لمسه مصرية (الاسرة السعيدة)


تتجوزيني


موضوع مغلق
 
LinkBack أدوات الموضوع انواع عرض الموضوع
قديم 21-04-2012, 03:24 PM   #1


الصورة الرمزية صدى الحرمان
صدى الحرمان غير متواجد حالياً

بيانات اضافيه [ + ]
 رقم العضوية : 977
 تاريخ التسجيل :  Apr 2012
 المشاركات : 5,280 [ + ]
 التقييم :  1342
لوني المفضل : Cadetblue
تصفيق تتجوزيني



تتجـــوّزينـــي

تتجـــوّزينـــي ؟؟

--------------------------------------------------------------------------------

--------------------------------------------------------------------------------







تتجـــوّزينـــي ؟؟



تتجوزيني ؟ -

ـ أفندم ؟
ـ بقولك تتجوزيني ؟
ـ ؟؟؟
ـ تتجوزيني ؟
ـ لأ
ـ ليه ؟
ـ بصراحة كدة شكلك مش عاجبني
ـ إزاي يعني ؟
ـ يعني .. أصل أنا ليا مواصفات معينة لفارس أحلامي
ـ مواصفات معينة ؟ .. هو انتي هتتجوزي عربية؟
ـ لأ ! .. بصراحة كده .. إنت مش فارس أحلامي اللي باتمناه

**************************

ـ تتجوزيني ؟

ـ إيه ده ؟ شكلك اتغير
ـ إيه رأيك ؟
ـ واو .. شعرك بقة ناعم ! .. دي باروكة ؟
ـ أيوة
ـ ودي عدسات خضراء ؟
ـ أيوة
ـ واو ! .. بس بجد .. بقيت وسيم .. واو ! ده انت بقيت شبه نيكولاس كيج
ـ مين عباس كيج ده ؟
ـ عباس ؟!! ياي .. إيه عباس دي ؟ اسمه نيكولاس
ـ مين نيكولاس ده ؟
ـ بقة مالكشي في السيما وجاي تكلمني ؟ .. ياي
**************************

ـ تتجوزيني ؟

ـ انت لسه ليك عين تكلمني ؟
ـ أيوة .. أنا عرفت مين بنكرياس كيج ده
ـ أولاً : اسمه نيكولاس كيج
ـ أيوة أيوة .. كنت هاقول اسمه صح .. بس اختصرته .. ده ممثل
ـ ممثل إيه ؟
ـ ممثل أمريكاوي
ـ أمريكاوي ؟! .. إخّييي ! .. اسمه أميريكان يا بابا .. ما تبقاش دونكي
ـ دونكي دي تبقى شتيمة ؟
ـ أوف كورس

**************************

ـ تتجوزيني ؟

ـ عندك عربية موديل كام ؟
ـ موديل دي تبقى شتيمة ؟

**************************

ـ تتجوزيني ؟

ـ قوللي الأول .. حاطط أنهي نغمة في الموبايل بتاعك ؟
ـ نغمة دي تبقى شتيمة ؟

**************************

ـ تتجوزيني ؟

ـ ما قلتليش .. إنت بتشتغل إيه ؟
ـ أنا -بلا فخر- عاطل
ـ عاطل ؟ .. ياي
ـ مش أحسن من اللي ما بيشتغلش ؟
ـ لا
ـ يعني مش هتتجوزيني ؟
ـ لا
ـ كدة أنا أزعل
ـ ما تزعلش يا بابا .. خليك فريش
ـ ماشي .. ماشي .. بس قوليلي
ـ إيه ؟
ـ فريش دي تبقى شتيمة ؟

**************************

ـ تتجوزيني ؟

ـ لقيت شغل ؟
ـ أيوة طبعًا .. سنتين وأنا بادور .. أخيرًا لقيت
ـ وإيه هو ؟
ـ سواق تاكسي
ـ ياي ! .. مش مكسوف وانت بتقولها ؟
ـ فيها إيه ؟ العمل شرف .. وكلها كام سنة وأجمع مبلغ كويس
ـ شرف ؟ جتك القرف

**************************

ـ تتجوزيني ؟

ـ جمعت مبلغ كويس ؟
ـ طبعًا .. مبلغ كبير جداً
ـ قد إيه يعني ؟
ـ ألف جنيه
ـ نعم ؟!!! .. ألف جنيه دول تروح تسرح بيهم ببطاطا
ـ يعني موافقة ؟
ـ روح اتنيّل

**************************

ـ تتجوزيني ؟

ـ عندك شقة ؟
ـ طبعًا .. أوضة على السطوح
ـ نعم ؟
ـ إيه المشكلة ؟! .. أحسن ما ننام في الشارع
ـ في الشارع ؟! .. إيه الألفاظ السوقية دي ؟ ياي ! .. لازم يا بابا تجيب شقة
ـ طيب .. كلها كام سنة وأجيبلك أحسن شقة في الدنيا
ـ وهتجيبها في جاردن سيتي ولا في الزمالك ؟
ـ لا .. في الأهلي .. هيهع هيهع هيهع

**************************

( بعد سنوات)
:

ـ تتجوزيني ؟

ـ جبت الشقة ؟
ـ أيوة .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات
ـ فانتاستيك
ـ بس الشقة ناقصة حاجة
ـ إيه هي ؟
ـ مفيهاش حمام
ـ امشي من قدامي ! .. مش طايقاك

**************************

ـ تتجوزيني ؟

ـ إنت تاني ؟
ـ جبتلك حمّام إنما إيه
ـ خليه ينفعك
ـ ليه بس ؟ .. ده ينفع لينا احنا الاتنين
ـ وأنا مالي ؟
ـ مش عاجبك .. مش مشكلة .. أكتبه باسمك


**************************

(بعد سنين)
..

ـ هتتجوزيني ولا أولع فيكي ؟
ـ ومالك محروق كدة ؟
ـ حكايتنا طولت قوي .. طولت أكتر من اللازم
ـ أوكي .. بس ممكن أعرف حاجة ؟
ـ إيه ؟
ـ إنت ليه متمسك بيا أوي كدة ؟
ـ أصل .. أصل
ـ أصل إيه ؟
ـ أصل أنا بحُبك
(بضم الحاء)
ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) بعدين خليك روش وقول
I love you
ـ ماشي .. بس قوليلي
ـ نعم ؟
ـ روش دي تبقى شتيمة ؟

**************************

ـ تتجوزيني ؟

ـ بصراحة .. في حاجة كنت عاوزة أقولهالك من زمااااااان
ـ إيه ؟
ـ أنا بصراحة .. مش شايفة إن في حد في العالم يستاهلني
ـ يا سلام ! .. ليه ؟
ـ عشان أنا جميلة .. خفيفة الدم .. رشيقة .. رقيقة
ـ رقيقة ؟! .. ده انت بدأتي تقشفي
ـ فشر
ـ فوقي لنفسك .. العمر بيجري
ـ أنا مصرة على رأيي
ـ يعني إيه ؟
ـ يعني اقطع معايا
ـ بعد كل السنين دي ؟! .. بعد كل الحب ده ؟
بلاش تراجيديا من فضلك -
ـ ماشي .. بس قبل ما أمشي عاوز أسألك سؤال واحد بس
ـ إيه هو ؟
ـ تراجيديا دي تبقى شتيمة ؟

**************************

( بعد سنوات )
..

ـ تتجوشيني ؟
ـ إيه ؟
ـ تتجوشييينييييييي ؟
ـ إنت مين ؟
ـ أنا حبيبك يا هبلة .. البشي النضارة عشان تشوفيني
ـ طيب شاعدني عشان ألاقي النضارة
ـ آهي على الترابيزة قدامك
ـ فين ؟
ـ لا دي نظارتي أنا
ـ أيوة لقيتها
ـ البشيها بقة
ـ ططييبب
ـ عينيكي فوق شوية .. ده بقك
ـ طيب لبشهالي إنت
ـ عقبال ما البشك الدبلة
ـ ما تكشفنيش .. كنت بتقول إيه بقى ؟
ـ كنت بقول تتجوشششيييينيييييي ؟
ـ أكوشك ؟ .. إزاي ؟
ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي؟
ـ دي شتيمة ؟
ـ لاااااء .. بقولك تتجوشيني ؟
ـ آه !! .. أجوشك
ـ بالضااااابط .. هاه ؟
ـ شيبني أفكر
ـ أشيبك تفكري ؟! .. ده انت هتموتي خلاش
ـ لا .. شيبني أفكر بش
ـ ربنا يوفقك
ـ إيه ؟
ـ ربنا يوفقك
ـ بتقول إيه ؟
ـ ربنا ياخدك

**************************

(على فراش الموت)
:
ـ تـ … كوح .. كوح .. تتـ .. كوح كاح كيح .. تتكو .. كوح .. كوح تتكوشـ .. كوح كوح .. يني ؟
ـ مش شامعة
ـ بـ .. قوللـ .. كوح .. كوح .. بقولك .. تـ .. تـ .. كوح .. كوح تتجوشيـ .. ؟ كوح .. كوح
ـ أجوش مين ؟
ـ هـ .. و.. ه .. كووح كوح كاح .. هوه إنتي .. كوح كوح .. معرفتيـش .. كوح كوح كيح .. ميـ .. كوح .. مين ؟
ـ إيه ؟
ـ لا .. كوح .. أبدًا .. كوح .. كنت … كح كح .. بأكح
ـ كنت بتكح ؟!!!! .. شلامتك .. ما قلتليش ليه ؟
ـ هو .. كوح .. إنتي .. لشة .. عارفـ .. ـة .. كوح كوح
ـ بتقول إيه ؟
ـ يا .. ولية .. كوح كوح .. ردي .. كوح كوح .. عليا .. تـ .. تـ .. جو شيـ .. كوح كوح كوح كوح .. نـي ؟
ـ أجوشك ؟!! .. طب بش خد الدوا الأول
ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح
كوح كوح .. ـني ؟
ـ أيوة يا حاج .. موافقة
موافقة إنك تتكوشني ..أخيـ….كوح كوح ..راااااً !! .. كوح كوح كدة أموت .. كوح كوح .. وأنا .. كوح .. مطمئن ومرتاح .. الودااا .. كوح ..ع ع ع ع
ـ يا حاج .. يا حاج
لااااااااااااااااااااااااااااا



jj[,.dkd jj[JJJ,~.dkJJJd



 


قديم 21-04-2012, 03:49 PM   #2


الصورة الرمزية زهرة النسرين.
زهرة النسرين. غير متواجد حالياً

بيانات اضافيه [ + ]
 رقم العضوية : 236
 تاريخ التسجيل :  Jul 2011
 المشاركات : 9,018 [ + ]
 التقييم :  3886
 الدولهـ
Egypt
 الجنس ~
Female
 MMS ~
MMS ~
لوني المفضل : Brown
افتراضي رد: تتجـــوّزينـــي



هههههههه
اخلاص مابعده اخلاص
وحب من نوع خاص
ويااما دا الانتظار او بلاش

تسلم ماجد بجد
رسمت الضحة في المكان

ودي ووردي


 


قديم 21-04-2012, 03:57 PM   #3


الصورة الرمزية صدى الحرمان
صدى الحرمان غير متواجد حالياً

بيانات اضافيه [ + ]
 رقم العضوية : 977
 تاريخ التسجيل :  Apr 2012
 المشاركات : 5,280 [ + ]
 التقييم :  1342
لوني المفضل : Cadetblue
افتراضي رد: تتجـــوّزينـــي



هههههههههههههههه شكرا لكى سيدتى


 


قديم 21-04-2012, 06:25 PM   #4


الصورة الرمزية سمير عثمان
سمير عثمان غير متواجد حالياً

بيانات اضافيه [ + ]
 رقم العضوية : 609
 تاريخ التسجيل :  Nov 2011
 المشاركات : 4,455 [ + ]
 التقييم :  740
لوني المفضل : Cadetblue
افتراضي رد: تتجـــوّزينـــي



اخى / ماجد صدى حرمانى



الحمد لله انى اتجوزت قبل مقرء متصفحك

هههههههههههههههههههههههه

عشان انا كرهت الجواز والحب وعزابه

ههههههههههههههههه


 
 توقيع : سمير عثمان


مواضيع : سمير عثمان



قديم 21-04-2012, 06:27 PM   #5
^^^


الصورة الرمزية طيف القمر
طيف القمر غير متواجد حالياً

بيانات اضافيه [ + ]
 رقم العضوية : 9
 تاريخ التسجيل :  Mar 2011
 العمر : 28
 المشاركات : 6,410 [ + ]
 التقييم :  1049
تلقيت إعجاب : 1
 الدولهـ
Palestine
 الجنس ~
Female
لوني المفضل : Tomato
افتراضي رد: تتجـــوّزينـــي



ههههههههههههه
يا حرام بجد صعبوا عليا
تسلم الاياادي صدى


 
 توقيع : طيف القمر

No words 2 write...


قديم 21-04-2012, 07:27 PM   #6


الصورة الرمزية صدى الحرمان
صدى الحرمان غير متواجد حالياً

بيانات اضافيه [ + ]
 رقم العضوية : 977
 تاريخ التسجيل :  Apr 2012
 المشاركات : 5,280 [ + ]
 التقييم :  1342
لوني المفضل : Cadetblue
افتراضي رد: تتجـــوّزينـــي



21-04-2012, 05:25 PM #4






بارك الله فيك اخى


 


قديم 21-04-2012, 07:27 PM   #7


الصورة الرمزية صدى الحرمان
صدى الحرمان غير متواجد حالياً

بيانات اضافيه [ + ]
 رقم العضوية : 977
 تاريخ التسجيل :  Apr 2012
 المشاركات : 5,280 [ + ]
 التقييم :  1342
لوني المفضل : Cadetblue
افتراضي رد: تتجـــوّزينـــي



21-04-2012, 05:27 PM #5


^^^


بارك الله فيكى سيدتى


 


قديم 21-04-2012, 09:41 PM   #8


الصورة الرمزية محمدرجب مهدية
محمدرجب مهدية غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Mar 2011
 المشاركات : 17,270 [ + ]
 التقييم :  12258
تلقيت إعجاب : 361
 الدولهـ
Egypt
 الجنس ~
Male
لوني المفضل : Cadetblue

اوسمتي

افتراضي رد: تتجـــوّزينـــي



اتجوزك ومالو بس تجيب لي مهري
طشت غسيل كبير ووابور جاز بيضوي
وصينية رز كبيرة ومقطفين دوغري
وقفة كبيرة للرز وناموسية للناموس يجري
وما تنسي الحنة من الحجاز اتحني
وتدفع فية عشرة جنية وتقول لابويا باركلي
وتدي لامي الطرحة وتقلع هدومك وتجري
وبعزم الرجال تشيلني وعالنخلة تطلعني
وتنزل بية وتمشي بين الاهل متخفي
ولما تقدر تقدم المهر تروح علي اقرب جواهرجي
تجيب لي دبلة وخاتم وقردان عالصدر يحلي
وما تنسي الحلق عمود او غويشة بتضوي
عرفت يا حلو مهري
اجري بقي
ولا هتستخبي
هع هع
اوع وشك يا ولاه
ماجد
طلبت الجواز
وطلبت المهر
يلا يخويا اشرب
@^@


 
 توقيع : محمدرجب مهدية


الصديق الحقيقي هو من يؤمن بك وقتما تشك بنفسك
وليس من يشك فيك حينما يصدقكك الاخرون
اعذروني فأنا أحب هذا الرجل




قديم 21-04-2012, 09:42 PM   #9


الصورة الرمزية مومو
مومو غير متواجد حالياً

بيانات اضافيه [ + ]
 رقم العضوية : 682
 تاريخ التسجيل :  Dec 2011
 المشاركات : 11,473 [ + ]
 التقييم :  2126
تلقيت إعجاب : 2
 الدولهـ
Palestine
 الجنس ~
Female
لوني المفضل : Blue
افتراضي رد: تتجـــوّزينـــي




هههههههههههههههه يا لهويتيني يا ماجد


انت فظييييييييييع مووووووت


ايه الجمال ده


بقالي كتير مش ضحكت زي النهارده


يقطع الحب وسنينه


كل ده دول بقوا مومياااااااااااااااااء هههههه



ربنا يستر على عبييييييييييييييده ههههه



سرني جداااااااا التواجد هنا



تقييمي ويعقبه الإعجاب



تحيــــــــــــــــــاتــــي


و اوعى تقول دي شتيمه هههههههههههه


 
 توقيع : مومو



قديم 21-04-2012, 10:08 PM   #10


الصورة الرمزية وعود الشوق
وعود الشوق غير متواجد حالياً

بيانات اضافيه [ + ]
 رقم العضوية : 1160
 تاريخ التسجيل :  Apr 2012
 المشاركات : 308 [ + ]
 التقييم :  165
 الدولهـ
Saudi Arabia
 الجنس ~
Female
لوني المفضل : Deeppink
افتراضي رد: تتجوزيني



ههههههههههههههه
يجننوا
لآخر رمق ماقطعوا الأمل
شكرا صدى الحرمان
زرعت الضحكة على شفاهنا
دمت سالماً


 


موضوع مغلق

مواقع النشر

الكلمات الدليلية
تتجـــوّزينـــي


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة




new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.