لمسه مصرية (الاسرة السعيدة)


طلب صداقة على الفيس توك


موضوع مغلق
 
LinkBack أدوات الموضوع انواع عرض الموضوع
قديم 06-01-2013, 01:32 PM   #1


الصورة الرمزية Engineer islam
Engineer islam غير متواجد حالياً

بيانات اضافيه [ + ]
 رقم العضوية : 2156
 تاريخ التسجيل :  Jan 2013
 المشاركات : 10 [ + ]
 التقييم :  41
لوني المفضل : Cadetblue
افتراضي طلب صداقة على الفيس توك




قصة من وحى الخيال تبدأ من هذه الغرفة التى تجلس فيها صاحبة حكايتنا


صداقة الفيس
طلب صداقة ياترى من مين

ايه ده من ولد يووه طيب اضيفه ولا لأ

النفس الطيبة : بلاش تضيفه ولا متخذات اخدان

النفس الشريرة : اخص عليكى وتحرجيه

اضيفه وخلاص يعنى هيعمل ايه انا مش هكلمه اصلاً

انا مش بحب احرج حد صداقة الفيس

وبعد الإضافة : مرة كانت فاتحة صاحبتنا الشات وهو كان قاعد اكيد استغل الفرصة وهوبا :D نط بالبرشوت عليها

هاى

هى : ايه هاى دى ارد وخلاص

هى: أهلاً

هو : انا مش هقولك الحوارات بتاعت منكن اتعرف والكلام ده بس انتى واضح انك انسانه محترمة اووى وغير بقية البنات فى الفيس بوك

كل الحاجات اللى بتحطيها دينيه وحقيقى انتى بتأثرى فيا كتير بس محتاج منك طلب

هى: ياه انا عملت كل ده ده شكله انسان محترم اوى وبعدين انا بعمل خير لازم ارد عليه عشان يكمل الخير

: اتفضل اطلب

هو : انا محتاج منك تتابعينى فى الالتزام وتشجعيني منكن

هى : ممممم ازاى اتابعه يعنى

النفس الشريرة: تابعيه انتى ايه مش عايزة تخدى اى نوع من الثوابات احفظوا مع بعض قراءن وذكروا بعض بالصلاة والاذكار

يسلام على الصحبة الصالحة والله اعلم يمكن الموضوع يقلب ويبقى الزوج الصالح وتعيشى حياة دينية سعيدة

وتعيشي فى تبات ونبات وتخلفى صبيان وبنات صداقة الفيس

هى : بعد معاركة كبيرة مع نفسها الطيبة والشريرة

اخيراً وافقت وقالتله ماشي




ومرت الايام وفكرت نفسها بكده بتخد ثواب واجر وفى نفس الوقت زوج صالح مد ايده ليها عشان تساعده

وللأسف
اكيد الشيطان كان فرحان وكل يوم بقى يدخل بينهم حوارات جانبيه وهى مكملة
بحجة انها بتساعده على الإلتزام والايام تمر والكلام يتحول والحوارات تزيد صداقة الفيس

وبقى
الكلام كله كل واحدعن حياته وانه معجب بيها وعمره ماشاف لا فى ادبها ولا
طيبتها والحوارات دى و البنت معدتش تقدر يعدى يوم من غير ماتطمن عليه
وتكلمه وللأسف شمعة الايمان اللى فى قلبها اطفيت والنور اللى كان يملىء
قلبها بقى يضلم

وبقت على طول ذهنها شارد وتفكر فيه وبدأ قلبها يدق ليه لحد ما جيه يوم مالقتهوش على النت

كانت هتتجنن مش ممكن طيب ازااى ده اكيد فيه حاجة

منمتش اليوم ده ولا اللى بعده ظهر لحد ما مر 10 ايام وهى مبتنمش من كتر قلقها





ولقيته فى اليوم ال 11 اون لاين وهوباا نطيت على الشات بالبرشوت ماهو خلاص الشمعه انطفت والنور ضلم صداقة الفيس

وسألته بكل شغف انت كنت فين كل ده

رد عليها حد تانى

ايوا
انا صاحبه بس هو مسافر برا البلد وكان مبلغنى ادخل على حسابه وادنى الباس
وررد عشان الغيله حسابه لانه هيستقر هناك ومش ناوى يرجع دلوقتى خالص فقالى
اقفله عشان محدش يقلق عليه

طيب حضرتك عايزانى اوصل له حاجة

هى : لا ابداً خلاص

قالها طيب عن إذنك

واتقفلت المحادثة على كده واتقفل الاكونت واتقفل قلب البنت معاه

مبقتش
مصدقة ايه اللى بيحصل ده طيب ليه يعنى طلع بعد كل ده بيتسلى وبمجرد انه
انشغل مفكرش يقولى حتى مع السلامة .. يااااه انا غلطت اووى فى حق نفسي يوم
لما سمعت كلام شيطانى

وغلطت فى حق ربنا اكتر

طيب ليه كده وانفجرت البنت من البكاء وبقى ايامها كلها كئابة وحزن وندم

وفى
مرة بعد فترة كبيرة اوووى دخلت الفيس بوك لاقيت الاكونت مفتوح ولاقيت
صورته عليه دخلت جوا الصور لاقيت صوره مع فتيات صديقاته وصور مع الشله
ومكتوب تعليق عليها

احلى ايام قضيتها فى حياتى الصيف ده

والتعلقيات ايوا يابرنس انت كده موقع قلوب البنات كلها

التعليق اللى بعده : ياجاااااااااامد وهكذا .....

نزلت دمعه ندم وتأكدت فعلاً انها انضحك عليها وانه لا كان عايز يلتزم ولا حاجة

بس كان حابب يتسلى مع نوع جديد من الفتيات

وقررت انها تلغيه من عندها وعاهدت ربها انها لا يمكن ابداً تضيف عندها او تكلم شاب تانى إلا لو كان زوجها



الملخص :


انه بجد يبنات فيه شباب كتير نسأل الله العفو العافية بيكون داخلين الفيس
بوك او الشات والنت بصفة عامه بحجة التعارف والصحوبية وبيتأقلم مع كل بنت
حسبها يعنى الملتزمة يبقى ملتزم
المتبرجة يبقى متبرج وهكذا
عشان كده اوعى تدى ودانك لشيطانك واوعى تفكرى إنك تكلمى ولد على النت او فى الجامعة او فى اى مكان
وياريت ميكونش هدفك انك بتتكلمى بحجة الدعوة او انك تلاقى نصك التانى .. حكاية صاحبتنا خلصت على كده بس فيه قصص وحكايا للأسف بتخلص على حاجات يدمى لها القلب
حافظى على الجوهرة اللى ربنا عطهالك ( قلبك )
صدقونى عمر ماولد بيخطب بنت كلمته لانه عمره ماهيثق فيها
أسأل الله ان يهدينا جميعاً ويرزقنا العفاف والتقى
الدال على الخير كفاعله
انشروا الموضوع فى كل مكان كي يعم الفائدة



بارك الله فيكم
ولا تنسونا من صالح دعائكم



'gf w]hrm ugn hgtds j,;



 
 توقيع : Engineer islam


أجمــل مـا فـي الأنترنت:
أن لا أحد يراك سوى الله تعالــى
فهي حرية تعطيك الفرصة للتعرف على:
مدي حسن سلوكك
مدى يقظة ضميرك
مدى رقي اخلاقك
فلا تجعل الله أهون الناظرين اليـــــــــك
وَاتَّقُوا يَوْماً تُرْجَعُونَ فِيهِ إِلَى اللَّهِ ثُمَّ تُوَفَّى كُلُّ نَفْسٍ مَا كَسَبَتْ وَهُمْ لا يُظْلَمُونَ




قديم 06-01-2013, 02:53 PM   #2


الصورة الرمزية طـيف
طـيف غير متواجد حالياً

بيانات اضافيه [ + ]
 رقم العضوية : 1591
 تاريخ التسجيل :  May 2012
 المشاركات : 3,672 [ + ]
 التقييم :  1998
 الدولهـ
Egypt
 الجنس ~
Female
 MMS ~
MMS ~
لوني المفضل : Darkslategray
افتراضي رد: طلب صداقة على الفيس توك



صدقت جد فى كل كلام قلته

للاسف ده بيحصل وفى امثله كتيره بالشكل ده واكتر

وزى مبيكون فى شباب اتقل عنهدم الاحترام والدين

فى للاسف الاشد بنات بيدوروا على التسليه ونسيوا ربهم

ربنا يهدى شبابنا وبناتنا ,, ويبعد عنا وسوسة الشيطان والنفس الاماره بالسوء


 


قديم 06-01-2013, 03:15 PM   #3


الصورة الرمزية Wael Gameel
Wael Gameel غير متواجد حالياً

بيانات اضافيه [ + ]
 رقم العضوية : 1964
 تاريخ التسجيل :  Sep 2012
 العمر : 29
 المشاركات : 4,789 [ + ]
 التقييم :  1383
 الدولهـ
Egypt
 الجنس ~
Male
لوني المفضل : Orangered
افتراضي رد: طلب صداقة على الفيس توك



فعلا اغلبية الشباب بيعملووو كده
بس مش كل الشباب
لأن صوابع ايديك مش زي بعضها يعني
في اللي بيطلب بصدق وفي اللي مش بيطلب بيلعب يعني
موضوع راائع اخي العزيز
شكرا ليك ^_^


 


قديم 06-01-2013, 03:46 PM   #4
(كاتبة)


الصورة الرمزية سحرالقلوب
سحرالقلوب متواجد حالياً

بيانات اضافيه [ + ]
 رقم العضوية : 2153
 تاريخ التسجيل :  Jan 2013
 العمر : 50
 المشاركات : 13,170 [ + ]
 التقييم :  12733
تلقيت إعجاب : 1798
 الدولهـ
Egypt
 الجنس ~
Female
لوني المفضل : Cadetblue

اوسمتي

افتراضي رد: طلب صداقة على الفيس توك



فعلا اصبح هذا الموضوع منتشر الان وخصوصا اذا كانت البنت صغيرة وعاطفية وحاول ان يدغدغ عاطفتها بانه محتاج لانسانة مثلها تهدية ويلعب على الاوتار الحزينة
وايضا لا نغفل ان بنات اصبحوا اكثر جراءة من ذى قبل ويدخلن ايضا للتسلية
ونسوا جميعا ان الكلمة محاسبون عليها واحقاقا للحق ليس كل الشباب والبنات ولكن الاغلب
شكرا لك لموضوعك


 


قديم 07-01-2013, 12:59 AM   #5


الصورة الرمزية نورهان
نورهان غير متواجد حالياً

بيانات اضافيه [ + ]
 رقم العضوية : 1474
 تاريخ التسجيل :  May 2012
 العمر : 33
 المشاركات : 13,794 [ + ]
 التقييم :  3824
تلقيت إعجاب : 123
 الدولهـ
Palestine
 الجنس ~
Female
 MMS ~
MMS ~
لوني المفضل : Black
افتراضي رد: طلب صداقة على الفيس توك



ممكن كتير بتلعبو في البنات ومشاعرهم
واصلا الفيس بوك هاد شي بجد انا لا بقبله ولا بحبه ولا عمري وثقت بيه
بس ممكن تعليق ع كلام حرتك بالنسبه ما فيش ولد بيخطب بنت كلمها
اخالفك اخي لان في كتير محترمين وكلامهم صادق ومش بيكدبو واول ما بيتاكد من مشاعره بيطلب البنت للجواز
يعني مش نقدر نطبق القاعده ع الكل في الكويس وفي الوحش


 
 توقيع : نورهان



كلي هـدوء ..~
أظهر مشاع ــري بكل صراح ـــة ..~
وأخفي في داخ ــلي الكثير .. الكثير ..~
أح ــب الجميع دون استثنـآء ..~
أساامــ ح كثيراا .. ولآ أنسى بسهولة ..~
مهمــآ كآنت معاملتهــم لــي ..~
سأضل أعاملهـم بمـآ هي عليه
أخ ــلآقي لآ أخ ــلآقهـم ..~


قديم 07-01-2013, 09:43 AM   #6


الصورة الرمزية حبيبه
حبيبه غير متواجد حالياً

بيانات اضافيه [ + ]
 رقم العضوية : 10
 تاريخ التسجيل :  Mar 2011
 المشاركات : 33,026 [ + ]
 التقييم :  4498
تلقيت إعجاب : 1
 الدولهـ
Egypt
 الجنس ~
Female
لوني المفضل : Darkorchid
افتراضي رد: طلب صداقة على الفيس توك



كتير فعلا امثله من النوع ده
وعن نفسي مش بقبل الا حد اكون عرفه ووثقه منه
حتي دخولي فيه قليل جدا
شيء كده داخلي مش حباه بس بدخل انشط المنتدي وبس
او بكتب شويه ع صفحته لمسه مصريه
وياريت ناخد بلنا جدا من الفيس توك ده
شكرا ليك اسلام ربنا يبارك فيه


 


موضوع مغلق

مواقع النشر


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
صداقة فيس عبد الحي بدر القصة والرواية 6 14-06-2015 06:03 PM
تطلب صداقة رومنسي الشمال الخواطر والشعر المسبق الخواطر والنثر_الشعر العامي 17 05-11-2013 09:37 PM
رسائل صداقة حبيبه الموبيلات والرسائل 4 04-05-2012 02:04 PM
صور صداقة للتصميم بحر الزكريات التصاميم والفلاش والسويتش ماكس 9 18-12-2011 06:49 PM
كرهت الفيس وام الفيس قلم رصاص المواضيع العامة 33 14-11-2011 11:18 PM



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.