لمسه مصرية (الاسرة السعيدة)


هات ايدك


موضوع مغلق
 
LinkBack أدوات الموضوع انواع عرض الموضوع
قديم 28-10-2012, 02:10 PM   #1
( كاتبة)


الصورة الرمزية نور الهدايه
نور الهدايه غير متواجد حالياً

بيانات اضافيه [ + ]
 رقم العضوية : 1245
 تاريخ التسجيل :  Apr 2012
 العمر : 35
 المشاركات : 3,599 [ + ]
 التقييم :  3046
تلقيت إعجاب : 292
 الدولهـ
Egypt
 الجنس ~
Female
 MMS ~
MMS ~
 اوسمتي
وسام التميز الفضي وسام الشعر 
لوني المفضل : Blueviolet

اوسمتي

افتراضي هات ايدك




امسك أعصابك|\بناديلك تعالى|\لا يفوتك
السلام عليكم ورحمة الله وبركاته


أولا : إمسك أعصابك


لو كنت داخل الموضوع من موقع بحث مثلا وبتدور على الشريط فبالله عليك ما تضايقش ...واعرف ان ربنا أراد بيك الخير انك تدخل هنا ... ومتقفلش الصفحة واصبر واستنى واقرأ يا عم منتاش خسران حاجة ... والحكاية كلها كام سطر لله يا أخى



لو كنت عضو فى المنتدى وهتقول ايه ياعم المشرف اللى كاتبه ده ... هو الراجل ده حصله ايه ... متخافش احنا مش حاطيين الشريط ولا حاجة


ايدك


ثانيا : هأجلها لآخر الموضوع ... يلا بقى ندخل فى الموضوع ... يلا أقرأ يا عمونا


شوف يا باشا ... الحكاية ان الآن عدد غفير من شبابنا بيقلب فى النت بيدور على الشريط أو اغنية مسروقة ... وبينتظر اللحظة اللى يدخل يحمل فيها الشريط mp3 high quality... والأمر ده بيتكرر كل سنة أو سنتين ... واللى فيهم الشريط ده بيتقطع تشغيل لدرجة ان سماعات جهازك نفسها زهقت منه ... مش ده اللى بيحصل ولا أنا غلطان ؟؟؟


طيب بص ... انا مش هقلك تخيل لو انت سمعت فى الوقت ده سور من القرآن مش يمكن تكون حفظتها زي ما حفظت الأغاني دي ... ده غير الحسنات الكتير اللى كنت اخدتها ...


ولا هقولك الأغاني حرام ( ومش معنى كده انها مش حرام وانت عارف من جواك ) لإن انا لما بطلت اسمع اغاني ( ايوا ياعم هو انت فاكرني مولود بلحية ولا إيه ... ربنا يثبتنا )مبطلتهاش لما عرفت انها حرام ... لا بطلتها لما عرفت أد ايه كلام ربنا حلو .. واد ايه الفايدة اللى بستفادها لما اسمع شريط في الدين او حتى اسمع كلام علمي عن اى موضوع مفيد... وحسيت ان حياتي ليها طعم جديد وليها قيمة وفايدة ...


ايدك


أنا هقولك بعد إذن سيادتك بس ... لو ممكن أخد من وقت حضرتك أد وقت مرة تشغيل للشريط ده ... هاخد من وقتك نص ساعة بس أو ساعة ... تدخل هنا وتشوف المواد الموجودة على الرابط ده ... ( وكلها روابط مباشرة ) ... وافتح قلبك ليها... وزي ما بقلك لو عرفت ربنا وقلبك قرب منه هتعرف لوحدك انت محتاج الشريط ده او غيره ...وهتعرف لوحدك الاغاني حرام ولا لأ .. وصدقني ودي أهم نقطة ... هتعرف أد ايه حياتك ليها قيمة كبيرة جدا جدا جدا ... وإن كل ثانية فيها ليها قيمة كبيرة جدا ... ولازم من الآن تاخد قرارك وتقول راجعلك يارب




ايدك


قبل ما ننهي ... انا قلت هقول النقطة التانية فى الآخر وهي انى مكذبتش فى العنوان لان حصريا ( الكلام حصري مش هتلاقيه في مكان تاني ) الألبوم ( اننا هنتكلم عنه هنا يعنى ) تحميل بروابط مباشرة ( وده من خلال الرابط اللى وضعته )
أنا جاي انهارده أمدلك ايدي واقولك هات إيدك ..
ايدك

مش نفسك تفضفض لحد وتحكيله همومك ..؟؟؟

احنا هنا كلنا إخوانك

والبنات هنا كلهم أخواتك يا أختي ..

ونفسنا تسجلوا معانا في الطريق الى الله وتمدولنا ايديكم علشان ناخد بإيد بعض للجنة بإذن الله ..


هتسأل وتقول:
هي الناس دي تاعبة نفسها معايا ومع غيري لييييه ؟

وليه عايزين يغرفوا مشكلتي؟

هقولك علشان إنتوا أخواننا وأخواتنا.. أيوه أخواننا وأخواتنا..


وخايفين عليكم وبنحب ليكم الخير زي ما بنحبه لنفسنا بالظبط ..

ده حتى إيمان العبد مش بيكتمل غير لما يحب أخوه ويخاف عليه زي نفسه ..

قال رسول الله :
(لا يؤمن أحدكم حتى يحب لأخيه ما يحب لنفسه)

وكلنا في مركب واحدة .. ولازم ناخد بإيد بعض..
ناخد بإيد بعض في الدنيا ، علشان في الآخرة نتقابل مع حبيبنا ونشرب من إيديه ونبقى معاه في الجنة ..

هتقول :

بس أنا ماستحقش إني اكون عضو في المنتدى ده !!
او اكون وسطكم أو اكون أخ لناس زيكم !!!
انتو ليه توجعوا قلبكم مع العالم اللي زيي !!!


هقولك : مين قال كده ؟؟؟؟
كلنا اصحاب ذنوب ومعاصي ومفيش حد فينا معصوم .. كلنا بنغلط وبنتوب ..
وإنت بإذن الله بعد التوبة سيئاتك كلها بإذن الله هتتبدل حسنات وممكن تكون اطهر وأحسن مننا 100 مرة..
وملكش دعوة بالدوشة ووجع القلب ..
احنا يا سيدي عالم غاويين وجع قلب .. بس انت سجل وادوشنا واوجع قلبنا براحتك ..
وإن شاء الله هتتغير وتبقى احسن واحد في الدنيا ..
بس خلي عندك أمل ويقين في الله عز وجل ..



ايدك


الصحابة كانوا بيقولوا إن سيدنا عمر بن الخطاب مستحيل هيدخل الاسلام ..

مستحييييييييييييييييل ده يحصل !!

لدرجة إنهم كانوا بيقولوا :


(لو أسلم حمار الخطاب ، ما أسلم عمر !!!)

يعني فيه امل ان الحمار ممكن يسلم إنما عمر لأ !!!

تخيل فقدان الامل وصل لمرحلة ايه ؟؟؟

ولكن زي ما قولتلك الأمل في الله موجود ولا ينقطع ..

وعُمر أسلم .. وبقى سيدنا عمر بن الخطاب .. الفاروق ..

أمير المؤمنين وثاني الخلفاء الراشدين ..

علشان كده بقولك اوعى تيأس ابداااااااااااااااااا..


ومهما غلطت أو عملت ذنوب ومعاصي قوم واتوضا وصلي ركعتين توبة وتاكد إن ربنا هيقبل توبتك ..


هات قلبك .... هات
ايدك .. وهتلاقينا معاك ..

هنكون جنبك.. ومش هنسيبك أبداً بإذن الله ..
ايدك



اخوتي الاعزاء افراد العائله اللمساويه..الموضوع ده انا قابلته في احد المنتديات وعجبتني فكرته جدا...وقلت لنفسي
هل احنا فعلا ممكن نساعد بعض....ووجودنا ما يبقاش مجرد ردود ومشاركات مجامله...يلا بينا كلنا نحاول نمد ايدينا لبعض...كل واحد سمع عن تجربه او مشكله لصديق يكلمنا عنها واحنا نحاول نشاور بعض بالرأي والمشوره....



نحبكم في الله ..








وفى الختام ... دعاء


اللهم يا تواب يارحيم .. يا ذا العرش المجيد ... يا حي يا قيوم ... اللهم صلى على سيدنا محمد وعلى آله وصحبه وسلم ... اللهم تب علينا توبة ترضيك عنها ... اللهم اعنا على أنفسنا ... اللهم طهر قلوبنا واجعلها خالصة لك ... اللهم اعفو عنا واغفر لنا وارحمنا ... اللهم اختم لنا بحسن خاتمه واجعل قبرنا روضة من رياض الجنة ... وارزقنا رفقة حبيبك محمد صلى الله عليه وسلم فى أعالي جنان الخلد ...


اللهم آمين



ihj hd];



 
مواضيع : نور الهدايه



قديم 28-10-2012, 02:16 PM   #2


الصورة الرمزية بسمة امل
بسمة امل غير متواجد حالياً

بيانات اضافيه [ + ]
 رقم العضوية : 1333
 تاريخ التسجيل :  Apr 2012
 المشاركات : 541 [ + ]
 التقييم :  85
لوني المفضل : Cadetblue
افتراضي رد: هات ايدك



جزاكى الله خيرا


 


قديم 28-10-2012, 07:25 PM   #3


الصورة الرمزية سهام ماجد
سهام ماجد غير متواجد حالياً

بيانات اضافيه [ + ]
 رقم العضوية : 2053
 تاريخ التسجيل :  Oct 2012
 العمر : 56
 المشاركات : 8,565 [ + ]
 التقييم :  7469
تلقيت إعجاب : 50
 الدولهـ
Egypt
 الجنس ~
Female
لوني المفضل : Blueviolet

اوسمتي

افتراضي رد: هات ايدك



يسلموووو
عالموضوع الرائع
بارك الله فيك
وجعله فى ميزان حسناتك
شكرى بلا حد

سهــ ماجد ــام


 
 توقيع : سهام ماجد




قديم 29-10-2012, 08:49 PM   #4


الصورة الرمزية جار القمر
جار القمر غير متواجد حالياً

بيانات اضافيه [ + ]
 رقم العضوية : 555
 تاريخ التسجيل :  Sep 2011
 المشاركات : 4,071 [ + ]
 التقييم :  503
 الدولهـ
Egypt
 الجنس ~
Male
 MMS ~
MMS ~
لوني المفضل : Chartreuse
افتراضي رد: هات ايدك



شكرا على الطرح الراقي
بوركت الانامل العطره
محبتي الخالصه


 


قديم 29-10-2012, 08:55 PM   #5


الصورة الرمزية ياسو
ياسو غير متواجد حالياً

بيانات اضافيه [ + ]
 رقم العضوية : 1787
 تاريخ التسجيل :  Jun 2012
 العمر : 25
 المشاركات : 5,103 [ + ]
 التقييم :  918
 الدولهـ
Egypt
 الجنس ~
Female
لوني المفضل : Blueviolet
افتراضي رد: هات ايدك



جزاكى الله خيرا نور
يعطيكى العافيه


 


قديم 30-10-2012, 11:05 PM   #6


الصورة الرمزية سهم الحب
سهم الحب غير متواجد حالياً

بيانات اضافيه [ + ]
 رقم العضوية : 1300
 تاريخ التسجيل :  Apr 2012
 المشاركات : 2,644 [ + ]
 التقييم :  755
لوني المفضل : Cadetblue
افتراضي رد: هات ايدك



الفكره فعلا طيبه يانور

وتناولك ليها رغم انها منقوله لكن كل فكره بتقدم هدف جميل

ونبيل مش من العيب نقلها

طالما هنحاول من خلال تقديمها شيء مفيد

زي مابعض المقالات والكتب اللي بتدعو للخير

احيانا بيبقى مكتوب عليها ساعد في النشر

فواجبنا ديما نساعد في نشر الخير

بتمنالك كل التوفيق يانور

تقديري واحترامي


 


قديم 31-10-2012, 12:46 AM   #7


الصورة الرمزية سماح
سماح غير متواجد حالياً

بيانات اضافيه [ + ]
 رقم العضوية : 2040
 تاريخ التسجيل :  Oct 2012
 المشاركات : 340 [ + ]
 التقييم :  85
 الدولهـ
Palestine
 الجنس ~
Female
لوني المفضل : Deeppink
افتراضي رد: هات ايدك



موضوع رائع وفكره حلوة
تسلم ايدك عالاختيار
وانا معاكي ومن رأيك
مشكورة عزبزتي
جزيت خيرا"
تحياااتي


 


موضوع مغلق

مواقع النشر


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
ياخساره ضيعتنى من ايدك شاعرة الرومانسيه الخواطر والشعر المسبق الخواطر والنثر_الشعر العامي 7 06-02-2014 12:28 PM
كل مايحدث فى العالم بين ايدك روح الروح قسم الاقتصاد والمحاسبة المالية وبرامج الاكسيل 7 12-11-2012 02:51 PM
اطواق للبنات من صنع ايدك ساندرا قسم ديكور وأناقة الطفل 7 16-10-2012 10:16 PM
لو بتحبها ايدك فى ايدى بقلم الشاعر هشام برهم هشام برهام الخواطر والشعر المسبق الخواطر والنثر_الشعر العامي 4 11-03-2012 08:00 PM



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.