لمسه مصرية (الاسرة السعيدة)


فضفضة وهرتلة


موضوع مغلق
 
LinkBack أدوات الموضوع انواع عرض الموضوع
قديم 15-08-2012, 11:37 PM   #1


الصورة الرمزية جيلان
جيلان غير متواجد حالياً

بيانات اضافيه [ + ]
 رقم العضوية : 1825
 تاريخ التسجيل :  Jun 2012
 المشاركات : 10,578 [ + ]
 التقييم :  2270
تلقيت إعجاب : 10
 الدولهـ
Egypt
 الجنس ~
Female
لوني المفضل : Indigo
افتراضي فضفضة وهرتلة



وهرتلة, فضفضة

حكاية بنوتة فى دخول العيد



فضفضة وهرتلة



العيد قرب يا بنات؟

الكلمة دي كنت بسمعها وأنا صغيرة، وكنت في قمة سعادتي أول ماما ما تفكرني أن العيد قرب، طبعاً كان بيجي في بالي لبس العيد، والعيدية، وأكل الكحك والبسكويت..

لكن دلوقتي وبعد ما أتخرجت من الجامعة، مفهوم الكلمة أتغير خالص بالنسبة لي، مش عارفه أوصلكم حالي أول ماما ما تفكرني بقرب العيد..

...

كنت فاكره إن رمضان خلص بعزوماته وتعبي ومجهودي فيها، أتاري كنت بضحك على نفسي لما قلت خلاص بقى هرتاح.. أتاري في هم أكبر من شراء الخضار وحرارة الفرن ونااار المطبخ وغسيل المواعين..

"هو الماتش ده مش هيخلص بقي أنا تعبت، أنا حسه أني داخله على نهائيات كأس العالم"!!.

قبل العيد بأيام بدأت ماما تضع خطتها في تنضيف البيت وغسل السجاد..

ولسه صاحيه من النوم بقول يا هادي وخارجه من أوضتي ملقتشي حاجه في البيت على مكانها..

"الله هي الستائر فين!، والسجاد راح فين!، هو البيت أتقلب كده ليه!، هو ده بيتنا ولا أنا بحلم!".

وفجأة طلعت ماما من تحت ترابيزة السفرة..

- مااااامااااا

= "يالا أنا شيلتلك سجاد البيت عشان تغسليه، ونزلت كل أطباق النيش عشان تغسليها وتحطيها مكانها تاني، وأبقي حطي علي الميه وانتي بتمسحي ماء ورد، عشان البركه تحل بيتنا، والحيطان أوعي تنسيها ولاد خالتك لما كانوا معزومين عندنا شخبطوا على الحيطه عايزاكي تغسلي الحيطان كويس، وخدي بالك من الكهرباء، وتلمعي أوضة النوم والسفره، ومتنسيش الحمام، ولما تخلصي بقى، وبالليل كده بعد ما ترتاحي تقلبي الدولاب كله وتطبقي الهدوم من أول وجديد"..

"لا والله كتر خيرك يا ست ماما.. بتفكري في راحتي، والله ما عارفه من غيرك كنت عملت أيه؟!"..

...

مش عارفه أوصف لكم حالي كان عامل أزاي وماما بتشرح لى خطة اليوم، كان هيجيلي شلل أطفال من الصدمة..

قطعتها معترضه: "هو في أيه يا ماما.. هو إحنا بعنا الشقة دي تمليك.. وهنعزل لغيرها ولا إيه؟"

(قالت وابتسامة صفراء فاقع لونها على وشها): "لا يا حبيبتي كل سنة وأنتي طيبة العيد قرب خلاص"..

"وأنتي طيبه يا ست الحبايب ماشي مقولناش حاجه.. يقرب زي ما هو عايز.. ولا هو لما يقرب لازم أنا اموت يعني؟"..

ردت عليا بكل بشراسة وزجرتني بعنف: "عايزه العيد يدخل علينا وإحنا مش منضفين البيت؟"

ردت عليها بكل حسرة: "لأ طبعاً أزاي.. ماشي يا ست الكل من عنيا"..

سابتني ماما وقلبي يتوجع إهئ إهئ.. ويتحسر إهئ إهئ.. ويتألم إهئ إهئ..

"ايه الهم ده.. ياربي هو أنا اخلص من عزومات رمضان أدخل في هم العيد.. عذاب إيه ده بس يا ربي"..

...

وبدأت يومي طبقاً للخطة المرسومة التي رسمتها لي أمي..

دخلت لبست اللبس الخاص للتنفيض والغسيل.. ولفيت شعري، وربطت دماغي، وف بالي أغنيه شادية "والله يا زمن" لما كانت بتمسح وتغسل، بشوف نفسي في المشهد ده.. وعشت الدور والإحساس..

بدأت بالريسبشن من مسح وتلميع الأنتريه ومسح التراب، وغسلت الحيطان..

وبعد كده دخلت علي السجاد أبتديت بالصغير ما أنا صايمه ومش قادرة، وقولت الكبير هخليه بعد الفطار..

وماما ماشيه ورايا خطوة بخطوة، وكل شوية تقول: "خلي عندك ضمير"، "اشتغلي بزمة"

طبعا مش محتاجة أقولكم إن أصعب لحظة لما يكون مش عاجبها تنضيفي وتخليني أعيد على الحاجة..

بعد كده دخلت على أوضة النوم من تنضيف الملايات والمفارش ومسح الشبابيك، وتعليق الستائر بعد تنضيفها..

وبعد كده دخلت على الحمام طبعاً ماما ورايا هي تأمر وأنا أنفذ، ومسكت الحمام من فوقه لتحته..

...

- "يالا يا هانم المطبخ مستنيكي هو اللي عليه الدور"

مش عارفه ليه أول ما بسمع كلمه المطبخ ولا أشوفه بحس بشعور غريب قلبي بيتخطف مني، مع رعشه في الأيدي والأقدام، وشعور بالغثيان..

والمفاجأة بقي اللي ماما فاجأتني بها أول ما دخلت المطبخ..

- "نزلي كل الأطباق والحلل، وأغسلها من أول وجديد، والتلاجة كمان أنا فصلت الكهربا عنها من بعد الفجر علشان تنزل التلج، وبعدين امسحي الأرضية كويس، وبعد كده ترصي الأطباق والحلل مكانها)..

لالالالالالالالا والله حرام أنا كنت فاكراها في الأول بتهزر، لكن لقيتها بتكلم بجد، حد يقولي هي الست دي أمي وأنا بنتها فعلا ولا أنا لقيطة؟!..

المهم.. استسلمت للأمر الواقع ودخلت على المطبخ وغسلت كل الأطباق والحلل ورصيتها من جديد.. والتلاجة خدت مني لوحدها ساعتين..

...

طبعا لا يمكن كنت أخلص قبل الفطار..

أذن المغرب.. وبابا حبيبي كان جاييب لنا أكل من برة.. وتقريبا دي الحاجة الوحيدة اللي كانت كويسة طول اليوم..

وإحنا ع الفطار:

ماما: "افطري بسرعة.. بلاش لكاعة"..

بابا: "ما تسيبي البنت تاكل براحتها.. هي الدنيا طارت؟"

أنا: "أيوة.. أنا نفسي في كوباية شاي مظبوطة"

ماما بكل غضب: "شاي.. شاي إيه.. إيه الدلع ده.. إحنا لسه ورانا شغل كتير"

الغريب في الأمر أنها دايماً كل ما تشرع في عمل حاجة تبتديها بلكمه"إحنا"، وكمان "ورانا".. بتروح فين الـ(نا) دي أول ما نبتدي، حرف النون بيطير في ثانية، وبلاقي نفسي بحارب لوحدي..

...

الساعة الآن الواحدة صباحا بتوقيت القاهرة.. وعلى السادة المقيمين خارجها مراعاة فروق التوقيت..

لكن ماما لم تراعي أي توقيت..

فأخيراً وبعد ما خلصت وصله التنفيض والغسيل.. ولسه باخد أنفاسي..

"قومي يالا حضري السحور.. إحنا تعبنا النهاردة"..

"حاااااااضر يامامااااااا"

المهم حضرت السحور.. بس مش هي دي المشكلة..

أول ما قعدنا لقيت اللي بيديني علي دماغي بجمله واحدة..

"اعملي حسابك لازم نقوم بدري الصبح.. عشان نعمل أنا وأنتي الكحك والبسكويت العيد"..

"إييييييييييييييييييييييييه؟؟"

رديت عليها معترضة ومحتجة: "نعم بتقولي إيه يا ماما.. كحك وبسكويت إيه اللى ح نعمله ما هو مغرق كل المحلات في كل حته.. حرام عليكي يا ماما هو تعب وخلاص"..

= "عايزين نعمل كحك وبسكويت بالسمنة البلدي"

... وبعدين في أمي بقى، أعمل فيها إيه؟، "هو اللى زهقان من أمه بيعمل إيه؟" على رأي اللمبي.




وجه العيد بكل الخير ةالفرحة بالرياضة الطبيعية هههههه
//////@@@
1


tqtqm ,ivjgm



 


قديم 16-08-2012, 12:25 AM   #2


الصورة الرمزية نورهان
نورهان غير متواجد حالياً

بيانات اضافيه [ + ]
 رقم العضوية : 1474
 تاريخ التسجيل :  May 2012
 العمر : 33
 المشاركات : 13,794 [ + ]
 التقييم :  3824
تلقيت إعجاب : 123
 الدولهـ
Palestine
 الجنس ~
Female
 MMS ~
MMS ~
لوني المفضل : Black
افتراضي رد: فضفضة وهرتلة



ههههههههههههههههههههههههههه

بيعها يا ختي اجريها ههههههههههههه هتعملي ايه يعني هو هوس الستات في التنضيف غريب ولما تعملي كل شي تقولك تعبانه روحي ارتاحي بكرة غسيل ههههههههههههههههه
ربنا معنا لان الي انتي قولتيه بعمله مش في العيد ورمضان كل ما امي تعاقبني تخليني اعمله\ بس ربنا يخليهم النا ونشتغل ولا يهمنا هههههههههههههه

وفضغضو يا بنات


 
 توقيع : نورهان



كلي هـدوء ..~
أظهر مشاع ــري بكل صراح ـــة ..~
وأخفي في داخ ــلي الكثير .. الكثير ..~
أح ــب الجميع دون استثنـآء ..~
أساامــ ح كثيراا .. ولآ أنسى بسهولة ..~
مهمــآ كآنت معاملتهــم لــي ..~
سأضل أعاملهـم بمـآ هي عليه
أخ ــلآقي لآ أخ ــلآقهـم ..~


قديم 16-08-2012, 07:24 PM   #3


الصورة الرمزية سهم الحب
سهم الحب غير متواجد حالياً

بيانات اضافيه [ + ]
 رقم العضوية : 1300
 تاريخ التسجيل :  Apr 2012
 المشاركات : 2,644 [ + ]
 التقييم :  755
لوني المفضل : Cadetblue
افتراضي رد: فضفضة وهرتلة



هو العيد بيوصل عند البنات بس؟

هههههههههههههههه

والله ضحكتيني من قلبي

كنا زمان بنفرح بالعيد

عشان بنلبس الجديد ونروح سوق العيد بعدماناخد العيديه

من غير هموم ولا مشاكل

دلوقتى هعمل ايه انا متخانق مع اخويا هروحله اذاي

ولوروحتله هيعبرني ويجيني

اه عايز اروح لاولاد فلان وعلان

طيب هجيب العيديات دي كلها منين المرتب يادوب

اه وعايز اسافر لعمي ولا لخالي

ومشواره بعيد ده ف اخر الدنيا

اتحول العيد لمشاوير وتعب ودفع فلوس

لكن رغم كل ده برضوا لسه ليه بهجه وفرحه كبيره

الفرق الوحيد عزيزتي هو حالك وانتي بتعملي اللي بتعمليه ده

يعني راضيه عن اللي بتعمليه بتحسي بسعاده

رفضه بتحسي بالتعب والضيق

افرحي ديما وحبي اللي بتعمليه هتلاقيكي بتعملي اللي بتحبيه

دومتي بسعاده

وكل سنه وانتي طيبه


 


موضوع مغلق

مواقع النشر

الكلمات الدليلية
وهرتلة, فضفضة


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
فضفضة قلب وردة الأحلام المنقولات الادبيه 8 28-02-2014 04:39 AM
فضفضة 4 صدى الحرمان الفضفضه 13 14-05-2012 12:55 AM
فضفضة 2 صدى الحرمان الفضفضه 7 25-04-2012 05:37 PM
فضفضة (و) نهرالاحزان الفضفضه 37 03-07-2011 08:22 PM



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.