فى الطبيعة تدعو للثورة على السلطان
شوف الشجر رغم الحجر طارح ثمر زى الخبر وبتعلنه الأغصان
شوف الهوا حب اللِّوا فبقوا سوا هبَّة لها ألوان
شوف القمر يفضل قمر تحت الحصار
رغم اقتناعه إنه هايموت قبل ما يشوف النهار
تحصل مفاجأة تطلع الشمس ف حضوره
يختلط نورها بنوره
تشبهه ما تقولش واحدة من ولاده
هى معناه وامتداده
واخدة منه الموهبة والبغددة
وعشان كده
لغة يقولوا عنهم القمران
شوف النجوم ما لهاش نظام حاكم
تكسر كلمة العالم
يبص ويبقى مش فاهم
وهو شايفها ماشية بكيفها فى الأكوان
فيه حاجة غامضة بتكتشف
هى اللى بتخلى الحصان اللى اتحدف
من بطن أمه ولسه مش عارف يقف
يقزح ويجرى ويعرف انه حصان
فيه حاجة بتخلى السجين المستكين فى كل حين اشطر من السجان
فيه حاجة بتخلى القوى عيِّل قوى وبيتلوى من نكتة الغلبان
فيه حاجة بتخلى عيون الخلق ما تنامشى
وبتخلى المدن تمشى
وتخرج زى كلمة حق من غير قصد مابترجعش لو طلعت
وم الأسمنت والأسفلت يفلت فلت نهر مقدس الجريان
فليحذر السلطانُ زحف الغابة
والورد لما استأنسالدبابة
داب الحديد من لمسته دوبان
فيه حاجة خلت خطة الموت ترتبك
عابس وعايز يشتبك
خاف من ضحية جاية ناوية تاخده بالأحضان
وإذا بهذا الفجر يا اخواننا اتولد بيننا
وكنا احنا بنستنى وهو كمان بيستنا
واتاريه بس عايز إذن منا وهو فى يميننا
فلما أذنا خد منا وعطانا أمان
يا فجر يا سابق صياح الديك
يا شعب يا مشبك إيديك فى إديك
وكأنها خط الثلث فى آية القرآن
إديت لآدم معنى تانى زاد على كل المعانى
وربنا قال هو ده قصدى وده غرضى
كده بالظبط لا زيادة ولا نقصان
●●●

اعلم يا هذا الجيل ان الوطن بشره
لو مصر من غير نيل كان شعبها حفره
مش وصلوا بحرين وبنوا جبال اتنين
وف ظرف أسبوعين على خوفهم انتصروا
والخوف ده شىء معروف بيفرعن الحلوف
رزق الملوك الخوف من غيره يندثروا
رزق الملوك بقشيش من خوفنا شعب وجيش
ومفيش ملك بيعيش لو شعبك افتكره
ناس لسة فى العشرين طالعين على الميادين
بيهزأوا السلاطين من غير ما يعتذروا
يا سادة الايام يا رافعين الهام
من بكرة بر الشام نادر لكم شجره
نادرها تين وزتون فى القدس ينتظرون
جيش ع الغلابة حنون وعلى العدى ضرره
يا شعب يا مجنون علم شعوب الكون
اللى اخترع فرعون قادر يجيب خبره

●●●
قلت لصحابى انزلوا وانا بعيد عنهم
وقلت من بات فى بيته سلم اصحابه
وانا اللى غبت وهمه اللى هنا اتصابوا
نزلوا الشباب الميدان وانا بعيد عنهم
كسروا الشباب البيبان وانا بعيد عنهم
خرج الشباب م البيوت وأنا بعيد عنهم
دخل الشباب فى الموت وانا بعيد عنهم
يا موتى قوم امتحنى أعتذر منهم
اشمعنى يا كلب تستثنينى من بينهم
يوم الخطر قبلها ما كنت اجبنهم
يا موت تعالى اعوض غربتى ومنفاى
يا موت تعالى أحاسبك ع القديم والجاى
يا موت تعالى ونتقاسمك أنا وعداى
ولا تطال عزوتى وانا بعيد عنهم
لما تشوف الشهيد تبقى السلامة خجل
وتبقى عايز تقول له يا أخى آسف
طب قول لى بس اعمل ايه، لو يعنى فيها عمل
اللقمة دى لك نصيب فيها باشيلهولك
واشيل نصيبك من القاعدة وكاسات الشاى
لكن نصيبك فى أنفاسى أشيله إزاى
وازاى أشيللك نصيبك من فرحنا الجاى
ساعات ألاقينى باطلب خط محمولك
بعمل فى نفسى كده ليه، لسه مش عارف
وروح على القهوة أسأل، هو جه وسأل
من قال لك الموت طبيعى يبقى مش شايف
الموت ده شىء مش طبيعى الموت ده أصله خلل
الأصل فينا الخلود وهييجى يوم نلقاه
ما تحسبوش الشهيد حط فى إيديكو حياة
ما موتوش هو وحده اللى برصاصة رماه
ده طخ ابنه اللى لسه ما اتولدش معاه
وطخ أولاد ولاده لآخر الأيام
موت معاه بشرية كاملة محتملة
وعدوا كان فيها كام شاعر وكام رسام
وكام طبيب عبقرى بين الأطبة إمام
وفيلسوف له على حكم الليالى كلام
وبنت نظرتها تشفى القلب من داؤه
فى شعب كامل رحل ما عرفش أسماؤه
فيجسم كل شهيد فيه مصر مكتملة
فخلوا مصر اللى فاضلة تعيش كما شاؤو



 


موضوع مغلق

مواقع النشر


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
اشعار عجبتنى زيزي المهندس المنقولات الادبيه 8 26-07-2014 09:37 PM
من اشعار حافظ ابراهيم الاسكندراني المنقولات الادبيه 8 15-02-2013 12:35 PM
من اشعار خليل مردم بك الاسكندراني المنقولات الادبيه 3 13-01-2013 02:23 PM
اشعار فلسطنيه خارج عن القانون فلسطين الحبيبة 5 06-01-2013 10:47 PM
من اشعار طاغو زيزي المهندس المنقولات الادبيه 2 04-04-2012 03:01 AM



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.