لمسه مصرية (الاسرة السعيدة)


قطة مشمشية


موضوع مغلق
 
LinkBack أدوات الموضوع انواع عرض الموضوع
قديم 17-01-2012, 11:17 AM   #1
[COLOR=DarkOrchid]حنايا الروح ~[/COLOR]


الصورة الرمزية أعذرني فأنا أنثى
أعذرني فأنا أنثى غير متواجد حالياً

بيانات اضافيه [ + ]
 رقم العضوية : 174
 تاريخ التسجيل :  Jun 2011
 المشاركات : 5,350 [ + ]
 التقييم :  1649
 الدولهـ
Egypt
 الجنس ~
Female
 MMS ~
MMS ~
لوني المفضل : Black
Unhappy قطة مشمشية



مشمشية, قطة



مشمشية
انا قطة مشمشية
قالوا عليا شقية
ماما على طول ظلماني
وتيتة مغلباني
ال ايه ... انا مفتريه ؟؟؟! @ر
مشمشية
ان قولت رأيي في حاجة
ابأى جريئة وعنادية
وان سكت خالص مالص
ابقى خبيثة مخبيه
وان عملت فيها عبيطة
يقولو عليا غبيه
حد يقولي ده عادي
ولا ده كتير عليا :)
ومش بس كده ياخواتي
بصوت كتير وبهاتي
وهم يضحكوا عليا
@#@ضحكت امبارح ضحكة
وياريتني ماضحكتها
الفار المعهود راح لاعب
وفي دماغ امي وزوزلها
بتفكري في ايه يا بت
سرحتي في مين يا شقية
اعترفي يالا بسرعه
ونظرات مريبة عليا
آه ياني من كده ياني
اتعملتي الف محاكمة
وكمان لبست القضية @8
سيبك من ديا وديا
خرجت مع ماما في يوم
وماشيين في امان الله
قابلنا انكل رفعت
ويا ريتنا ما قبلناه
سلمي يا ساره سلمت
اتكلمي يا ساره اتكلمت
والوقفه دمها يلطش
وبعد ما مشينا وسيبناه
خد عندك دروس ودروس
انتي مكشرة كده ليه
انتي قرفانه من ايه
فكي وشك واضحكي
ماتبقي على طول نكديه
وسمعت انا الكلام
وحبيبتي يابتسام@2
قضيتها نكت وهزار
وضحك مع الجزار
الدنيا اتقلبت تاني
ماتضحكيش في الشارع
لا يفهموكي غلط
يحرقهم واحد واحد
تحبي ارميهم بالزلط ؟ @6
ده ايه العيشة ديا ؟
حرام كده يا خواتي
والله كتير عليا
وكمان في نفس الشارع
ماتلعبيش في العقد
حاضر ياماما مش لاعبه
ماتبصيش لحد
حاضر يا ماما مش باصه
ونروح بعديها على طول
واصحى الصبح لمدرستي
واقف قدام تسريحتي
مشمشية
اعمل ضفيرة وضفيرة
وساعات قطتين
الاقيها بتصوتلي
هو انتي عندك سنتين ؟
مانتيش لسه في حضانه
حسسيني انك صبيه
كلها سنتين يا حياتي
وهتطلعي عالكلية
يعني اعمل ايه يا ماما
مالها الضفيرة ديا ؟
لا ياختي سيبيه كاريه
اسم الله عليكي فيه
حاضر يا ماما عنيا
واروح مدرستي وارجع
يقوم بابا ماسكني<<9
انتي كبرتي يا زغزوغة
لازم تشيلي مسؤولية
يلهوي ... ناوي تشغلني ؟
هههههههههههههههههههه
يقوم ضاحك ضحكة طويلة
ويقولي لأ يا غبيه
ويحكيلي بعديها حكاية
غريبة مريبة جدا
لا ليها بداية ولا نهايه
انا قلبي مش مستريح
اه منك انت يا بابا
لما بتشتغل فيا @11
والدور والباقي على اخويا
اوزعة وقد عيالي
وطالعلي فيها خالص
وعايش الدور الرجالي
انا ماشيه وساكته وهاديه
والله ماشيه في حالي
يقوم فجأة خابطني
مع قرصتين في وداني @8
بتعمل كده ليه يا منيل
اه منكو يا عيله فضحاني
مش شايفه التيت بيعاكسك
وصحابه كمان عارفينك
ادي دقني ان ماوريتك
وكمان هفختلك عينك @5
وتبقي ام عين مفخوته
ماحدش هيعبر شكلك
وامشي وياكي مطمن
بوريه منك يا سئيل
يا فاضحني في كل سبيل
وانا مالي ومالهم يا بني
سيبهم ومالناش دعوة
يقولي ازاي يا ختي
انا راجل وبقيت كبير:)
والاوزعه التانية كمان
سفروته بس جنية
البت 3 سنين
ومطلعالي عنيا
امبارح قاعده اعاكسها
يوتي يوتي يوتي
ياختي حبيبة ساره
هشك بشك كشك
وعلى بؤ مين الطياره
اننننننننه نوننننننه
هييييييييييييه بيب بيب:)
الاقيها بصالي بقرف
وتقولي بطلي هبل
وتبص لاخويا وتضحك
لحد ما جابتلي الشلل
وتشاورله اني مجنونة
وتاخدني على قد عقلي
حسستني اني سخيفه
وان انا الي لسه نونه
حتى انتي يا خرم الابرة
اه ياني دول شردوني
وانا الي جبته لنفسي @^@
والتانية السوسة التيت
كلكوا عارفينها طبعا
آه منها ومن عمايلها
غجرية وصوتها عالي
مزعجة على طول دوشاني
فوداحيه ومسيحالي
وصاحباتها دول كوم تاني
واقفل وابعد وانسى
وافتح الفيس ولمسة
تبدأ الليلة من تاني
واحد ماسكني مواعظ
يا ساره خدي بالك (((@
كل الي عالفيس سيس
ما تكلميش فلانه
والواد ده انا عارفه خسيس
واحكيلي على كل حاجة
مانتي اختي الصغنونة
وياريت تعقلي شويه
بكفايه كده يا مجنونة
وحاضر وماشي وطيب
يطلعلي بابا التاني
وخالو كمان معاه
وبلاش احكي لاتعلق
ههههههههههههههههههه
غلوش غلوش غلوش
بعتش بعتش بعتش
هيه بيب بيب @@!@@
والرغي كتير والله
وحكاوي مالهاش آخر
على عيني وراسي الكل
وبردو هقول في الآخر
ماما فرحانه بيا
وبابا خايف عليا
واخويا فرحان فيا ههههههه
ودودو ونودي دول قدري
واخويا ووالدي وخالي
عيلتي التانية المثالية
وانا قطة
مشمشية
مشمشية
وهفضل
مشمشية
وسوري على ازعاجكم
حبيت افضفض شوية

مشمشية



r'm laladm



 
 توقيع : أعذرني فأنا أنثى



let the sKy fall





Sara~


قديم 17-01-2012, 11:37 AM   #2


الصورة الرمزية حبيبه
حبيبه غير متواجد حالياً

بيانات اضافيه [ + ]
 رقم العضوية : 10
 تاريخ التسجيل :  Mar 2011
 المشاركات : 33,026 [ + ]
 التقييم :  4498
تلقيت إعجاب : 1
 الدولهـ
Egypt
 الجنس ~
Female
لوني المفضل : Darkorchid
افتراضي رد: قطة مشمشية



هههههههههههههههههههه
ربنا يعوض عليا عوض الصابرين
يااااااااااااااااااااارب
ههههههههههههههههه
انا هلقيها منك من من الجوز الي عندي
حضرتك معترضه زيهم علي اسلوب
الحياه والتحزير عمال علي بطال
ماهو انا كده كل شويه زي ماما عندك كده
بس احنا خايفين عليكم
يمكن خوفنا اوفر شوتين بس علشان الزمن الي احنا فيه
بس انتي ترجمتي باسلوب جميل
وظريف
ربنا يحميكم حبيتي
يسلم قلبك وقلمك
ورحك الحلوه
ارق تحياتي ومحبتي


 


قديم 17-01-2012, 11:42 AM   #3
[COLOR=DarkOrchid]حنايا الروح ~[/COLOR]


الصورة الرمزية أعذرني فأنا أنثى
أعذرني فأنا أنثى غير متواجد حالياً

بيانات اضافيه [ + ]
 رقم العضوية : 174
 تاريخ التسجيل :  Jun 2011
 المشاركات : 5,350 [ + ]
 التقييم :  1649
 الدولهـ
Egypt
 الجنس ~
Female
 MMS ~
MMS ~
لوني المفضل : Black
افتراضي رد: قطة مشمشية




هههههههههههههههههههههههههه نفس كلمة ماما
ربنا يعوض عليا انا صابرة وليا الجنة
هههههههههههههههههههههههههه
خافوا يا ستي خافوا
هنستحمل وامرنا لله
هههههههههههه
منورة والله يا ماما يارب ماتحرم منك
ربنا يباركلك


 


قديم 17-01-2012, 01:14 PM   #4


الصورة الرمزية رامى
رامى غير متواجد حالياً

بيانات اضافيه [ + ]
 رقم العضوية : 724
 تاريخ التسجيل :  Dec 2011
 المشاركات : 547 [ + ]
 التقييم :  489
لوني المفضل : Cadetblue
افتراضي رد: قطة مشمشية



هههههههههه
هيا العيلة الكريمة عددها كام بالظبط
مكنش فية تحديد نسل على ايامكم هههههه
ربنا يزيد ويبارك
بصراحة سارة كلامك جميل وطالع من القلب
وانتى فعلاً شقية جداً
وانا هضم صوتى لصوت شهر زاد وأقولك
خايفين عليكى الدنيا مبقاش فيها أمان
بكرة تتجوزى وابقى فكرينا هتتصرفى ازاى معاهم
ودينى لاحرمهم من المصروف هههههه@^@
تسلم ايدك وقلمك اللى عبر عن اللى جواكى
ببراعة وشفافية وصدق


 


قديم 17-01-2012, 01:59 PM   #5
[COLOR=DarkOrchid]حنايا الروح ~[/COLOR]


الصورة الرمزية أعذرني فأنا أنثى
أعذرني فأنا أنثى غير متواجد حالياً

بيانات اضافيه [ + ]
 رقم العضوية : 174
 تاريخ التسجيل :  Jun 2011
 المشاركات : 5,350 [ + ]
 التقييم :  1649
 الدولهـ
Egypt
 الجنس ~
Female
 MMS ~
MMS ~
لوني المفضل : Black
افتراضي رد: قطة مشمشية



هههههههههههههه احنا يا سيدي 6
3 بنات منهم البت ندى الروح وولد وبابا وماما
بس انا لميت من عالنت شوية تانيين وبقوا كتير بأى
ههههههههه ربنا يخلي
وبعدين انا بس اشوف عيالي وغلاوتهم لامنع عنهم النور والماية
هههههههه
منور يا رامي بحضورك الجميل
بوركت




 


قديم 18-01-2012, 06:15 AM   #6


الصورة الرمزية مومو
مومو غير متواجد حالياً

بيانات اضافيه [ + ]
 رقم العضوية : 682
 تاريخ التسجيل :  Dec 2011
 المشاركات : 11,473 [ + ]
 التقييم :  2126
تلقيت إعجاب : 2
 الدولهـ
Palestine
 الجنس ~
Female
لوني المفضل : Blue
افتراضي رد: قطة مشمشية





القطة المشمشية آآآآآآآه منك يا شقية

هههههههه انتي بارعة يا سارة ليكي اسلوب مميز كده باحساسك

الرااااائع اللي الشقاوة مستخبية بين طياته

بجد انتي مبدعة يا سارة بتشدي اي حد بيقرا كلامك

فضفضة جميلة بس انا لو هتسمحيلي هقلك معاهم حق يخافو اوي عليكي

ده واجبهم وده واجبك وانا عارفه انك عاقلة اوي

ومش ممكن تزعلي من حد من العيلة الجميلة دي

ربنا يخليهملك يا سارة

مش بنعرف ايمتهم الا اما يروحو مننا

قطتك المشمشية الشقية دي اسعدتني

وفعلا انا مبسوطة اوي يا سارة وانا بين حروفك الجميلة دي

تقديري واحترامي

حبي ومودتي





 
 توقيع : مومو



قديم 18-01-2012, 02:26 PM   #7


الصورة الرمزية صبايا
صبايا غير متواجد حالياً

بيانات اضافيه [ + ]
 رقم العضوية : 548
 تاريخ التسجيل :  Sep 2011
 المشاركات : 2,264 [ + ]
 التقييم :  1463
 الدولهـ
Egypt
 الجنس ~
Female
لوني المفضل : Gray
افتراضي رد: قطة مشمشية



هههههههههههههههههههههههههههههههه

والله إنتي عسووووووووووووووووووله يا ساره

ربنا يخليهملك ويزعجوكي براحتهم

وبكره هنشوف هتعملي إيه فعيالك هههههههههههههههههه


 
 توقيع : صبايا


سأظل أتأرجح على تلك الأرجوحة لعلها تذهب بي للسماء
تلقيني هناك وتنساني وتعود بدوني تسكن بذاك العراء


قديم 18-01-2012, 04:26 PM   #8
[COLOR=DarkOrchid]حنايا الروح ~[/COLOR]


الصورة الرمزية أعذرني فأنا أنثى
أعذرني فأنا أنثى غير متواجد حالياً

بيانات اضافيه [ + ]
 رقم العضوية : 174
 تاريخ التسجيل :  Jun 2011
 المشاركات : 5,350 [ + ]
 التقييم :  1649
 الدولهـ
Egypt
 الجنس ~
Female
 MMS ~
MMS ~
لوني المفضل : Black
افتراضي رد: قطة مشمشية



اقتباس:
المشاركة الأصلية كتبت بواسطة مومو مشاهدة المشاركة


القطة المشمشية آآآآآآآه منك يا شقية

هههههههه انتي بارعة يا سارة ليكي اسلوب مميز كده باحساسك

الرااااائع اللي الشقاوة مستخبية بين طياته

بجد انتي مبدعة يا سارة بتشدي اي حد بيقرا كلامك

فضفضة جميلة بس انا لو هتسمحيلي هقلك معاهم حق يخافو اوي عليكي

ده واجبهم وده واجبك وانا عارفه انك عاقلة اوي

ومش ممكن تزعلي من حد من العيلة الجميلة دي

ربنا يخليهملك يا سارة

مش بنعرف ايمتهم الا اما يروحو مننا

قطتك المشمشية الشقية دي اسعدتني

وفعلا انا مبسوطة اوي يا سارة وانا بين حروفك الجميلة دي

تقديري واحترامي

حبي ومودتي



انا الي سعيدة اوي اوي بكلامك الجميل ده
دايما بتحرجيني بزوقك وكلامك الحلو يا مومو
وانا خيبه مابعرفش ارد هههههههههههههههههههههههههههه
اعمل ايه بأى ؟
:)
تسلمي يارب وعيلتي طبعا ما هزعل منها دول كل حياتي
ربنا يسعدك يا جميل

اقتباس:
المشاركة الأصلية كتبت بواسطة صبايا مشاهدة المشاركة
هههههههههههههههههههههههههههههههه

والله إنتي عسووووووووووووووووووله يا ساره

ربنا يخليهملك ويزعجوكي براحتهم

وبكره هنشوف هتعملي إيه فعيالك هههههههههههههههههه
هههههههههههههههههههههه هطلع حبابي عنيهم
دانا مفترية
ههههههههههههههههههههه
انتي الي عسل يا ارق صبا
نورتيني :)


 


قديم 18-01-2012, 05:15 PM   #9


الصورة الرمزية صديق فيلسوف
صديق فيلسوف غير متواجد حالياً

بيانات اضافيه [ + ]
 رقم العضوية : 247
 تاريخ التسجيل :  Jul 2011
 المشاركات : 2,194 [ + ]
 التقييم :  1304
 الدولهـ
Saudi Arabia
 MMS ~
MMS ~
لوني المفضل : Black
افتراضي رد: قطة مشمشية



هههههههه دي فضفضة
ولا لعبة نط الحبل ههه
بس تسلمي على اسلوبك الرائع
دائما مبدعة :)


 
 توقيع : صديق فيلسوف



قديم 18-01-2012, 06:20 PM   #10
[COLOR=DarkOrchid]حنايا الروح ~[/COLOR]


الصورة الرمزية أعذرني فأنا أنثى
أعذرني فأنا أنثى غير متواجد حالياً

بيانات اضافيه [ + ]
 رقم العضوية : 174
 تاريخ التسجيل :  Jun 2011
 المشاركات : 5,350 [ + ]
 التقييم :  1649
 الدولهـ
Egypt
 الجنس ~
Female
 MMS ~
MMS ~
لوني المفضل : Black
افتراضي رد: قطة مشمشية



هههههههههههه فضفضة والله فضفضة
بس عامله نيو لوك
ههههههههههه
ودايما منور أ/ محمود ربنا يباركلك


 


موضوع مغلق

مواقع النشر

الكلمات الدليلية
مشمشية, قطة


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة




new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.