المنقولات الادبيه لكل ما هو منقول من اعمال ادبيه واشعار وخواطر

لمسه مصرية (الاسرة السعيدة)


ماتناميش تاني

لكل ما هو منقول من اعمال ادبيه واشعار وخواطر


موضوع مغلق
 
LinkBack أدوات الموضوع انواع عرض الموضوع
قديم 10-09-2012, 02:39 PM   #1


الصورة الرمزية ايمي طهـ
ايمي طهـ غير متواجد حالياً

بيانات اضافيه [ + ]
 رقم العضوية : 824
 تاريخ التسجيل :  Feb 2012
 العمر : 31
 المشاركات : 376 [ + ]
 التقييم :  257
 الدولهـ
Egypt
 الجنس ~
Female
 MMS ~
MMS ~
لوني المفضل : Crimson
افتراضي ماتناميش تاني



ماتناميش, تاني


اى نوم يا بلد يريح ..الا نومك
نومك انتى حاجة تفضح
اصلك انتى وانتى نايمة بتبقى طالعة من هدومك
فى افلامك..وفى اقلامك
وفى كليباتك الساقطة..بتبقى حتى عريانة من احلامك
مافيش حاجة تجمع فيكى صوت للحق
وشكلك ماشية لكن ماشيتك بالزء
بتبقى فاتحة بوءك وانتى نايمة
وشخيرك صوته واطى بس مززززعج
بعكس زعيئك اما بتصحى وتهبى تقولى لأ
زعيئك اغانى ..وهتافك امانى
ومن حقى ارفض اكون قرد يرقص اذا حدفوله شوية سودانى
انا مش نكدى يابلدى
لكن مش همشى ازمرلك واهلل وارسم الاعلام على الوش اللى خد لإلام
تحطى البندقية فى ضهرى وتقولى مابيننا سلام
لأ وفى صدرى وفى رأسى ورجليا
وخدتى بالغبا عينيا

عيالك دول ابوهم مين؟؟؟؟؟
دا انا بهتف لاقيتهم ملمومين جايين
بشوم وبطلق وبسكاكين
عيالك دولا مش مجانين
ولا متهورين طايشين
عيالك دول عيال عاقين
ولولاحرام اقولك مخلوقين من حقد مش من طين
عيالك دول ابوهم مين؟؟؟

وقال جايينلى بقنابل تنزل دمعتى المعاتيه
ومش عارفين بإن دموعى نازلة عليكى ليها سنين
تصدقى فكرونى باليهود اللى فى جبل التيه
تصدقى كنت فاكرهم على قيد الحياة وعايشين
اتاريهم بقوا قيد الحياة الى بينا كسرتيه
وغطوا على الجميل فيهم بجد بكترة الوحشين
عيالك دول ابوهم مين؟؟؟

وانا لما لاقيتك نايمة قمت صحيت
ماأنا نايم لا انا على سرير ولا اتغطيت
ونايم يعنى لا شغال ولا صليت
ولا واكل ولا حليت
لكنى شفت وقت النوم كوابيسك
وحراسك بياكلوا بواقى جواسيسك
فقمت وفقت واتغليت
نزلت وطوفت فى شوارعك والا اللى راح يحج البيت
وانا اهتف والخدود تحمر
وطلقات غبر
بينطلقوا الهدوم تحمر
كمان حتى التراب يحمر
وانا بهتف حبيبتى يا مصر
يامصر إصحى
يامصر بيقتلونى لأنى بس ...صحيت

ولما صحيتى لاقيتينى فى اكفانى
بثالى صورة عقيمة ومستقليانى
عرضالى صورة لكوبرى وسايبة ميدانى
وسايبة أحزانى
وسايبة ديول فساد تانى
وسايبة الجهل مترسخ فى نوع تانى من اخوانى اللى مش فاهمين
وسايبالى على القناوات..اراجوزات ومنافقين
يلاقوا الدنيا ماشية شمال..يقولوا شمال
يلاقوا مظاهرة طالعة يمين..يلاقوا الثورة بتكمل
يقولوا احنا من الاول
معاكم بس مضطهدين
ضعااااف احنا وهما قوااااى وجبارين
عيالك دول ابوهم مين؟؟؟

انا مش اهبل ولا فاكر فسادك بس ده اللى كان يادوب ع الوش
اناعارف بإنك لما كنتى نايمة هما شبعوكى غش
وخلوه منك وفيكى..بيشغى زى دود المش
لكن معلش...
صحيت وصحيتى واهو دوءناك يانور الصبح
كشفت القبح
موارب لسة ياشباك
لكنى وراك
ضرورى هفتحك يدخل نهار يختار
يخلى كل غش وكدب يجرى قصاده زى الفار
يتم ربنا نوره ولو كرهوا..يتمم ثورة الثوار
كبير الدنيا مش واحد على كرسى بيدى قرار
كبير الدنيا هو الواحد القهار
غريبة برغم اعماركم فى فهم الدنيا مش شطار
وعاوزين تاخدوا حرية تمنها يدفعوه احرار
بتتغروا بمقداركم وبتفوقكم الاقدار

الحق فى الامة طايح مش مخلى دار
عمال بينشر فضايح شلة الاشرار
كمل ياحق البشاير باينة ع الشطار
اجمد ياحق انت ربك منتقم جبار
ياحق دا الحق ساندك
وقوته زمانها عندك
اسألنا جربنا قبلك
خطوة وخدها فى ارضك ..يكمل المشوار

ارجع لبلدى اللى نامت نسوا عينها الضى
نمتى شوية.. صحيتى بالرصاص الحى
وكنتى هتضيعى لولا إن الله حى
الأم مش للنوم يا ملكانى
ياإللى صحيتى وانا متفضى شريانى
وشلة تهتف بأسمك وشلة رعبانى
صحيتى مديونة لحرمية ودينانى
صحيتى متجرجرة ومسحولة وسحلانى
صحيتى متسرطنة ومغتصبة ووجعانى
نهايته يعنى تقومى ..ماتناميش تانى



بقلم الراقية نور عبدالله



lhjkhlda jhkd



 


قديم 12-09-2012, 12:44 PM   #2


الصورة الرمزية احمد الحلو
احمد الحلو غير متواجد حالياً

بيانات اضافيه [ + ]
 رقم العضوية : 848
 تاريخ التسجيل :  Feb 2012
 المشاركات : 1,978 [ + ]
 التقييم :  965
 الدولهـ
Egypt
 الجنس ~
Male
لوني المفضل : Blue
افتراضي رد: ماتناميش تاني



كلم جميل يحمل بين طياته معنى مميز


احاسيس ممزوجة على هيئة تصوير لواقع مؤلم


جهد مميز ورائع برنسس


انتقاء مميز سلمت الايادي


باقة ورد


احمد الحلو


 


موضوع مغلق

مواقع النشر

الكلمات الدليلية
ماتناميش, تاني


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
اخوان تاني زيزي المهندس المواضيع المكرره والارشيف 5 28-03-2013 10:04 AM
حبك من نوع تاني حبيبه المنقولات الادبيه 2 07-09-2012 02:23 PM
كلااكيت تاني مرة *** بوسي *** الالعاب والمسابقات 43 15-08-2012 09:45 PM
ورد بس شكل تاني حبيبه المواضيع المكرره والارشيف 3 04-06-2012 10:42 AM
سياسة من نوع تاني اسامة عبد العال الفكاهه والمرح 20 29-01-2012 05:22 AM



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.