لمسه مصرية (الاسرة السعيدة)


لو بتحبها تعال وانا اخطبهالك


موضوع مغلق
 
LinkBack أدوات الموضوع انواع عرض الموضوع
قديم 11-11-2011, 03:30 PM   #1
- -


الصورة الرمزية انا غلس
انا غلس غير متواجد حالياً

بيانات اضافيه [ + ]
 رقم العضوية : 21
 تاريخ التسجيل :  Mar 2011
 العمر : 38
 المشاركات : 5,817 [ + ]
 التقييم :  3156
 الدولهـ
Egypt
 الجنس ~
Male
لوني المفضل : Darkblue
واااااااااو لو بتحبها تعال وانا اخطبهالك



وانا, اخطبهالك, بتحبها, تعال


بتحب؟!



قوي؟!



قولتلها انك بتحبها؟!



وكان رد فعلها ايه ؟!



هي كمان طلعت بتحبك.. مممممممم



وبعدين؟!



لا ازاي الحب فيه بعدين ..



زي انكـ هتعمل ايه بحبك ليها



ولغايه ما تقدر تتقدم هتعمل ايه ؟!



سكت يعني .. متخافش مني .. انا انسان برضه واكيد هيجي يوم هحب واتحب بس الفرق بينا اني حسبتها صح .. قولي بس ناوي علي ايه وانا اعلمك تحسبها صح..



مممممم هتقضيها مكالمات وحوارات واحيانا مقابلات..




واهلها عارفين؟!



يدبحوها مش كفايه .. مممممممممم



وياتري لما بتقولك بحبك بتصدقها؟



طيب ازاي وانت ساعدتها تكدب علي اهلها؟



حتي لو الاهل تفكيرهم رجعي من وجه نظرك يبقي البنت اقل منهم تفكير لانها اختارت تحل المشكله بالكدب وانها تستغفل اهلها..



تعمل ايــــــــــــــــــــــــــــــــــه ؟! صدقني هو ده اللي انا جاي علشانه.. بتحبها قوي ومعاك في الجامعه - في الشغل- في الشارع - في اي مكان مش هقولك بطل تحبها لان محدش يقدر يشيل الشعور ده من جواك.. انت بس بنفسك تقدر تتخطاه..


او.. توظفه في الحلال



ازاي؟! .. اولا لازم تحط في اعتبارك ان الانسانه دي بنت ناس
ايا كان مستواهم فهي بنت ناس .. وفي الغالب الناس دي معترضه ان بنتهم تحب وتستعمل الحب
تستعمله يعني تكلمك وتخرج معاك..
دي سمعه يا بن الناس مش لعب عيال..
ده من وجهه نظرهم ..
شوفت خلتني برضه ارجع لكلام الناس..
ونسيت اهم نقطه ..
ربنا..
تعالي نتكلم شويه ونرجع لكلام الناس

ان الاهم من السمعه وكلام الناس ان في رب مطلع..
مش محتاجني اقولك ان العلاقه في شرع ربنا محرمه
ماهو مش علشان مش بتلمس ايديها واكتر حاجه سمعتهلها بحبك وحشتيني والاسطوانات المشروخه دي يبقي اللي بتعملوه مش حرام..
لا حرام ..عارف ليه؟
لان ربنا خلقلك قلب غلفه بحبه ده المفروض .. جعلك حب الام من ثانيه الولاده وحب الاب بيبدأ من ثانيه اول ما تشوفه اكتر من مره وتاخد عليه
وحب الاخوات برضه كده
وحب القرايب
وحب الاصحاب من اول ما تلاقي انسان محترم يبقي صديق ليك
وحب النص التاني؟؟!!
من اول ما تلاقيه وتحس انه فعلا بقي النص التاني؟


معاييرك ايه؟!

شكل؟
استايل؟
روشنه؟



شخصيــــــــــــــــــــــــــــــــــــــــه؟



طيب عرفتها ازاي؟



ممممممممممم اتكلمت معاها



هعتبره في حدود الدراسه قدرت تتعرف علي شخصيتها في حدود الدراسه؟
قدرت تعرف هي بتفكر ازاي بالارقام والحروف؟



مم اكيد اتكلمت معاها في مواضيع خارجيه وامور شخصيه
مممممم آدي تاني غلطه محرمه يا حلو



ايوه هو مش رسولك صلي الله عليه وسلم حذر من الاختلاط وقال انه محرم في الاسلام..
طيب آديك خرقت حاجز تاني في طريقك يبقي تفتكر العلاقه هتنجح
لا يبقي انت غلطان لان ربك يمهل ولا يهمل
زي ما بتعارضه في الدنيا زي ما هيديك علي قد عملك
في الدنيا والاخره
يعني هتبص تلاقيها علاقه غلط ان نجحت في الاول هتفشل في النص وان نجحت للآخر هتفشل لآخر الآخر
يعني معني كده ان ربنا لما خلقلك قلب حطلك فيه ميعاد تحب وتوظف الحب..

امتي ؟!

لما تبقي رجل بمعني الكلمه عقل يفكر ان دي الانسانه اللي تنفع تفتح بيت وانها شريكه العمر وقلب بيحب يشوفها يلمحها بس معديه وجيب مش لازم مليان بس يقدر يفتح بيت او في طريقه انه يفتح بيت وايد تخبط علي الباب من بابه مش من شباكه يبقي هو ده ميعاد الحب

الحب اللي مش بيسمحلك بس تخرج معاها اللي بيسمحلك انكـ تعتبرها ضلع من ضلوعكـ

حبتها واللي كان كان انا عارفه وخلاص مبقتش قاادر علي بعدها

ماهو علشان متخسرهاش ولا هي تخسر حبها لازم تسمع كلامي..

روحلها حالا قولها كفايه كده بقي ؟
طبعا هي هتستغرب انت بتقول كده ليه متبصش لا في عينيها ولا في رد فعلها كمل اللي هقولك عليه ده..
قولها كفايه استهتار
كفايه استهتار ان في رب لا بيغفل ولا بينام عارف ان انا وانتي مش بنبالغ في الغلط بس بنغلط
كفايه بقي نتقابل من ورا اهلك
كفايه نتكلم في التليفون
كفايه كلمات وان كانت في نظرنا صغيره ومفيهاش حاجه كفايه انها بتغضب ربنا وفيها عصيان لأوامره
فاكره فاكره واحنا بنحلم ببيت صغير يبقي جميل واطفال نعلمهم في احسن مدارس واسبوع كل سنه نسرقه من الوقت نقضيه مع بعض في مكان بنحبه تفتكري حياه سعيده زي دي هتيجي مع كل التنازلات اللي قدمناها في الدنيا؟
تفتكري ربنا بيدي حد عصي كلامه ؟
كفايه كده بقي ..
اصبري وسيبيني انا كمان اصبر ولما ربنا يديني ويفتح عليا وينفع اجي واتكلم مع اهلك عنك هاجي واخبط الباب
بصي يا بنت الحلال انا بحبك وهفضل احبك بس مينفعش استعمل الحب ده دلوقتي الا لما ابقي قادر ارتبط بيكي قدام ربنا وقدام الناس ..
وعلشان اثبتلك اني مش بهرب منك انا مستعد اتكلم مع اهلك
ايوه مستعد هقولهم ان انا بحبك من زمان وعايز ارتبط بيكي بس انا مستني الفرصه اللي ابقي فيها جدير بيكي..
عايزك تفهميني وتساعديني انا وانتي نطلع من بحر الاساءه اللي ان اوانتي غرقنا نفسنا فيه ..

والله عجبها كلامك وصدقتك واقتنعت ومش عايزه اقولك عيطت من كتر زعلها علي نفسها.. يبقي انت اخترت صح يا مان ويبقي دي انسانه متتعوضش
المحترمين اقل من الزيتون علي البيتزا..

معجبهاش كلامك واخدته علي محمل انكـ بتكدب عليها وشكت في نيتكـ يبقي انت غلطان من الاول في اختيارك يا سيدي مش هي دي اللي قدام اي موقف بعد كده هتقدر تثبت حبها ليكـ ..

معجبهاش كلامكـ بقي ولسه عايزه تقضيها حورات والحياه عندها ايزي
بزمتك يا راجل دي واحده تأتمن علي بيت واطفال ؟؟!

شوفت انا حسبتها صح ازاي؟
شوفت ان طاعه ربنا والامتثال لامره حلوه ازاي؟
علشان يوم ما تحب وترجعله لو حصل شيء لا قدر الله قلبك ميتحطمش من كتر الجروح
شايف اصلا ربنا بيحبك ازاي..
كفايه عليك كده يا بن آدم
اظن انا قولتلك كل اللي فيها هتقولي متكلمتش عن كلام الناس
هقولك الناس مبتبطلش كلام يكفي ان احنا راضيين ربي وربك ورب الناس



g, fjpfih juhg ,hkh ho'fihg; ho'fihg; fjpfih



 


قديم 11-11-2011, 04:17 PM   #2


الصورة الرمزية سليديون
سليديون غير متواجد حالياً

بيانات اضافيه [ + ]
 رقم العضوية : 592
 تاريخ التسجيل :  Oct 2011
 المشاركات : 293 [ + ]
 التقييم :  23
 الدولهـ
Algeria
 الجنس ~
Female
 MMS ~
MMS ~
لوني المفضل : Blue
Icon14 رد: لو بتحبها تعال وانا اخطبهالك



فعلا يكفي رضي الله علينا........ شكراا اوي ليك ربنا يجعله في ميزان حسناتك يارب

تحياتي لك يا محمد المعدوى


 


قديم 11-11-2011, 04:29 PM   #3


الصورة الرمزية اميرة باخلاقى
اميرة باخلاقى غير متواجد حالياً

بيانات اضافيه [ + ]
 رقم العضوية : 145
 تاريخ التسجيل :  May 2011
 المشاركات : 22,219 [ + ]
 التقييم :  1324
تلقيت إعجاب : 1
 الدولهـ
Egypt
 الجنس ~
Female
 MMS ~
MMS ~
لوني المفضل : Blue
افتراضي رد: لو بتحبها تعال وانا اخطبهالك



بارك الله فيك وجزاك خيرا معداوى
طرح اكثرمن رائع
ربنا سيترها على شبابنا وفتياتنا


 
 توقيع : اميرة باخلاقى



قديم 13-11-2011, 01:32 PM   #4
- -


الصورة الرمزية انا غلس
انا غلس غير متواجد حالياً

بيانات اضافيه [ + ]
 رقم العضوية : 21
 تاريخ التسجيل :  Mar 2011
 العمر : 38
 المشاركات : 5,817 [ + ]
 التقييم :  3156
 الدولهـ
Egypt
 الجنس ~
Male
لوني المفضل : Darkblue
افتراضي رد: لو بتحبها تعال وانا اخطبهالك



اقتباس:
المشاركة الأصلية كتبت بواسطة fimizek
اقتباس:
فعلا يكفي رضي الله علينا........ شكراا اوي ليك ربنا يجعله في ميزان حسناتك يارب
اقتباس:
تحياتي لك يا محمد المعدوى


مشكورين ع المرور العطر

تحياتي ليك


 


قديم 13-11-2011, 01:32 PM   #5
- -


الصورة الرمزية انا غلس
انا غلس غير متواجد حالياً

بيانات اضافيه [ + ]
 رقم العضوية : 21
 تاريخ التسجيل :  Mar 2011
 العمر : 38
 المشاركات : 5,817 [ + ]
 التقييم :  3156
 الدولهـ
Egypt
 الجنس ~
Male
لوني المفضل : Darkblue
افتراضي رد: لو بتحبها تعال وانا اخطبهالك



اقتباس:
المشاركة الأصلية كتبت بواسطة اميرة باخلاقى
اقتباس:
بارك الله فيك وجزاك خيرا معداوى
طرح اكثرمن رائع
ربنا سيترها على شبابنا وفتياتنا



مشكوره اخت اميره ع المرور الرائع

تحياتي ليك


 


قديم 13-11-2011, 02:10 PM   #6


الصورة الرمزية حبيبه
حبيبه غير متواجد حالياً

بيانات اضافيه [ + ]
 رقم العضوية : 10
 تاريخ التسجيل :  Mar 2011
 المشاركات : 33,026 [ + ]
 التقييم :  4498
تلقيت إعجاب : 1
 الدولهـ
Egypt
 الجنس ~
Female
لوني المفضل : Darkorchid
افتراضي رد: لو بتحبها تعال وانا اخطبهالك



جزاك الله خيرا يا محمد
علي الموضوع
ربنا يقينا شر الغلط
ويحفظنا جميعا
تحياتي


 


قديم 13-11-2011, 05:02 PM   #7


الصورة الرمزية محمدرجب مهدية
محمدرجب مهدية متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Mar 2011
 المشاركات : 17,391 [ + ]
 التقييم :  12733
تلقيت إعجاب : 516
 الدولهـ
Egypt
 الجنس ~
Male
لوني المفضل : Cadetblue

اوسمتي

افتراضي رد: لو بتحبها تعال وانا اخطبهالك



تسلم يا مان

هو ده الكلام المفيد

حب ايه الي انت جاي تقول عليه

انت عارف قبلة معني الحب ايه

ههههه

عيش يا عم محمد كلها مجرد احاسيس بتنتهي باوزل مروجة جد

ومع اول عريس بتوافق عليه البنت

الله الله الله للي يبعد ويشتري راسه

مشكور محمد

موضوع جميل

لك مني اجمل وردة

@!!!!!@


 
 توقيع : محمدرجب مهدية


الصديق الحقيقي هو من يؤمن بك وقتما تشك بنفسك
وليس من يشك فيك حينما يصدقكك الاخرون
اعذروني فأنا أحب هذا الرجل




قديم 13-11-2011, 05:02 PM   #8
- -


الصورة الرمزية انا غلس
انا غلس غير متواجد حالياً

بيانات اضافيه [ + ]
 رقم العضوية : 21
 تاريخ التسجيل :  Mar 2011
 العمر : 38
 المشاركات : 5,817 [ + ]
 التقييم :  3156
 الدولهـ
Egypt
 الجنس ~
Male
لوني المفضل : Darkblue
افتراضي رد: لو بتحبها تعال وانا اخطبهالك



اقتباس:
المشاركة الأصلية كتبت بواسطة شهرزاد
اقتباس:
جزاك الله خيرا يا محمد
علي الموضوع
ربنا يقينا شر الغلط
ويحفظنا جميعا
تحياتي



مشكوره اختي ع المرور العطر

تحياتي ليك


 


قديم 13-11-2011, 05:08 PM   #9
- -


الصورة الرمزية انا غلس
انا غلس غير متواجد حالياً

بيانات اضافيه [ + ]
 رقم العضوية : 21
 تاريخ التسجيل :  Mar 2011
 العمر : 38
 المشاركات : 5,817 [ + ]
 التقييم :  3156
 الدولهـ
Egypt
 الجنس ~
Male
لوني المفضل : Darkblue
افتراضي رد: لو بتحبها تعال وانا اخطبهالك



اقتباس:
المشاركة الأصلية كتبت بواسطة قلب جريئ
اقتباس:
تسلم يا مان

هو ده الكلام المفيد

حب ايه الي انت جاي تقول عليه

انت عارف قبلة معني الحب ايه

ههههه

عيش يا عم محمد كلها مجرد احاسيس بتنتهي باوزل مروجة جد

ومع اول عريس بتوافق عليه البنت

الله الله الله للي يبعد ويشتري راسه

مشكور محمد

موضوع جميل

لك مني اجمل وردة

@!!!!!@

والله بجد اسعدني تعليق المحترم

مشكور اخي الفاضل ع المرور الرائع

تحياتي ليك


 


قديم 13-11-2011, 11:10 PM   #10


الصورة الرمزية قلم رصاص
قلم رصاص غير متواجد حالياً

بيانات اضافيه [ + ]
 رقم العضوية : 341
 تاريخ التسجيل :  Sep 2011
 المشاركات : 3,442 [ + ]
 التقييم :  2041
لوني المفضل : Cadetblue
افتراضي رد: لو بتحبها تعال وانا اخطبهالك



يا معداوى ربى يبارك فيك
ادب اخلاق وزوق مش كتير عليك
ياخوى حد سامع يارب يهدينا ويهديك
كل الى قلته جميل يا عينى عليك
بحبك والله وكمان الاهل زاد حلاوه بيك
اسال البارى سبحانه من الخير يعطيك


 


موضوع مغلق

مواقع النشر

الكلمات الدليلية
وانا, اخطبهالك, بتحبها, تعال


يتصفح الموضوع حالياً : 1 (0 عضو و 1 زائر)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى الردود آخر مشاركة
حدث لى فى اليمن وانا معار ابن الحتة الابداع الحصري بقلم اعضاء لمسه مصرية 5 31-10-2013 09:02 PM
سجل دخولك باسم بلدك او اي بلد بتحبها جار القمر قسم السياحة العربية والعالمية 14 03-10-2013 08:51 PM
ما احلاهم وانا لابساهم خجل الورد المواضيع المكرره والارشيف 5 23-06-2013 05:28 AM
سجل حضورك بصوره بلد بتحبها ام لمسه السياحة الداخلية بمصر 21 02-09-2012 03:32 AM
لو بتحبها ايدك فى ايدى بقلم الشاعر هشام برهم هشام برهام الخواطر والشعر المسبق الخواطر والنثر_الشعر العامي 4 11-03-2012 08:00 PM



هذا الموقع يتسخدم منتجات Weblanca.com
new notificatio by 9adq_ala7sas
HêĽм √ 3.1 BY: ! ωαнαм ! © 2010
التعليقات المنشورة لا تعبر عن رأي لمسه مصرية ولا نتحمل أي مسؤولية قانونية حيال ذلك (ويتحمل كاتبها مسؤولية النشر)

لمسه مصريه

 
 

SEO by vBSEO ©2011, Crawlability, Inc.