لمسه مصرية (الاسرة السعيدة)


اعترافات قلب مجروح


موضوع مغلق
 
LinkBack أدوات الموضوع انواع عرض الموضوع
قديم 05-05-2013, 12:17 AM   #1


الصورة الرمزية رامي المصري
رامي المصري غير متواجد حالياً

بيانات اضافيه [ + ]
 رقم العضوية : 3030
 تاريخ التسجيل :  May 2013
 المشاركات : 548 [ + ]
 التقييم :  397
 الدولهـ
Egypt
 الجنس ~
Male
لوني المفضل : Brown
Icon14 اعترافات قلب مجروح




الموضوع مفيش فيه اي نوع من الامل
لانه بيتكلم عن حالة موجوده في قلوب ناس كتير اوي
ويا ريت يا جماعه لو حد هايتعب
او يتشائم بلاش يكمل قراءة لاني مش عاوز اشيل ذنب حد
انا عارف ان الكلام ده يمكن يكون مش جديد
بس يمكن في ناس منكم حاسين بيه و مش لاقيين حد يقولوله عليه
وممكن ناس تانيه تقول ان ده رد فعل زياده عن اللزوم تجاه الحياة
بس دي اعترافات قلب
شاف كتير من الدنيا
ونفسه يتكلم و يقول اللي جواه.....
الناس بتقول ان اي قلب مجروح مع الزمن و الوقت بيتداوي و بيرجع زي ما كان
كأنه لسه قلب فاضي و جديد و لا شاف هم و لا شاف حزن
وانا مش قادر اصدق الحكاية دي
لكن اللي اعرفه و متأكد منه ان القلب المجروح
مهما عدت سنين عمره ما هايرجع تاني زي ما كان
جروح القلب كتير اوي
ومش لازم جرح القلب يكون من حب راح
لأ
جرح القلب و كسرته بتكون من الناس و من الحب و من الحياة كله
احساس صعب اوي انك تبقي عايش بقلب مجروح
بتلاقي قلبك بيتقطع و انت واقف و مش قادر تعمل اي حاجه
عندك احاسيس كتير مش فاهمها و مش عارف مصدرها و مش عارف تهرب منها
احساس بالضعف
بالخوف
احساس بألم فظيع
ألم بيأن في قلبك ليل و نهار
قلبك بينزف
و بيتقطع قدام عنيك
و بيتوجع
وانت واقف مشلول مش عارف حتي تنقذ منه و لو جزء صغير
زي ما تكون محبوسة حاجه كبيرة اوي جواك
زي ماتكون متقيد بسلاسل عمرها ما هاتتشال من عليك
نفسك تصرخ
نفسك تتحرك في اي اتجاه تاني غير اللي انت ماشي فيه
نفسك تقول آااااااه
لكن الكلمة محبوسة في صدرك و مش قادر تطلعها
يااااااااه علي الحياة
ياااااه علي الناس اللي مش بتحس بيك
وعلي قسوة القلوب الللي حواليك
وحياتك اللي بتسوء يوم عن يوم
.............
وفجأة
ييجي أمل
ييجي حب
يلملم الجرح
ويداوي شوية بشوية
تبتدي تحس
تبتدي تحب
يبتدي قلبك يدق من جديد
تبدا جواك حياة جميلة و حلم صغير عاوز يرتوي بالحب علشان يكبر



وزي ما الحب جه فجأة بيروح برضو فجأة
وتلاقي قلبك بعد ما ابتدي انه يحس بالحياة
ابتدي يموت من اول و جديد
والالم اللي كان قلبك متعود عليه بقي افظع و اقوي
لانه ألم من قلب كان قرب يموت و عرف معني الامل
و فقد الامل ده حتي قبل ما يشوف ملامحه
تحس الحياة بتموت جواك
مع انك عارف انك عايش و كل الناس حواليك عايشين
بس لما تبص لنفسك في المراية
بتلاقي حطام انسان
بتلاقي جسد من غير روح
بتلاقي احلام متكسرة
بتشوف قلب بينزف و نزيفه شديد
والامل اللي كان ممكن يحيي قلبك من جديد
او حتي يلملم جراحه..... راح
راح الامل
راح الحب
راح الحلم اللي كنت لسه هاتبدأ تحلمه
راح الاحساس بالراحه اللي عيشته لأيام معدوده جوه سنين عمرك الطويلة اللي كلها ألم
وتبص علي الناس اللي حواليك
تلاقيهم عايشين
بيضحكوا
بيحبوا
بيحلموا
وأنت واقف مكانك
مش قادر تنقذ قلبك اللي بيموت
بيموت؟؟؟؟؟؟
لأ انا قلبي مش بيموت
ده قلبي خلاص مات
أيوة فعلا قلبي مات
فين دقات قلبي؟!!
فين احساسي بابسط الاشياء في الكون؟!!
مفيش
مفيش احساس بأي شيء
مفيش متعه
مفيش سعاده
مفيش احساس حتي بنبض قلبي.......
لكن في حاجه جديدة ابتديت اعملها
في ابتسامه
ابتديت ارسمها علي شفايفي
بخدع بيها غيري
علشان ماشوفش نظرة عطف في عينيهم
وبخدع بيها نفسي لما اشوف نفسي في المراية
وبخدع بيها روحي
علشان تفضل في جسمي عايشة لغاية ما ييجي اوانها و تسيب الدنيا هي كمان
يمكن ساعتها ارتاح
يمكن في الموت راحه للألم اللي مالي حياتي كلها
يمكن؟؟!!!!!
أحاول اسيب الدنيا و اموت
بس هاموت كافر يعني
لأ إلا ربي و ديني
انا خسرت احساسي وخسرت حبي و خسرت نظرة للحياة بعين سعيده
لكن مش هاخسر ربي و لا ديني
طيب هاعيش ازاي ؟
مش لو اصلا كنت عايش؟
هاقضي ايام و خلاص
بتعدي عليا ليلها زي نهارها
ألم و تعب و حسرة و ندم
يا ريت انا كنت زي باقي الناس
ادوس علي غيري برجلي و لا يهمني
يا ريت كنت يا قلبي قاسي
يا ريت كنت واحد تاني غير نفسي
في مكان غير المكان
في زمان غير الزمان
مع ناس غير الناس
يمكن كنت اقدر اعيش
يا ريت
يا ريت
يا ريت
................................
وبيفضل سؤال دايما جواك...
يا تري في قلب تاني ممكن يكون حاسس بنفس احساسي ده؟؟
والاجابة............................... مش موجوده

***********************

آسف ان الكلام ده حزين وكله تشاؤم بس ده كلام من قلب تقريبا فقد الاحساس بالحياة

دي حالة عشت فيها فترة من عمري و شفتها في عيون ناس تانيه كتير اوي
مش قادرين انهم يتكلموا و يعبروا عن اللي جواهم
بس للاسف لاني عشت اللي هما عايشينه بقيت بقدر اشوف حزنهم في عيونهم و اقرا كل اللي جواهم من غير حتي ما يتكلموا....

وفي النهاية دي مجرد اعترافات لقلب مجروح

وده مجرد كلام نفس قلبي و قلب غيري يصرخ بيه

ويمكن مش قادرين نقوله و بنكتبه في ورق و نقطعه

انا مش استخدمت اللغة الفصحي لان دي مجرد تعبير عن احساس

و أسف اني طولت في الموضوع بقي

ويا رب مش يكون حد منكم زعل مني

وفي النهاية ده مجرد رأي او وصف لاحساس يمكن يكون غلط او صح


hujvhthj rgf l[v,p



 


قديم 05-05-2013, 12:37 AM   #2


الصورة الرمزية الطائر الجريح
الطائر الجريح غير متواجد حالياً

بيانات اضافيه [ + ]
 رقم العضوية : 53
 تاريخ التسجيل :  Apr 2011
 المشاركات : 2,601 [ + ]
 التقييم :  529
لوني المفضل : Cadetblue
افتراضي رد: اعترافات قلب مجروح



انت لو سيبت كل واحد يقول اللى جواه هتلاقى كل واحد جواه جرح كبير وعنده حكاية وحدوته

يمكن انت شايف ان عندك هموم كتير وعندك جرح كبير بس يمكن لو سمعت حكايات تانية

هتحمد ربك ويمكن انت قولت حاجات كتير انا واحد من الناس مريت باصعب من كده وبرضه مهما حبيت لسه جوانا الجرح

وبرضه بقول الحمد لله على كل شئ احنا احسن من غيرنا بكتير تسلم ايدك يا مان وربنا يفرحك ويفرحنا جميعا


 


قديم 08-05-2013, 04:46 AM   #3


الصورة الرمزية نغم حياتي
نغم حياتي غير متواجد حالياً

بيانات اضافيه [ + ]
 رقم العضوية : 1141
 تاريخ التسجيل :  Apr 2012
 العمر : 49
 المشاركات : 14,415 [ + ]
 التقييم :  2662
تلقيت إعجاب : 1
 الدولهـ
Egypt
 الجنس ~
Female
 MMS ~
MMS ~
لوني المفضل : Indianred
افتراضي رد: اعترافات قلب مجروح



سلمت على روعه ما ارويتنا به
نترقب المزيد من جديدك الرائع
خآلص واعذب التحايا لأنفآسك


 
 توقيع : نغم حياتي



قديم 08-05-2013, 02:54 PM   #4


الصورة الرمزية الاسكندراني
الاسكندراني غير متواجد حالياً

بيانات اضافيه [ + ]
 رقم العضوية : 2143
 تاريخ التسجيل :  Dec 2012
 العمر : 63
 المشاركات : 16,394 [ + ]
 التقييم :  3918
تلقيت إعجاب : 9
 الدولهـ
Egypt
 الجنس ~
Male
 MMS ~
MMS ~
لوني المفضل : Blueviolet
افتراضي رد: اعترافات قلب مجروح



صدقت ابنى

عمر جرح القلب مايندمل ابدا

ومثل ماقلت مش لازم وجرح من الحبيب

فيه جروح كتيره ماتندمل ابدا

لان صاحب الجرح بيكون من اسرتك

وربنا مايجرح قلب احد ابدآ

تقبل مرورى المتواضع ابنى


 


موضوع مغلق

مواقع النشر


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
قلب الوطن مجروح بنوتة مصرية المنقولات الادبيه 7 30-06-2013 02:36 AM
اعترافات ديدى الفضفضه 39 10-03-2013 03:09 PM
الى كل مجروح طـيف المواضيع العامة 4 05-10-2012 12:26 AM
معانات قلب مجروح صمتى كبريائى المنقولات الادبيه 4 17-07-2012 12:12 PM
قلب مجروح منـمن ابداعات الاعضاء الحصرية_الخواطر والنثر_الشعر العامي_(بقلم الاعضاء) 19 15-04-2012 10:53 PM



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.