لمسه مصرية (الاسرة السعيدة)


اتيكيت التعامل مع المستفزين


موضوع مغلق
 
LinkBack أدوات الموضوع انواع عرض الموضوع
قديم 11-05-2012, 05:02 AM   #1


الصورة الرمزية نغم حياتي
نغم حياتي غير متواجد حالياً

بيانات اضافيه [ + ]
 رقم العضوية : 1141
 تاريخ التسجيل :  Apr 2012
 العمر : 49
 المشاركات : 14,415 [ + ]
 التقييم :  2662
تلقيت إعجاب : 1
 الدولهـ
Egypt
 الجنس ~
Female
 MMS ~
MMS ~
لوني المفضل : Indianred
* اتيكيت التعامل مع المستفزين



المستفزين, التعامل, اتيكيت

كل يوم بنقابل اشخاص كتير
منهم المحترم
ومنهم الغلس

احنا النهارده هنتكلم عن نوعية غلسة اوى من الناس
الا وهى

الانسان المستفز

يعنى ايه مستفز؟

مستفز يعنى شخص يبحث عن اثارة غضب الاخرين

وذلك بواسطة:

-مواجهتهم بعيوبهم

-احساسهم بان لديهم عيوب حتى لو كانت مش موجودة عندهم

انواع
المستفزين من حيث:

1-النوع
و العمر:

أ-ذكر :هنتعامل معاهم بنفس الطريقة حتى لو اختلفت اعمارهم

ب- انثى:دى بقا هتختلف

-واحدة من عمرى

-واحدة اكبر منى

-واحدة اصغر منى

2-صلة القرابة:

-حد قريبى

-حد معرفوش خالص ولا عمرى شفته

-حد اعرفه بس مش قريبى(زمايلى مثلا)

3-الرابط بينك وبينه:

-حد معاكى فى الشغل

-حد معاكى فى البيت

-حد برة(جاى م الشارع وعمرك ماشفتيه)

اعراض المرض:

مرض ايوه مرض

المستفز ده مريض نفسى لازم تلاقى فيه 3 صفات على الاقل من اللى هقولهم دول:

من قبل حتى ما تتعاملى معاه ممكن تراقبيه شويه قبل ما تلبسى فيه ومش هتعرفى تخلصى بالساهل

الاعراض:

1-يسعى للتفاخر ببطولاته فى اول لقاء

2-دائما ما يذكر عيوب الاخرين
(بس لو كان ذكى مش هيعمل كد)

3-
المستفز هو شخص عصبى وليس هادئ اطلاقا

4-يسعى للكمال بشدة(لذلك اغلبهم متفوقين فى شغلهم او دراستهم)

4-يحب الدنيا وحريص على الحياة (طب واعرفها ازاى دى..........نادر جدا جدا جدا انك تلاقيه مكتئب)

5-تنك رغاى (دى لازم تكون موجودة)

6-حساس جدا للنقد(يعنى جربى تقوليله عيب فيه كدا هتلاقيه اتضايق جدا...طب عادى ما كل الناس بتتضايق من عيوبها...لا بس دا لا يمكن ياخد الموضوع بروح الفكاهة وهتلاقيه فاضل معكنن طول اليوم حتى لو كانت كلمة هايفة)

7-بيحب نفسه اوى(انانى جدا وبتاع مصلحته)

8-فيلسووووووووووووف (لازم تكون الصفة دى موجودة فيه)

ندخل بقا على كيفية التعامل مع المستفزين بأنواعهم:

اول حاجة لو كان المستفز ذكر

غالبا بيبقى استفزازه هو المعاكسة

وطبعا كلنا عارفين هنعمل ايه

التجاهل هو افضل حل

التزمى الصمت المميت

لو كرامتك نقحت عليكى ورديتى عشان ترجعيها

صدقينى انتى كدا هتضيعيها اكتر

طيب افرضى انه واحد قريبك اعمل ايه:

بصة من اياهم عارفاها

ايوه طبعا

بصة من فوقه لتحته واديله افاكى بعدها ولو مشيتى يبقى احسن عشان متديلوش فرصة يرد عليكى

صدقينى بتحرق الدم

تانى حاجة

لو كان المستفز انثى:

ياه بتبقى رخمه اوى

ليه

لانك لو تجاهلتيها هتعتبر دا ضعف منك وكل ما هتشوفك هتحاول تفكرك بالموقف اللى ضايقك دا

ذا لا مفر من المواجهة

طيب

لو كانت المستفزة واحدة اكبر منى فى السن:

لازم يكون ردك مؤدب لو قالتلك

مالك تخنتى كدا ليه

مالك خسيتى كدا ليه

اوعى تكشرى ابدا بالعكس اضحكى ضحكة خفيفة وقوليلها انتى اول مرة تاخدى بالك بس بذوق

وبعدين

-لو قالتلك مالك تخنتى كدا ليه:قوليلها ايه دا بجد انا تخنت دا كان نفسى اتخن من زمان

-لو قالتلك مالك خسيتى كدا ليه قوليلها بجد دانا عاملة رجيم مخصوص عشان اخس كويس انه نفع

طب افرضى انك كنتى تخينه اوى وهى عارفة مسبقا انك من زمان وانتى عايزة تخسى مش معقول هتردى عليها الرد اللى فوق امال اقول ايه:

قوليلها تصدقى انا كنت عايزة اخس بس ماما بتقولى انتى احلويتى كدا

او لو كنتى رفيعة

قوليلها ماما بتقولى انتى كدا احلى او صحابى بيحسدونى على رشاقتى


الخلاصة
اعملى من العيب اللى فيكى ميزة

تانى حاجة لو كانت المستفزة اللى اكبر منك دى مش قريبتك

الافضل عدم الرد

وفى الغالب مفيش واحدة غريبة عنك هتستفزك من اول لقاء يعنى

نخش بقا على:

لو كانت المستفزة دى من نفس سنى

نفس الاسلوب ضحكة خفيفة

اعملى من عيبك ميزة

زائد

لو كانت مستفزة اوى

العين بالعين

قوليلها على عيب واضح فيها

طب مفيش عيب واضح

اخترعى بقا يا معلمة ماهى مش هتحرق دمك وانا اقعد اتفرج يعنى


بس العيب اللى تخترعيه يكون معنوى عشان يسهل تصديقه

مثال:

زميلتك بتقولك ايه:

انتى مالك خيبتى كدا ليه ودرجاتك بقت فى الارض

انتى:ضحكة خفيفة +الرد (اصلى مقضياها السنة دى)

المهم اعملى نفسك انك انتى اللى قاصدة وانك مخبتيش غصب عنك

لو لقتيها برده متأثرتش

طلعى فيها عيب بقا عشان متذلكيش كل ما تشوفك


نخش بقا على مستفزة اصغر منى سواء ولد او بنت

بصراحة الاطفال الايام دى بقوا مفترسين مش عارفة اي دا

المهم هتردى بعطف وحنان وتحسسى الطفل او الطفلة انك زى امه

هيقوم دا يحسسه انه غلط فى حد اكبر منه

ورجاء الابتسامه متفارقش وشك ساعتها


نخش بقا على صلة القرابة:

بتحصل كتير ان حد قريبك او قريبتك تستفزك هى هى نفس الخطوات مع الابتسامة الغلسة بتاعتك هتكسفى اللى قدامك بأدب

اياكى ترفعى صوتك ابدااااااا

هيتقال قليلة الادب علطول

ضحكة غلسة ولو معرفتيش تردى اسكتى

لان الضحكة خلاص عملت مفعولها ووضحت رايك

طيب

حد معاكى فى نفس البيت

دى بتبقى صعبة جدا فعلا يعنى وبالذات السلايف

بداية

متخليهاش تاخد عليكى

الكلمة ع قد الكلمة

لو عايرتك بحاجة فيكى

اقلبيها ميزة

لو عايرتك بحاجة انتى محرومة منها

طلعى فى الحاجة دى القطط الفطسانة


طيب حد فى الشغل استفزنى

بردو متاخديهوش عليكى

اعملى حد فاصل وخط احمر

وضحكة غلسة

طب لو راجل اضحك ازاى يعنى

لا مش هتضحكى

هتعملى زى ماقلت فوق بصة مستفزة من فوقه لتحته بس متكشريش ساعتها ولا تبتسمى بردو

الخلاصة صدعتينا:

1-الانسان المستفز هو انسان يسهل استفزازه ايضا وترى علامات الضيق على وجهه بسرعة عندما يجد نفسه فشل فى استفزازك

2-اتبعى الخطوات التالية
الضحكة
البصة
حد فاصل
قلب الوضع لصالحك بتوضيح عيوب الحاجة اللى انتى محرومة منها
وقلب عيوبك الى مزايا
لاحظى لا تتركى الابتسامة تزول من وجهك
المستفز هو شخص وشه مكشوف
لا تتهربى من الموقف فى حالة (المستفزة)لان ذلك يزيده سوءا
تحياتى اتمنى اكون افدتكم




hjd;dj hgjuhlg lu hglsjt.dk hgjuhlg



 
 توقيع : نغم حياتي



قديم 11-05-2012, 10:35 AM   #2


الصورة الرمزية اميرة باخلاقى
اميرة باخلاقى غير متواجد حالياً

بيانات اضافيه [ + ]
 رقم العضوية : 145
 تاريخ التسجيل :  May 2011
 المشاركات : 22,219 [ + ]
 التقييم :  1324
تلقيت إعجاب : 1
 الدولهـ
Egypt
 الجنس ~
Female
 MMS ~
MMS ~
لوني المفضل : Blue
افتراضي رد: اتيكيت التعامل مع المستفزين



تسلمى دموع الندى للطرح الرائع
يعطيك العافية


 
 توقيع : اميرة باخلاقى



قديم 12-05-2012, 06:31 PM   #3


الصورة الرمزية نغم حياتي
نغم حياتي غير متواجد حالياً

بيانات اضافيه [ + ]
 رقم العضوية : 1141
 تاريخ التسجيل :  Apr 2012
 العمر : 49
 المشاركات : 14,415 [ + ]
 التقييم :  2662
تلقيت إعجاب : 1
 الدولهـ
Egypt
 الجنس ~
Female
 MMS ~
MMS ~
لوني المفضل : Indianred
افتراضي رد: اتيكيت التعامل مع المستفزين





 


قديم 14-05-2012, 06:34 PM   #4


الصورة الرمزية زهره البنفسج
زهره البنفسج غير متواجد حالياً

بيانات اضافيه [ + ]
 رقم العضوية : 675
 تاريخ التسجيل :  Dec 2011
 المشاركات : 22,271 [ + ]
 التقييم :  740
تلقيت إعجاب : 1
 الدولهـ
Saudi Arabia
 الجنس ~
Female
لوني المفضل : Crimson
افتراضي رد: اتيكيت التعامل مع المستفزين



يعطيك العافية .... على الطرح الرائع
ماننحرم من جديدك المميز
امنياتي لك بدوام التألق والابداع
..{تحياتي ..




 
 توقيع : زهره البنفسج

يَاربْ أنتَ وَحدكَ تعلَم مفاتِيح السّعادةِ في قلبِي فَـ اِفتحهَا


قديم 17-05-2012, 06:12 AM   #5


الصورة الرمزية نغم حياتي
نغم حياتي غير متواجد حالياً

بيانات اضافيه [ + ]
 رقم العضوية : 1141
 تاريخ التسجيل :  Apr 2012
 العمر : 49
 المشاركات : 14,415 [ + ]
 التقييم :  2662
تلقيت إعجاب : 1
 الدولهـ
Egypt
 الجنس ~
Female
 MMS ~
MMS ~
لوني المفضل : Indianred
افتراضي رد: اتيكيت التعامل مع المستفزين



اقتباس:
المشاركة الأصلية كتبت بواسطة زهره البنفسج مشاهدة المشاركة
يعطيك العافية .... على الطرح الرائع

ماننحرم من جديدك المميز
امنياتي لك بدوام التألق والابداع
..{تحياتي ..











 


موضوع مغلق

مواقع النشر

الكلمات الدليلية
المستفزين, التعامل, اتيكيت


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
اتيكيت الغضب بين الزوجين nadeen منتدي الحياة الزوجية 10 15-03-2017 02:39 AM
تعلم اتيكيت الحديث مع الأخرين ابن الحتة الفضفضه 1 10-09-2015 12:53 PM
اتيكيت تناول بعض اصناف الطعام مي محمد مطبخ حواء 6 10-09-2014 06:42 AM
للشارع اتيكيت خاص جدا أعذرني فأنا أنثى قسم حواء 7 06-12-2011 09:21 PM
اتيكيت الهدايا أعذرني فأنا أنثى قسم حواء 8 24-07-2011 06:53 PM



new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.