المنقولات الادبيه لكل ما هو منقول من اعمال ادبيه واشعار وخواطر

لمسه مصرية (الاسرة السعيدة)


الابن الشهيد

لكل ما هو منقول من اعمال ادبيه واشعار وخواطر


موضوع مغلق
 
LinkBack أدوات الموضوع انواع عرض الموضوع
قديم 12-02-2012, 08:36 PM   #1


الصورة الرمزية زيزي المهندس
زيزي المهندس غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Mar 2011
 المشاركات : 16,730 [ + ]
 التقييم :  2255
تلقيت إعجاب : 85
 الدولهـ
Egypt
 الجنس ~
Female
 اوسمتي
العطاء 
لوني المفضل : Blue

اوسمتي

افتراضي الابن الشهيد



الابن, الشهيد

قصيدة بعنوان ( الابن الشهيد ) عن شهداء ثورة 25 يناير






القصيدة التي أبكت شباب التحرير وشباب العريش والتي كان لها دور فعال في ثورة 25 يناير والتي أشعلت روح الإثارة داخل المتظاهرين في ميدان التحرير ومختلف الميادين والتي خاطبت القلوب قبل ان تخاطب العقول من كلمات الشاعر السيناوي أحمد الحجاوي

قصيدة بعنوان ( الابن الشهيد ) عن شهداء ثورة 25 يناير
قصيدة (الابن الشهيد) للشاعر السيناوي أحمد الحجاوي عن شهداء ثورة 25 يناير العظيمة
هبدأ كلامي ياناس .. بسم اللي ما بيفارقنا .. رب العباد والكل
خالق الدهب والماس .. وخالقنا وبفضله رازقنا .. المولى عز وجل
وقبل أما أحكي وأقول .. وأسرح مع الأشعار
هنصلي على رسول .. صاحب حكاية الغار
عليه الصلاة والسلام
صلى عليه الـلـه .. وبالسلام سلم
وأخده لحد سـمـاه .. لاجل أما نتعلم
هحكي أنا حكاية .. عن ابن ضحى شهيد
كان موته دا بداية .. لعصر حر جديد
هحكيها من أول .. مانادى بالتغيير
لحد ما تحول .. شعبه في وطنه أسير
ولما ساب أهله..وراح على التحرير
لقى صوت بيندهله .. وكاتبله موته مصير
اتربى وسط الخوف .. و ف ظلم قاسي عليه
يلا تعالوا نشوف .. أصل الحكاية إيه ؟؟

الابن قام مفزوع من نومه مش رايق على شعبه دا الغلبان زعلان ومتضايق
مسك القلم ف أيديه وقال للنظام امشي بس القلم م الخوف خانه وما كتبشي
كتبها من دمه وهو يا ناس مجروح كبر وراح قايل يا روح ما بعدك روح
وصلى وقال لأمه على الميدان هيروح صعبان عليه ينسى شعبه اللي عاش مدبوح
نادت عليه أمه وقالتله يابني اسمع خايفه عليك يا ضناي اخذي الشيطان وارجع
لكنه واد راجل مليان يا ناس إصرار حالف لشعبه يعيش ويكون من الاحرار
ودع يا ناس أمه وخدها في أحضانه سابها عشان يحمي شعبه وأوطانه
وأمه يا ناس قاعدة من قلبها بتبكي وبتدعي ليه ربه وبدمعها بتشكي
مهنش عليه يسيبها غرقانه في دموعها ولا هان تكون بلده مطفية في شموعها
راح الميدان هناك ومفيش فأيده سلاح أوعوا تقولوا يا ناس عالأبن دا سفاح
رمل بلده بيتسرق وأرضه قاعدة بتنحرق وشعبه عمال يفترق وضميره مش مرتاح
رايح يوقف وحش نهش في ألوف مساكين حالف لياخد التار ويحارب الملاعين
وصل الميدان وقال
وصل الميدان وقال وينك يا حرية ؟؟ ما كفاية عشنا سنين في حكومة جبرية
وجمع وراه ملايين ستات ورجالة قالوا للنظام عايزين حرية وعدالة
وقالوا للرئيس امشي وكفاية 30 سنة شوفنا الفساد والظلم ولا دوقنا طعم الهنا
ونادوا بعلو الصوت سلمية سلمية عايزين بلدنا تكون م الظلم محمية
وقالوا الكرامة وين
قالوا الكرامة وين كلمتنا مسموعة
عايز اعيشلي يومين وانا راسي مرفوعة
كانت مطالبهم في الثورة شرعية عايزين كرامة وعدل ومعاها حرية
شوفوا الولد ازاي جمع وراه ملايين ؟ قائد يا ناس وشجاع وتقول صلاح الدين
والشرطة جت تضرب مطاط يا ناس ومسيل والأبن دا مصمم لازم يكون في رحيل
ضربت رصاصها الحي
ضربت رصاصها الحي قالت عليه دا عميل وقع الولد عالأرض والدم منه يسيل
ضحى عشان غيره ضربوه يا ناس بالنار من غيرته على بلده الموت بأيده اختار
كان حلمه غيره يعيش
كان حلمه غيره يعيش مسألش في حياته شرب الوطن من دمه وقطر الحياة فاته
وكانت نهايته الموت
كانت نهايته الموت مع انه كان عارف كافح بكل صمود وبقلب مش خايف
شوفوا يا ناس ازاي الابن دا كمل مع ان غيره جبان ما قدرش يتحمل
نطق الشهادة وقال للمولى أنا رايح والدم منه يا ناس عالأرض كان سايح
وأمه هناك في البيت !!!!
وأمه هناك في البيت قلقانه وحزينة اصله ابنها الوحداني ورداية في جنينه
قاعده ترن عليه عايزه تقوله ارجع لكن ضناها يا ناس مبقاش خلاص يسمع
والله يا أمي الدم دا ما يروح لو تمنه كان دمي لازم أضحي وأروح
سـيبي الشهيد يرتاح وأنا أكمل المشوار من يوم ما شوفت الظلم وأنا قلبي قـايد نار
وأمانه يا أمي
أمانه يا أمي بلاش أشوف دمعك قلبي بيتقطع وابنك هناك سامعك
دمعك على قلبي سكينة وبتجرح أم الشهيد الحر لازم تقوم تفرح
ما ابنك أنا بردو !!!
ما ابنك أنا بردو . ولا أني مش ابنك ؟؟؟ وحضن أمي كمان هو أكيد حضنك
لو غالي أنا عندك
لو غالي أنا عندك وراضيه أكون ابنك وريني ضحكاتك وبلاش أشوف حزنك
ما تقولي يا مبارك !!!!!!!!!!!
ما تقولي يا مبارك حرقت قلبها ليه ؟؟؟؟؟ ما كفاية شافت مر وأنت عامل فيها بيه
علشان تعيش شهرين قتلت أبن برئ صدقني لاخد تاره وبقلب والله جرئ
سهرت ليالي كتير علشان تكبر فيه دلوقتي سهرانة قاعدة بتبكي عليه
أمنك دا كان دوره يسهر ويحمينا دلوقتي ليش اختار يقتل اهالينا ؟؟؟؟
ما أنت اللي قايـله أضرب ولا يهمك أومال هتعمل إيه لو دمه مش دمك ؟؟؟
انسي خلاص يا مبارك إن أنت تحبسنا راحت ليالي الظلم ورجعت خلاص روحنا
وماااااااااااااااااااااااااااااااااااات الشهيد
مات الشهيد علشان ترجع كرامة الشعب والله دمه يا ناس غالي وجوا القلب
هفضل أنا وابني
هفضل أنا وابني فاكرينه طول العمر وف شعري هحكي عليه لولاد بلادي السمر
وف شعري هحكي عليه لولاد بلادي السمر

اللهم ارحم شهدائنا وصبر أهلهم على فراقهم
يارب العالمين
كلمات الشاعر السيناوي أحمد الحجاوي
شاعر جامعة سيناء
العريش
محافظة شمال سيناء




تحية من اهالي سيناء الى شهداء ثورة 25 يناير





hghfk hgaid]



 
 توقيع : زيزي المهندس



قديم 12-02-2012, 09:20 PM   #2


الصورة الرمزية زهره البنفسج
زهره البنفسج غير متواجد حالياً

بيانات اضافيه [ + ]
 رقم العضوية : 675
 تاريخ التسجيل :  Dec 2011
 المشاركات : 22,271 [ + ]
 التقييم :  740
تلقيت إعجاب : 1
 الدولهـ
Saudi Arabia
 الجنس ~
Female
لوني المفضل : Crimson
افتراضي رد: الابن الشهيد



راقني حرفك العذب وجمآال ذآئقتك...
لاعدمناك ِ....
بنتظآرجديدك بكل شووق
ودي وشذى الورد


 
 توقيع : زهره البنفسج

يَاربْ أنتَ وَحدكَ تعلَم مفاتِيح السّعادةِ في قلبِي فَـ اِفتحهَا


موضوع مغلق

مواقع النشر

الكلمات الدليلية
الابن, الشهيد


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
الابن العاق المعاق الفارس الاصيل الفضفضه 1 13-12-2013 06:34 PM
من هو الشهيد حبيبه الفتاوى والأحكــأم الأسلامية 1 26-07-2013 04:58 PM
دم الشهيد نور الهدايه همسات قلم نور الهداية 3 09-08-2012 11:49 AM
حق الابن على ابيه الزهور الثلاثه الفتاوى والأحكــأم الأسلامية 4 18-02-2012 11:39 PM



هذا الموقع يتسخدم منتجات Weblanca.com
new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.